ဘန်ကောက်ခရီးသွား – ၂၀၀၉
ကျော်ကျော်
နိုဝင်ဘာ ၉ ၊ ၂၀၀၉

ထိုင်းနိုင်ငံ ဘန်ကောက်မြို့ကို အောက်တိုဘာနဲ့ နိုဝင်ဘာအတွင်း ၃ ပတ်ခရီးထွက်ခဲ့ပါတယ်။ ခရီးစဉ်အတွင်းကြုံရာမြင်ရာ ဓာတ်ပုံတချို့ရယ် နောက်ပြီး ဘန်ကောက်ကို အလည်သွားရင် အသုံးဝင်မယ်လို့ထင်တဲ့ အချက်အလက်တချို့ကို ဝေမျှဖို့ရည်ရွယ်ပြီး ရေးလိုက်တာပါ။

မှတ်စု(၁)

ခရီးစဉ်အသွားအပြန်တခုလုံးကို China Airlines နဲ့ သွားခဲ့ပါတယ်။ ချိုင်းနားအဲယားရဲ့ လက်မှတ်က အခြားလိုင်းထက် သက်သာပါတယ်။ အေးဂျင့်တွေကနေတဆင့် ၀ယ်စရာမလိုပါ ဘူး၊ www.china-airlines.com ကနေ တိုက်ရိုက်လွယ်ကူစွာ မှာယူလို့ရပါတယ်။ အမေရိကန် ဆန်ဖရန်စစ်စကို ဘေးဧရိယာအတွင်း နေထိုင်သူများ လေဆိပ်အသွားအပြန် အခက်အခဲရှိသူတွေအတွက် east bay shuttle ဗင်ကားကုမ္ပဏီရဲ့ ၀န်ဆောင်မှုဟာ အလွန်ကောင်းပါတယ်။ အခြားသူများနဲ့မရောပဲ သီးသန့်ကြိုပို့တယ်၊ ကားတွေကသန့်တယ်၊ ဒရိုင်ဘာတွေလည်း ဆက်ဆံရေး အလွန်ကောင်းပါတယ်။ ကြိုပို့ကားကို မှာဖို့အတွက် eastbayshuttle.net မှာ ဘွတ်ကင်လုပ်နိုင်ပါတယ်။

ဘန်ကောက်အပြည်ပြည်ဆိုင်ရာ သုဝဏ္ဏဘုံမိလေဆိပ်(Suvarnabhumi Airport) ကို ရောက်တဲ့အခါ လူဝင်မှုကြီးကြပ်ရေးကောင်တာဖြတ်၊ အထုတ်အပိုးတွေရွေးပြီးရင် Arrival Exit ကိုရှာပြီး အပြင်ကိုထွက်ပါ။ လေဆိပ်အတွင်းမှာ အခမဲ့ယူနိုင်တဲ့ ဘန်ကောက်မြေပုံတခုကို ယူထားလိုက်ပါ။ ဓာတ်လှေကားနဲ့ အောက်ထပ်ကိုဆင်း၊ Public Taxi ဆိုင်းဘုတ်ကိုရှာပြီး အပြင်ကိုထွက်သွားလိုက်ရင် အ၀ါနဲ့အစိမ်းရောင်ပါ တက်စီကားတွေ စီတန်းထားတဲ့နေရာကို တွေ့ရပါမယ်။ ကောင်တာမှာ မိမိသွားလိုတဲ့နေရာကိုပြောပြရင် ဈေးနှုံးသိရပါမယ်။ ဥပမာ ကျနော်တည်းခိုတဲ့ စူကွန်ဗစ်အရပ်(Sukhumvit)ဆိုရင် ဟိုင်းဝေးဂိတ်ကြေးအပါအ၀င် ထိုင်းဘတ်ငွေ ၄၀၀ (ခရီးသည်နဲ့ပစ္စည်းများရင် ၅၀၀) ဟာ ပုံမှန်ဈေးနှုံးဖြစ်ပါတယ်။ ဒရိုင်ဘာတွေက ဟိုင်းဝေးဂိတ်ကြေး ၂ ခု အတွက် (၄၅ + ၂၅) ဘတ် ၇၀ ပေးရပါတယ်။

လေဆိပ်ကနေမြို့တွင်းကိုသွားဖို့ ပိုပြီးအကုန်အကျသက်သာတဲ့ အခြားနည်း၂ခုကတော့ ဘတ်စ်ကားလိုင်းနဲ့ ဖြစ်ပါတယ်။ အထုတ်အပိုးနည်းနည်းနဲ့ စုံတွဲ သို့မဟုတ် တယောက်တည်းသမားအတွက် ပိုသင့်တော်ပါတယ်။ မိမိသွားလိုတဲ့ နေရာပေါ်မူတည်ပြီး Airport Express Bus AE01,02,03,04 လေးလိုင်းရှိပါတယ်၊ လူတယောက်ကို ဘတ် ၁၅၀ ပေးရပါတယ်။

အသက်သာဆုံးကတော့ ရိုးရိုးဘတ်စ်ကားလိုင်း ဖြစ်ပါတယ်။ ၂ ဆင့်စီးရပါတယ်။ public taxi စီးရမဲ့နေရာရဲ့ ညာဖက်ကိုဆက်လျှောက်သွားပါ၊ အဆုံးနားမှာ ဘတ်စ်ကားမှတ်တိုင်လေးနဲ့ ထိုင်ခုံတန်းလေးတွေ့ရပါမယ်၊ အဲဒီမှာ ဘတ်စ်ကား စောင့်ရပါမယ်။ Airport shuttle/bus ဆိုတဲ့ကား မှတ်တိုင်မှာလာရပ်ရင် တက်စီးသွားပါ၊ အဲဒီဘတ်စ်က အခမဲ့ဖြစ်ပါတယ်။ လေဆိပ်ကနေ ထွက်ခွာပြီး ၁၅ မိနစ်လောက်အကြာမှာ bus terminal (ဘတ်စ်ကားဂိတ်ဝင်းအကြီးကြီး) မှာ ရပ်တယ်၊ အဲဒီမှာဆင်းပြီး ဆိုင်းဘုတ်ကြီးတခုမှာ ကိုယ်သွားချင်တဲ့ လမ်းနာမည်ကိုရှာပြီး သက်ဆိုင်တဲ့ ဘတ်စ်ကားနံပတ်မှာ သွားစီးရပါတယ်။ ကျနော်တည်းတဲ့ စူကွန်ဗစ်လမ်းကို ၃၄ ဘတ်ပဲ ပေးရပါတယ်။ ဒါပေမဲ့ အချိန်အကြာကြီး(၁ နာရီခွဲလောက်) စီးရပါတယ်။

ဘန်ကောက်မှာ အမေက ကျန်းမာရေးစစ်ဆေးဖို့လည်း ရှိနေတယ်ဆိုတော့ သူသွားနေကျ ဘန်ရမ်ဂရတ်ဆေးရုံ(Bumrungrad International Hospital) ကိုလည်း ကျနော်ရောက်ခဲ့ပါတယ်။
အဲဒီဆေးရုံရဲ့ နာမည်ကျော်ကြားမှု ၀န်ဆောင်မှုကောင်းမှုကိုတော့ အထူးမရေးတော့ပါဘူး။ bumrungrad.com မှာ သွားပြီးလေ့လာလို့ရပါတယ်။ ဆေးရုံက Sukhumvit soi 1 စူကွန်ဗစ်လမ်းမကြီး လမ်းသွယ် (၁)နဲ့(၃) ကြားမှာ တည်ရှိပါတယ်။ ကျနော်တို့က လမ်းသွယ်(၁)က တိုက်ခန်းတခုမှာနေပါတယ်။ ဆေးရုံက မျက်နှာချင်းဆိုင်မှာဆိုတော့ အမေဆေးစစ်ဖို့အတွက်သာမက အစာစားဖို့ အင်တာနက်သုံးဖို့အတွက် မကြာခဏ ဆေးရုံကိုရောက်ဖြစ်ပါတယ်။

ဆေးရုံမှာ ဆေးလာကုကြတဲ့ နိုင်ငံတကာကလူနာတွေထဲမှာ မြန်မာပြည်ကလူတွေလည်း မနည်းပါဘူး။ ဆေးရုံအနားတ၀ိုက် တည်းခိုခန်းမှာ စားသောက်ဆိုင်တန်းမှာ ဆေးရုံထဲမှာ နေ့စဉ်လိုလို မြန်မာဧည့်သည်တွေနဲ့ ဆုံတတ်ပါတယ်။ ဆေးရုံထဲက စားသောက်ဆိုင်တွေထဲမှာလည်း မြန်မာပြည်က အလုပ်သမား စုစုပေါင်း ၁၅ ဦးခန့်ရှိတယ်လို့ သိရပါတယ်။ ဒါတင်မကပါဘူး ဘန်ရမ်ဂရတ်ဆေးရုံမှာ မြန်မာစကားပြန်ရှိတယ်၊ ငွေလဲလှယ်ပေးတဲ့ မြန်မာရှိတယ်၊ မြန်မာသူနာပြုတွေလည်း ရှိပါတယ်။

အထူးသဖြင့် မြန်မာပြည်ကနေ ဆေးလာကုကြတဲ့ လူနာတွေ အဆင်ပြေဖို့အတွက် ဆေးရုံအနားမှာ တည်းခိုခန်းတွေ၊ apartment (ဟိုမှာ ကွန်ဒုံ condominium လို့ခေါ်တယ်) တွေ၊ တိုက်ခန်းဌားစားတဲ့ မြန်မာကိုယ်စားတွေ ရှိကြပါတယ်။ အကြမ်းဖျင်း အိပ်ခန်း၁ခု နဲ့ အိပ်ခန်း၂ခုပါ တိုက်ခန်းဌားခဟာ တရက်ကို ဘတ် ၉၉၀ နဲ့ ဘတ် ၁၅၀၀ အတွင်းရှိပါတယ်။ (ဒီရက်ပိုင်းအတွင်း ငွေလှဲနှုံးကတော့ ၁ ဒေါ်လာ = ၃၃ ဘတ် ခန့် ရှိပါတယ်)

စူကွန်ဗစ်အရပ်မှာ နေထိုင်သူများအတွက် ငွေလဲလှယ်ဖို့ super rich money exchange ဆိုင်မှာလဲရင် အခြားနေရာတွေထက် နဲနဲပိုရပါတယ်။ တလမ်းထဲမှာ Super Rich ဆိုင်ခွဲတွေ ၄ ခုလောက်ရှိပြီး ဈေးနှုံးတွေအတူတူ ဖြစ်ပါတယ်။ လိပ်စာကတော့ 67-69 Rachadamri Rd ဖြစ်ပြီး Big C စတိုး နဲ့ Central World Plaza နဲ့ နီးပါတယ်။ အရေးပေါ်လဲလှယ်ဖို့ဆိုရင်တော့ နီးစပ်ရာဘဏ်တခုခုမှာ လဲနိုင်ပြီး ၀.၃၀ ခန့််သာကွာခြားပါတယ်။

ရဲချုပ်ခင်ရီကို သာသနာရေး ဝန်ကြီးဌာနမှာ ဒုဝန်ကြီးအဖြစ်ပြောင်းရွှေ့
မိုးမခ အထောက်တော်၊ ရန်ကုန်
နိုဝင်ဘာ ၁၁၊ ၂၀၀၉

ရန်ကုန်တိုင်း ရဲမှူးကြီး ဝင်းနိုင် အကျယ်ချုပ်နဲ့ စစ်ဆေးခံနေရစဉ်မှာ တိမ်းရှောင်သွားခဲ့တဲ့အဖြစ်ကြောင့် သူ့ရဲ့ အနေအထားပါ မရေရာဘူးလို့ သတင်းတွေ ထွက်ပေါ်ခဲ့တဲ့ ရဲချုပ် ဗိုလ်မှူးချုပ် ခင်ရီကို ခန့်မှန်းတွက်ဆကြတဲ့အတိုင်းပဲ ရဲချုပ်ရာထူးနေရာမှနေ လုပ်ပိုင်ခွင့်အရ အရေးမပါလှတဲ့ သာသနာရေး ဝန်ကြီးဌာနမှာ ဒုဝန်ကြီးအဖြစ် ရောက်သွားပြီလို့ နေပြည်တော်နဲ့နီးစပ်တဲ့ တပ်မတော် အရာရှိဟောင်းတဦးက ပြောပါတယ်။
အဆိုပါ ရန်ကုန်တိုင်း ရဲမှူးကြီး ဝင်းနိုင်ကို စစ်ဆေးနေစဉ်မှာ အကျယ်ချုပ်နဲ့ထားရှိဖို့ စီစဉ်တာရော၊ တိမ်းရှောင်သွားဖို့ လမ်းဖွင့်ပေးရာမှာပါ ရဲချုပ်ရဲ့ ပူးပေါင်းဆောင်ရွက်မှုပါဝင်ခဲ့တဲ့လို့ နီးစပ်တဲ့ အသိုင်းအဝိုင်းက ပြောဆိုကြပါတယ်။ အဲဒီလိုမလုပ်ဆောင်ပဲ ရဲမှူးကြီးဝင်းနိုင်ကို ဆက်လက်စစ်ဆေးမယ်ဆိုရင် တနွယ်ငင် တစင်ပါဆိုသလို အခြားဝန်ကြီးတွေပါ ပါလာလိမ့်မယ်လို့လည်း အထက်ပါ သတင်းရပ်ကွက်များက ပြောဆိုကြပါတယ်။

ရန်ကုန်တိုင်း ရဲမှူးကြီး ဝင်းနိုင်ဟာ ၂၀၀၇ ခုနှစ် စက်တင်ဘာ သံဃာ့အရေးအခင်းကာလမှာ ရန်ကုန်မှာ ဒုတိုင်းရဲမင်းကြီး အဖြစ်တာဝန်ယူခဲ့သူ ၂၀၀၈ ခုနှစ်ဆန်းပိုင်း စိမ်းလဲ့ကန်သာ လမ်း ၅ လောင်းပြိုင်လူသတ်မှုနဲ့ပတ်သက်လို့ စုံစမ်းစစ်ဆေးမှုများမှာ တာဝန်ယူခဲ့သူ၊ ယခုနှစ်ဆန်းပိုင်း အမေရိကန်နိုင်ငံသား ဂျွန်ယက်တော ရေကူးပြီး ဒေါ်အောင်ဆန်းစုကြည် အိမ်သို့ဝင်ရောက်မှုနောက်ပိုင်း အဖြစ်အပျက်တွေမှာ တာဝန်ယူခဲ့ရသူတဦးဖြစ်ပါတယ်။
၅ လောင်းပြိုင်လူသတ်မှုကို ဆက်လက် စုံစမ်းစစ်ဆေးမှု မပြုလုပ်တော့ဖို့ နအဖ အထက်ပိုင်းက တိုက်ရိုက်အမိန့်ပေးခဲ့တာ၊ အဆိုပါ အမှုနဲ့ ပတ်သက်လို့ စုံစမ်းသိရှိခဲ့ရသမျှ မှတ်တမ်းတွေကို ကာကွယ်ရေး ၀န်ကြီးဌာနမှ ဒုတိယ ဗိုလ်ချုပ်ကြီး မောင်ဘိုက လာရောက်သိမ်းဆည်းသွားခဲ့တာတွေဟာ အထက်ပါအမှုနဲ့ ပတ်သက်လို့ ထပ်မံဖော်ထုတ်တာကို နအဖ အထက်ပိုင်းက မနှစ်သက်ဘူးလို့ ရန်ကုန်တိုင်းမှာ တာဝန်ယူနေတဲ့ အမည်မဖော်လိုသူ ရဲအုပ်တဦးက ပြောဆိုပါတယ်။
ထို့အတူပဲ ဂျွန်ယက်တော ရေကူးဝင်ရောက်တဲ့ ကိစ္စမှာလည်း နအဖ အစိုးရက ပါဝင်ပတ်သက်မှု ရှိမရှိဆိုတာတွေနဲ့ပတ်သက်ရင် ရန်ကုန်တိုင်း ရဲမှူးကြီးလုပ်တဲ့သူက အသိရှိဆုံး ဖြစ်မှာပါ။ ထိုသို့သော အချက်အလက်တွေဟာ ရဲမှူးကြီး ဝင်းနိုင်ကို ပေးတိမ်းရှောင်စေလိုက်တာလား၊ ရဲချုပ်ကို အခြားနေရာရွေ့စေသွားတာလားဆိုတာ စဉ်းစားစရာပါလို့ ရန်ကုန်မြို့ခံ တဦးက သုံးသပ်ပြောဆိုပါတယ်။

ရန်ကုန်ရှုခင်း နိုဝင်ဘာ ဒုတိယပတ်
လမ်းလျှောက်ဂျာနယ်လစ်
နိုဝင်ဘာ ၁၁၊ ၂၀၀၉

ကမ္ဘာပျက်မှာလား အခုလောလောဆယ် တော့ ပိုပူလာတာ သေချာ
ရန်ကုန်မြို့ကြီးမှာ ယခုရက်ပိုင်း လူတွေ အပြောများဆုံးက ကမ္ဘာကြီး ပူနွေးလာပြီ ဆိုတာပါ။ နိုဝင်ဘာလ ထဲရောက်ပြီ ဆိုပေမယ့် ပူအိုက်တာက အောက်တိုဘာ လဆန်း သီတင်းကျွတ်အတိုင်းပါပဲ။ နိုဝင်ဘာလဆန်း ၁ရက်နေ့မှာ အရှေ့မြောက်လေ စတိုက်ပြီး အနည်းငယ် အပူချိန်လျော့ကျသွားတာ ၃ရက်လောက်ပဲ ကြာပါတယ်။ အဲဒီနောက် ဗီယက်နမ်မှာဝင်သွားတဲ့ မုန်တိုင်း အရှိန်နဲ့ မိုးအုံ့ခဲ့ပြီး ယခုထက်တိုင် ပူအိုက်နေတာ နွေရာသီအလား ဖြစ်နေပါတယ်။
ဒါကြောင့် ဆောင်းဦးဝင်စ ရာသီမှာ လေအေးပေးစက် တပ်ဆင်၊ ရောင်းချတဲ့လုပ်ငန်း၊ ရေသန့်ရောင်းဆိုင်များ အလုပ်များနေဆဲပါ။ ခရီးသွားကားအငှား လုပ်ငန်းပါ တွဲဘက် လုပ်ကိုင်နေတဲ့ ကားဝယ်ရောင်းတဦးက ဒီနှစ်ဆောင်းရာသီတော့ ကျွန်တော်တို့ အတွက်မဟုတ်ပါဘူး။ အဲယားကွန်း တပ်ဆင်တဲ့ ပြင်တဲ့သူတွေအတွက်ပဲ အလုပ်အကိုင်ကောင်းမယ့် ရာသီပါလို့ ဆိုပါတယ်။
ဂျာနယ်တွေမှာလည်း ကမ္ဘာကြီးပူနွေးလာမယ်၊ ကမ္ဘာကြီး ဒိထက်ပိုစောင်းသွားမယ် ဆိုတဲ့ပြောဆိုချက်တွေဟာ ကောလဟလ မဟုတ်ပါဘူးလို့ ဆိုနေကြပါတယ်။ ကမ္ဘာပူနွေးလာမှုဟာ ရေခဲပြင်တွေ အရည်ပျော်စေပြီး ၀င်ရိုးစွန်းရဲ့ အလေးချိန်တွေ ပြောင်းလဲသွားကာ လည်ပတ်မှု အနေအထား မျှခြေကို ပြောင်းလဲစေပြီး ကမ္ဘာကြီးပိုမို စောင်းသွားမယ်လို့ ခန့်မှန်းတာပါလို့ ရေးသားပြောဆိုနေကြပါတယ်။
ကျွန်တော်တို့ မြန်မာနိုင်ငံမှာလည်း ကမ္ဘာကြီးပူနွေးလာနေတယ် ၊ ကြွပ်ကြွပ်အိတ်တွေကြောင့် ပတ်ဝန်းကျင် ညစ်ညမ်းမှုတွေဖြစ်စေတယ် လို့ဆိုပြီး မန္တလေးမှာ ကြွပ်ကြွပ်အိတ်မသုံးရလို့ အမိန့်ထုတ်လိုက်ပါလေရော။ အဲ အခုတော့ ရန်ကုန်မှာပါ ကြွပ်ကြွပ်အိတ် မထုတ်လုပ်ရတော့ဘူးလို့ အမိန့်ထုတ်ပြန်ပါပြီ။ သစ်တောတွေ ခုတ်လှဲနေတာ၊ လူမမြင်ရတဲ့ တောတွေတောင်တွေထဲက သစ်ပင်တွေ နေ့စဉ်နဲ့အမျှ ခုတ်လှဲပြီး ရောင်းစားနေကြတာက မြန်မာနိုင်ငံအတွက် ရေရှည်မှာ ပိုမိုကြီးမားတဲ့ အကျိုးသက်ရောက်မှု ရှိစေမှာပါ။
အခုနှစ်ကတော့ စက်မှု ထွန်းကားတဲ့ နိုင်ငံတွေက ထုတ်လွှတ်တဲ့ ဖန်လုံအိမ် ဓါတ်ငွေ့တွေကြောင့် ကမ္ဘာကြီးကို ပိုမိုပူနွေးလာနေပြီး ရာသီဥတုတွေ မမှန် မုန်တိုင်းက ဆောင်းရာသီကို ၀င်လို့လဲ မကုန်ဆုံးနိုင်ဖြစ်နေတဲ့ အတွက် မြန်မာနိုင်ငံမှ လူအတော်များများက ရာသီဥတု ပြောင်းလဲခြင်း၊ ကမ္ဘာကြီးပူနွေးလာခြင်းဆိုတာ လူတိုင်းနဲ့ သက်ဆိုင်လာနေတယ် ဆိုတာနားလည်လာကြပါပြီ။

မြန်မာနိုင်ငံရဲ့ ပတ်ဝန်းကျင် ထိန်းသိမ်းရေးအဖွဲ့ ဥက္ကဋ္ဌကို သစ်တောရေးရာ ၀န်ကြီးက တာဝန်ယူထားပါတယ်

သစ်တောတွေ မပြုန်းတီးရအောင်။ သဘာဝပတ်ဝန်းကျင် ထိန်းသိမ်းရေး အသိ၊ လှုပ်ဆောင်မှုတွေ အနေနဲ့ မြန်မာနိုင်ငံမှာ ဘာတွေလုပ်နေကြပြီလဲ လို့မေးရင် မြန်မာနိုင်ငံရဲ့ ပတ်ဝန်းကျင် ထိန်းသိမ်းရေး အဖွဲ့ ဥက္ကဋ္ဌကို သစ်တောရေးရာ ၀န်ကြီးက တာဝန်ယူထားပါတယ်။ သစ်တောခုတ်ခွင့် လက်မှတ်ထိုးနေရတဲ့သူကို ပတ်ဝန်းကျင် ထိန်းသိမ်းရေး ကော်မတီမှာ ဥက္ကဋ္ဌပေးထားတာဟာ လူတွေကို ဖမ်းဆီး တရားစွဲဆိုနေတဲ့ ပြည်ထဲရေးဝန်ကြီး ဗိုလ်ချုပ်မောင်ဦးက မြန်မာ လူ့အခွင့်အရေး ကော်မတီမှာ ဥက္ကဋ္ဌလုပ်နေသလိုပါပဲ။ ဆန့်ကျင်ဘက် သဘာဝရှိတဲ့ ရာထူး နှစ်ခုကိုတပြိုင်ထည်း ယူထားစေတာဟာ သူခိုးလက်ထဲ ဘဏ္ဍာတိုက်သော့အပ်ထားသလိုဖြစ်နေသလားလို့ ဆိုရမယ်ထင်ပါတယ်။

လူတွေကို ဖမ်းဆီး တရားစွဲဆိုနေတဲ့ ပြည်ထဲရေးဝန်ကြီး ဗိုလ်ချုပ်မောင်ဦးက မြန်မာလူ့အခွင့်အရေးကော်မတီမှာ ဥက္ကဋ္ဌလုပ်နေသလိုပါပဲ

ဒေါ်စုကို လွှတ်မှာလား

မေငြိမ်း – စာဖတ်ခြင်း အနုပညာ
ဆန်ဖရန်ဘေးဧရိယာ BADA အဖွဲ့၏ ၁၀ ကြိမ်မြောက် စာပေဟောပြောပွဲ ရုပ်သံမှတ်တမ်း – အပိုင်း ၃
မိုးမခမီဒီယာက ရိုက်ကူးတင်ဆက်သည်
နိုဝင်ဘာ ၁၁၊ ၂၀၀၉

ကဗျာထဲက သားအဖ
တင်မိုး၊ မိုးချိုသင်း
နိုဝင်ဘာ ၁၁၊ ၂၀၀၉

တလောက ခင်မင်ရတဲ့ အကိုကြီး ကိုချစ်ဖေက စာမရေးနိုင်သေးလဲ အဖေ့ကဗျာလေးတွေ အမှတ်တရ တင်ပေးပါ တဲ့။ ဒါနဲ့ ကိုယ်လည်း အဖေ ကိုယ်တို့တွေအတွက် စပ်ခဲ့တဲ့ ကဗျာတွေကို စဉ်းစားရင်း တွေးမိတာပေါ့။
တကယ်က အဖေက ကဗျာဆရာဖြစ်လေတော့ သူ့ရင်ထဲ ထိရှလာသမျှ ကဗျာတွေ ရေးနေ စပ်နေတာပါ။ ပန်းကလေးပွင့်တာက စလို့ တိုင်းပြည်အတွက် ရင်လေးမိတာ အဆုံးပေါ့။ နောက် ကိုယ်တို့ သားသမီးတွေအတွက်လည်း ကဗျာတွေ အမျိုးမျိုးစပ်သေးတယ်။
အထူးသဖြင့် ကိုယ်တို့မွေးနေ့တွေမှာ နိုးလာတာနဲ့ အဖေက ကဗျာစပ်နှင့်ပြီးပြီ။ မွေးနေ့ လက်ဆောင် ကဗျာတပုဒ်နဲ့ အမြဲဆုမွန်ကောင်းတွေ တောင်းပေးတတ်သလို ဆုံးမစရာ ရှိရင်တောင် ကဗျာနဲ့ ဆုံးမတတ်သူပါ။ ဒီနေ့တော့ ကိုယ်က ကိုယ့်မောင်လေး ဥာဏ်မိုးအတွက် အဖေစပ်ခဲ့တဲ့ ကဗျာလေး တချို့ကို ဖော်ပြချင်မိတယ်။
ကိုယ့်မှာ မောင်လေးတယောက်ရှိခဲ့ဖူးတယ်။ အသက်က တနှစ်ကြီး တနှစ်ငယ်။ အဖေနဲ့ အမေက သားရှင်ပြုချင်တာမို့ သားယောင်္ကျားလေး စောင့်ရင်းနဲ့ သမီးမိန်းကလေးတွေချည်း မွေးလာတာ ၅ ယောက်မြောက်ကျမှ ယောင်္ကျားလေး ရတယ်။ ကိုယ်နဲ့ အထက်အောက် မောင်နှမပေါ့။
တယောက်တည်းသော သားယောင်္ကျားလေးဆိုတော့ ချစ်လိုက်ကြတာ ဘာပြောကောင်းမလဲ။ သားမျက်နှာတချက် အညိုမခံခဲ့ဘူး။ နောက်ပြီး သားကလည်း အဖေနဲ့ စရိုက်လုံးလုံး မတူဘူး။ အဖေ့လို ကဗျာစပ် နူးနူးညံ့ညံ့ မနေချင်ဘူး။ ဒေးဗစ်ချန်းကို ကြိုက်တယ်၊ ဘရုစ်စလီကို အထင်ကြီးတယ်၊ လက်တွေ့ကိုပဲ ပြောဗျာ၊ စိတ်ကူးမယဉ်ချင်ဘူးဆိုတဲ့ လူမျိုး။
အဲဒီတော့ အစွန်းတဖက်စီမှာ ရပ်နေကြတဲ့ သားအဖအကြောင်း အဖေက ဒီလို ကဗျာစပ်ခဲ့တယ်။ ဖတ်ကြည့်ပါအုံး။

၁၆နှစ်သားနဲ့ စကားပြောခြင်း

၁
သား…
ကျနော့်စကား
မမှားမှန်း သူသိတယ်။
သူ နားမထောင်ချင်ဘူး
ကျနော့်စကားဟာ
ခေတ်တရားနဲ့ မညီ
ပဝေဏီက ပေါရာဏစကားလို
နားမချိုစရာ ဖြစ်မိတယ်။
ခေတ်စကားနဲ့ ခေတ်တရားကိုပဲ
သူ နားထောင်မယ်။

၂
သား..
ကျနော့်စကား
ပျားသကာလိုချိုပြီး
စေတနာပိုမှန်း သူသိတယ်။
ဒါပေမဲ့
သူ့နားမှာ မ၀င်ဘူး။
ကျနော့်စကားနဲ့ သူ့ နား
ခေတ်တွေ ခြားခဲ့ပြီ။
သူ့ခေတ် သူ့အကြောင်းနဲ့
ကျနော့်ခေတ် စကားဟောင်း
နားပြောင်းပြန် ဖြစ်နေတယ်။

၃
သား…
ကျနော့်စကား
အဆင်တန်ဆာ များတယ် လို့ ထင်တယ်။
စကားတန်ဆာ နားတန်ဆာဆိုတာ
ခါးတမာပါပဲ။
မေတ္တာအပြုံးဆေးဟာ
ခေတ်နဲ့ကွာတဲ့ အရှုံးပေးမှုပါပဲ။
သား အရှုံးမပေးနိုင်ဘူး၊
နှလုံးမအေးနိုင်ဘူး။
အမုန်းသွေးကြွနေတယ်။
သားဟာ ဒေးဗစ်ချန်း
သားဟာ စူပါမင်း
သားဟာ ရမ်ဘို
သားဟာ….။

၎
ယဉ်ကျေး ပျူငှာမှုတွေဟာ
အလိမ် အတုတွေပဲ။
စကားလုံး ၀ါကျတွေဟာ
ဟန်ဆောင်မှုတွေပဲ။
ဖေဖေတို့လူကြီးတွေဟာ
လိမ်တယ် ကောက်တယ်။
အခွင့်အရေး တမူးတပဲကို
ဘိန်းဖြူစွဲသလို စွဲနေတယ်။
သား လူကြီးတွေနဲ့ မနေချင်ဘူး။
သား သိုင်းသမားတွေနဲ့ နေမယ်။
တန်ခိုးရှင်တွေနဲ့ နေမယ်။
သူရဲကောင်းတွေနဲ့ နေမယ်။
သား စကားမပြောချင်ဘူး။
ဖေဖေဟာ သားကို ချစ်မှန်း သိပါတယ်။
သားကိုချစ်သလောက်
တရားကိုကော ချစ်ပါသလား။

၅
အလို..ဗုဒ္ဓေါ
မလွယ်ကြောပါလား။ ။

တင်မိုး
၂၅-၃-၁၉၈၈

လူကြီးနဲ့ လူငယ်ရဲ့ မေတ္တာနဲ့ ယှဉ်တဲ့ ပဋိပက္ခကို ဒီကဗျာမှာ အထင်းသားတွေ့ရမှာပါ။ နောက် ကိုယ့်မောင်လေး အသက်လေးရလာတော့ လူကြီးဆန်ပြီး ရင့်ကျက်လာ၊ မေတ္တာရဲ့ တန်ဖိုးကို သိတတ်လာ၊ နောက်..တရပ်တကျေးမှာ ပင်လယ်ခရီးသွားပြီး အလုပ်လုပ်ရရှာတယ်။ အဲဒီအခါ မိဘအရိပ်ကို သူတမ်းတ ရှာတယ်။ သူ ပြန်လာချင်တယ်။ အဲဒီအခါ အဖေကလည်း သားကို ဒီလို ကဗျာလေးစပ်ပြီး ပို့ပေးခဲ့ပြန်ပါတယ်။

သားအတွက် အဖေ့အိမ်

ကိုယ့်အသွေးထဲက သား
ပင်လယ်ရပ်ခြားက သူ့စကားဟာ
ခွန်အားအဖြစ် နားထဲဝင်သွားတယ်။

စကားသံမှာ
ကာရန်တွေနဲ့ လှပြီး
ရသတွေနဲ့ ထုံမွှန်းနေတယ်။

ကိုယ့်မြေပေါ်မှာ ပြန်လည်ခြေချဖို့
မြေ ၁၀ လက်မခန့် လိုပေလိမ့်မယ်။

ဖခင်ရဲ့  ၅ ပေ ၄ လက်မခန့် ကိုယ်အလျား
တံတားအဖြစ် အသုံးဝင်ခဲ့ရင်
အဆင်သင့်ပါပဲ လူကလေးရဲ့..။

အဖေ့အိမ်တံခါး ပွင့်နေပြီ။

ခြေသံဖွဖွ၊ ရယ်သံလှလှနဲ့
တံတားပေါ်က လျှောက်ခဲ့ပါတော့။ ။

တင်မိုး
၉-၁၁-၉၅

အဖေက ဘယ်လောက်ပဲ တံတားခင်းပေးချင်ပေမယ့် သားကတော့ သေမင်းခင်းပေးတဲ့ လမ်းကို ဖြောင့်ဖြောင့်ကြီး သွားနှင့်ခဲ့ပြီ။ ကိုယ့်မောင်လေး ဥာဏ်မိုး ၂၀၀၁ ခု နိုဝင်ဘာ ၁၀ ရက် မှာ ပင်လယ်ရပ်ခြားမှာ တာဝန်ထမ်းဆောင်ရင်း ဆုံးရှာတယ်။ ဒီနေ့ဆို သူ ခွဲခွာသွားခဲ့တာ ၁၀နှစ် တင်းတင်း ပြည့်ခဲ့ပြီ။
သားကို ချစ်တဲ့ အဖေလဲ သား နောက် လိုက်သွားခဲ့ပြန်ပြီ။ ပထမဆုံး အမေ..၊ နောက် မောင်လေး..၊ နောက် အဖေ..။ သိပ်ချစ်ကြတဲ့ သူတို့ သားအမိ သားအဖတတွေ တနေရာရာမှာ ဆုံဆည်း ပျော်ရွှင်နေကြလိမ့်မယ်လို့ ကျန်ရစ်တဲ့ ကိုယ်တို့ညီအမတတွေ ယုံကြည်နေမိပါတယ်။

(ထုံးစံအတိုင်း … မိုးချိုသင်းဘလောဂ့်က ယူပါတယ်)

ဝန်ကြီးချုပ်ဟောင်း သက်ဆင် ကမ္ဘောဒီးယားသို့ရောက်ပြီ၊ ထိုင်းသတင်းစာများ ကန့်ကွက် ရေးသား
မိုးမခအထောက်တော် အမှတ် ၀၀၂
နိုဝင်ဘာ ၁၁၊ ၂၀၀၉

ထိုင်းအစိုးရက ဝရမ်းပြေးအဖြစ် သတ်မှတ်ထားသော ၀န်ကြီးချုပ်ဟောင်း မစ္စတာ သက်ဆင်သည် ကြိုတင်ကြေညာထားသည့်အတိုင်း ကမ္ဘောဒီးယားသို့ အင်္ဂါနေ့က ရောက်ရှိသွားရာ ထိုင်းသတင်းစာကြီး ၂ စောင်က ရှူတ်ချရေးသားလိုက်ကြသည်။ မစ္စတာ သက်ဆင်အား ကမ္ဘောဒီးယားဝန်ကြီးချုပ် မစ္စတာ ဟွန်ဆန်က သူ့နိုင်ငံ၏ စီးပွားရေးအကြံပေးအဖြစ် ခန့်အပ်ခံရမည်ဟု အသံထွက်လာပြီးနောက်ပိုင်း ထိုင်းအစိုးရက သူ၏သံအမတ်ကို ပြန်လည် ခေါ်ယူလိုက်ခြင်းမှာ မှန်ကန်ကြောင်း ယနေ့ထုတ် ဘန်ကောက်ပို့စ်သတင်းစာ အယ်ဒီတာ့ အာဘော်တွင် ရေးသားထားသည်။
“ထိုင်းအစိုးရက သံအမတ်ကို ပြန်လည်ခေါ်ယူခြင်းမှာ အလွန်အကျွံ ပြုမူလိုက်ခြင်း ဖြစ်သည်ဟု ပြီးခဲ့သည့်အပတ်အတွင်း နိုင်ငံခြား သံတမန်တချို့က ကောက်ချက်ချခြင်းမှာ မှားယွင်းကြောင်း၊ ထိုသို့ ပြန်လည်ခေါ်ယူခြင်းမှာ အလွန်တရာ သံခင်း တမန်ခင်း ဆန်ကြောင်း၊ ထိပ်တိုက်တွေ့ဆုံခြင်း မဟုတ်ကြောင်း” ဘန်ကောက်ပို့စ် အယ်ဒီတာ့အာဘော်က ဆိုသည်။
နေးရှင်းသတင်းစာကမူ ပိုမို၍ ပြင်းပြင်းထန်ထန် ဝေဖန်ရေးသားထားသည်။

နေးရှင်း၏ အယ်ဒီတာ့ အာဘော်မှာလည်း မစ္စတာ သက်ဆင်ကြောင့် ပျက်စီးနေသည့် ထိုင်း-ကမ္ဘောဒီးယားနိုင်ငံ ဆက်ဆံရေးအကြောင်း ဖြစ်သည်။ မစ္စတာသက်ဆင်ထံ အိတ်ဖွင့်ပေးစာသဘော ရေးသားထားသည်။

ထိုင်းအစိုးရက သူ့အား ၀ရမ်းထုတ်ထားသဖြင့် မကျေမနပ်ဖြစ်ပြီး ထိုင်းနှင့် ဆက်ဆံရေး ကောင်းမွန်ခြင်းမရှိသည့် ကမ္ဘောဒီးယား၏ စီးပွားရေးအကြံပေးအဖြစ် လုပ်ကိုင်နေခြင်းမှာ မှားယွင်းသည်ဟု ဆိုသည်။

“ဤနည်းလမ်းသည် မတရားမှုအား တိုက်ခိုက် ဆန့်ကျင်ရေးနည်းလမ်း ဟု ယူဆပါက တရားမျှတမှုအကြောင်း စိုးစင်းမျှသင် မသိ နားမလည်သေးပေ” ဟု နေးရှင်းသတင်းစာ အယ်ဒီတာ့ အာဘော်တွင် ရေးထားသည်။

“ကမ္ဘောဒီးယားဝန်ကြီးချုပ်၏ နိုင်ငံရေး ပြိုင်ဘက်များက ထိုင်းသို့ လာရောက်ပြီး အကူအညီ တောင်းပါက မည်သို့ လုပ်ရမည်နည်း၊ ထိုသူတို့အား တရားမျှတမှု ပေးရန် သင်က ကျွန်ုပ်တို့အား တိုက်တွန်းဦးမည်လော” ဟု နေးရှင်းသတင်းစာက ဆိုသည်။

နိုင်ငံရေးအကျဉ်းသားတဦးရဲ့  သမီးဆီပေးစာ

ဗဟိန်းသစ်

နိုဝင်ဘာ ၁၀၊ ၂၀၀၉

သမီး တခါက အဖေ့ကို ခဲရာခဲဆစ် စာနဲ့ မေးခွန်း နှစ်ခု မေးဖူးတယ်။

ဒူးလေးက ထွက်တဲ့ မြားဟာ ပစ်သူဘက် လှည့်တတ်သလား တဲ့ …

ကိုယ်ဝန်ရင့်မာပြီးမှ မမွေးဖွားဘဲ နေလို ရသလား တဲ့ …

သမီး မေးတတ်ပုံကို အဖေ ကျေနပ်နေရတယ်။ အဖေ ခရီးတွေထွက်၊ အိမ်ပြန်ရောက်ရင် သမီးမေးသမျှ မေးခွန်းတွေဖြေ၊ အတွေ့အကြုံတွေ ပြောပြနဲ့၊ သမီးနဲ့ အဖေ စောစော လမ်းလျှောက်ကြရင်း စကားတွေပြောကြ၊ အဲဒီ မနက်ခင်းတွေကိုလည်း အဖေ အခု သတိရနေတယ်။  သမီးကလည်း သမီးတွေ့ကြုံ ခံစားခဲ့ရတာတွေကို ပြောပြနဲ့။

ညောင်ပင်ကြီးအောက်မှာ ညောင်ကိုင်းခြောက်တွေ လိုက်ကောက်ရင်း အားပြတ်ပြီး သေသွားတဲ့ ကလေးတယောက်အကြောင်း သမီးပြောပြတာ အဖေ စိတ်ထိခိုက်လိုက်တာ လေ။ အခု ပြန်တွေးမိ အခု စိတ်မကောင်းပါဘူး။ ကောက်ညှင်းထုပ် လျှောက်ရောင်းခဲ့တဲ့ ကလေးကို မကုန်ဘဲ အိမ်ပြန်လာရကောင်းလား လို့ သူ့အဖေ ရိုက်တယ် ဆိုတာကော။ ကလေးမုန့်သည်လေးတွေ ဆိုတာ တပြည်လုံး ခြေချင်းလိမ် နေတာပဲ။ အလုပ်အကိုင် ရှားပါးတော့ လုပ်မိလုပ်ရာ လုပ်ကြတာလေးတွေ က အိမ်စာရိတ် ခုမိအောင် ကူညီကြရ။ သမီး သူတို့လေးတွေ အပေါ် စာနာစိတ် ထားတတ်တာ သိပ်ကောင်းတယ်။

မှတ်မိသေးတယ် … သမီး ဒုတိယတန်းလောက်မှာ ထင်တယ်။ ရထားတိုက်ခံ သေသွားရတဲ့ ဈေးသည်လေးအကြောင်း ရေးထားတဲ့ ၀တ္ထုတိုလေးကိုဖတ်ပြီး ရင်ခုန်နေတုန်း၊ အဖေ့ကို လက်တင် အစမ်း ခိုင်းတာလေ။ ဟုတ်ပါရဲ့ သမီးလေး ရင်အခုန် ကြမ်းနေလိုက်တာ။ လောကမှာ ခံစား စာနာနိုင်သူဖြစ်တာ ကောင်းတယ် သမီး။

သမီး မာသာထရီဇာကို သိပါတယ်၊ လင်းယုန်မောင်မောင်ရဲ့  “မာသာထရီဇာ” ကို မကြာခင်က အဖေ ဖတ်လိုက်ရတယ်။ သမီးရဲ့အငှားဆိုင်လေးပေါ် တင်ရဲ့လား။  အပျော်ဖတ်တွေ မတင်မဖြစ် တင်ရသလို၊ ဒီလို စာအုပ်ကောင်းတွေကိုလည်း တင်ဖြစ်အောင် တင်ပါ။ အရင်း မကျေဘူး ဆိုရင်တောင် တင်ဖြစ်အောင် တင်ပါ။ ဖတ်ကြသလောက် အမြတ်ပေါ့။ သမီး ဖတ်ရတာတော့ ကျိန်းသေ အမြတ်ပေါ့။

သမီးရေ …အန္ဒိယနိုင်ငံဟာ မာသာထရီဇာကို ရလိုက်တယ်။ မာသာထရီဇာ ဟာ အဲဒီနိုင်ငံမှာ အတိ ဒုက္ခရောက်နေသူ အများစုကြီးကို သူ အစွမ်းရှိသမျှ ကယ်တင်ခွင့် ရလိုက်တယ်။ မာသာထရီဇာရဲ့ မေတ္တာဟာ ကမ္ဘာတ၀ှမ်းက ဆင်းရဲ ဒုက္ခ ရောက်နေသူ အပေါင်းဆီ ပြန့်နှံ့သွားတယ်။ မိန်းမမြတ်တယောက်ရဲ့ မေတ္တာစွမ်း အား ရှိခိုးဦးချ ထိုက်တယ်။

သူ ပြောတာ သမီး သတိထားလိုက်မိလား၊ လူတွေဟာ အိမ်နီးချင်းထက် ဘုရားသခင်ကို ပိုသိကြတယ် တဲ။့ မာသာကြီး ဘာကို ဆိုလိုတယ် သမီး သိမှာပါ ။ ဘယ်သူနဲ့ ဖြစ်ဖြစ် ဘယ်အခါမဆို ကိုယ့်မျက်နှာကို ပြုံးချိုထားစမ်းပါ တဲ့ ။ မာသာကြီးက လူတွေ တဦးကိုတဦး အနိမ့်ဆုံး အလွယ်ဆုံး ကူညီနိုင်တာလေးကို တိုက်တွန်းထားတယ်။ မျက်နှာသုန်မှုန်နေတော့ စိတ်ဆိုး စိတ်ညစ်တွေ ရင်ထဲ ရှိနေလို့ပေါ့။ မာသာကြီးက ဒါကို အရင်ဆုံး ရှင်းထားခိုင်းတာ။ မေတ္တာ ကြီးမားတဲ့သူဟာ အသက်ရှည်တယ်လို့  အဖေ ယုံကြည်တယ်။

သူက အအေးဓါတ်နဲ့ နေတာကိုး။ သမီး ၀ိပဿနာစခန်း ၀င်ဘူးတော့ ဗိုလ် ငါး ပါး သိမှာပါ။
ဗိုလ် ဆိုတာ ဗလခွန်အား အစွမ်းသတ္တိ အဓိပ္ပါယ်ပဲ။ ဗိုလ် ငါးပါးဟာ လူတယောက်အဖို့ အမြဲတမ်း လိုအပ်တယ်။ အဲဒီ ဗိုလ်ငါးပါးမှာမှ သတ္တိက ဘယ်အခါ ဖြစ်ဖြစ် အခေါင်အချုပ် သဒ္ဒါကို ပညာနဲ့ ထိန်းညှိရမယ်။ သဒ္ဒါလွန်း ဆွမ်းတော်ရပ်၊ သဒ္ဒါလွန် ကျွန်ဖြစ် ဆိုတာမျိုး တွေ မဖြစ်ရအောင်ပေါ့။ ၀ီရိယမှာ သမာဓိ ကပ် ထားရမယ်။ ၀ိရိယလွန်လို့ လျော့လွန်းလို့လည်း မဖြစ်ဘူး။ ဗိုလ်ငါးပါးကို အိနြေ္ဒ ငါးပါးလို့လည်း ခေါ်တယ်နော်။ အဲဒီတုန်းက သမီးမှတ်စု စာအုပ်ကလေးကို အဖေ တွေ့ လိုက်ပါတယ်။

သမီး အလုပ်တဖက်နဲ့ ကြိုးစားခဲ့တာ ကျောင်းပြီးတော့မယ် ထင်တယ်။

သမီးရေ … ဒီ စင်္ကြာဝဠာထဲမှာ ကြယ်တာရာတွေရဲ့ အရေအတွက်ဟာ ဒို့ကမ္ဘာ လူဦးရေ သန်း ၆၀၀၀ ထက် အဆမတန် များသတဲ့။ ဒါဆို သမီးလည်း ကြယ်တာရာအသစ် တခု ရှာတွေ့ပြီး သမီးအမည်ကို ပိုင်ပိုင်နိုင်နိုင်  လွတ်လွတ်လပ်လပ် ပေးနိုင်ခွင့် ရှိသားပဲ။ သူများတွေ တခါမှ မတွေ့ဖူးသေးတဲ့ ကြယ်စုကို ကိုယ်ရှာဖွေ တွေ့နိုင်တဲ့အထိ စွမ်းဖို့ပဲ လိုတယ်။ ယောက်ျားတံခွန် လူရည်ချွန် မိုးစွန်တမွတ် ကြယ်ကို ဆွတ် … ဆိုပါလား။ မိန်းမတံခွန် လူရည်ချွန်ကကော သမီးရေ …

မာသာထရီဇာ ရှိတယ်။ ဒေါ်အောင်ဆန်းစုကြည် ရှိတယ်။ သမီးရဲ့အမေ ရှိတယ်။ သမီးရှိတာ အဖေ့အတွက် သေချာတယ်။ လောကအတွက် သမီး ရှိတာ သေချာအောင် ကြိုးစားပေတော့ သမီးရေ။

မာသာထရီဇာ ဟာ အယ်လ်ဘေးနီးယား မျိုးနွယ်၊ ယူဂိုဆလပ်သူ၊ ခရစ်ယာန်၊ လူသားအားလုံးရဲ့ သွေးတွေ နီကြတာချင်းတော့ တူကြသလို၊ သူ့မေတ္တာအောက်မှာ လူမျိုး နိုင်ငံ ဘာသာ အသားအရောင် အားလုံးဟာ ကွဲပြားမှု မရှိတော့ဘူး။ သူ့ရဲ့ မိခင်နို့ရည်လို ဖြူစင်တဲ့မေတ္တာကို သောက်စို့ခွင့် ရသူတိုင်း ရင် အေးချမ်းစေတယ်။ သမီး ကိုယ့် မွေးနေ့တိုင်း သက်သတ်လွတ်စားတဲ့ မေတ္တာအလေ့အကျင့် ကောင်းတယ်။ အမေ့နို့ရည်ကျေးဇူးလည်း အဲဒီနေ့မှာ အထူးအောက်မေ့ နော်။

အဖေလည်း သမီးရဲ့အမေ့ ကျေးဇူးကို အခု သိပ်သိတတ်နေပြီ။
သူလာလို့ အဖေ့မျက်နှာ မြင်လိုက်တာနဲ့  “အဖေကြီး နေကောင်းလား” အရင် မေးလိုက်တော့တာပါဘဲ။ အဖေ့အတွက် ရိက္ခာထုတ်ကြီးတွေ ဆွဲလာရလို့ မောသံတွေ နဲနဲ ပါနေတာ အဖေ သတိထားမိတယ်။
ဘ၀အမောလည်း ပါနေမှာပေါ့ သမီးရယ်။ “ငြိမ်းချမ်းရေးညစာ” မိသားစုအတူ လက်ဆုံ စားချင်လှပြီ သမီးရေ။

တပြည်လုံး မိသားစုတွေရဲ့ ကံကြမ္မာနဲ့ တို့မိသားစု ကံကြမ္မာတွေ အတူတူပဲလေ။ လောကပါလတရားမြတ် မွေးဖွားဘို့ဆိုတာ ဒီလိုပဲ ကြာတတ်တယ်။ အချိန်တန်တော့လည်း မယ်တော်မာယာ သားဖွားခန်းလိုမျိုးပေါ။့ အင်ကြင်းကိုင်းကို လှမ်းအကိုင် အင်ကြင်းရနံ့ တရှိုက်နဲ့ ဗုဒ္ဓလောင်းလျာကို ဖွားမြင်တာပဲ မဟုတ်လား။

ဒါ သမီး မေးတဲ့ မေးခွန်းတခုရဲ့ အဖြေပဲ။

တနှစ် သမီမွေးနေ့မှာ ပါးကွက်ကျားလေးနဲ့ လက်ကမ်းစာစောင်လေး တခု အဖေ လုပ်ပေးတာ အဲဒါ သမီးမှာ ရှိသေးလား။ မိန်းမဂုဏ်ရည်တွေကို ဖော်ကျူးထားတာ ဆရာမြသန်းတင့် ဘာသာပြန်တဲ့ “မင်းဧကရာဇ်တို့၏ ဘဏ္ဍာတိုက်များ” စာအုပ်ထဲက ကောက်နုတ်ထားတာ။

အဖေတခါက မြင်းလှည်းစီးရင်းနဲ့ မြင်းလှည်းသမားပြောတာ ကြားဖူးတယ်။
မြင်းမတွေက ခိုင်းလို့ ကောင်းသတဲ့ … ။ သူ့စကား ကြားကြားချင်း လူသားမိန်းမတွေအတွက် အဖေ ခေါင်းနပမ်း ကြီးသွားတယ်။ “မြင်းမလေးရဲ့ဟီသံ” အမည်နဲ့ ကဗျာရှည်ရေးဖြစ်တဲ့အထိပဲ။

အမေ ငရုပ်သီးထောင်းနေပုံတောင် မကြည့်ရက်ဘူး။ အမေရယ်သာ မဟုတ်ပါဘူး၊
မီးဖိုချောင်က မိန်းမတိုင်းအတွက် အဖေ စိတ်မကောင်းတာပါ။ သူတို့ ငရုပ်သီးထောင်းနေပုံဟာ ကမ္ဘာဦးလူသား ကျောက်ဆုံခွက်ထဲ တခုခု ထည့်ထောင်းနေပုံနဲ့ ဘာ ကွာခြားလို့လဲ။  ဖိုခနောက်နဲ့ ထင်းမီးနဲ့  မီး ကုန်းမှုတ်နေပုံကကော … အဖေတွေ့လို့ မေးကြည့်တော့ လျှပ်စစ်မီးက မလာတာ ကြာပြီတဲ့။  ဒါဆို လျှပ်စစ်မီးဖိုနဲ့ စားပွဲပေါ်မှာ မတ်တပ်ရပ် မချက်ရသေးဘူး ပေါ့။  ခါတိုင်းလိုပဲ အိုးမဲတွေနဲ့ ပြန်ချက်နေရပြီပေါ့။

ဘိုဘိုရဲ့ “အမေ့ရုပ်ရည်” သီချင်း သမီးကြိုက်မှာပါ။ အိုးမဲပေနေတဲ့ အမေ့ရုပ်ရည်လေ။
အမေတွေ အိုးမဲ မပေစေချင်ဘူး သမိးရယ်။  အမေတွေရဲ့ ဦးခေါင်းတွေ ဒီထက် ပို မြင့်စေချင်ပြီ။ မိုးနဲ့ ပိုနီးစေချင်ပြီ။ ဒါပေမယ့် မတတ်နိုင်ကြသေးဘူး။ ကြိုးစားနေကြတာပဲ။ တနေ့တော့ အင်ကြင်းကိုင်းလည်း အကိုင်၊ အင်ကြင်းရနံ့ တရှိုက်မျှနဲ့ အမေတွေဘ၀ စတင် လှပလာရစေမယ်။

သမီး … လူဟာ သေပြီးရင် ဘာဖြစ်မလဲ။  လောက်လန်းသဖွယ် ၀ိညာဉ်တွယ် … တဲ့။

လူကြီးသူမ ပြောစကားတွေ ကြားဖူးတာ များလို့ ဒီလိုပဲ သမီး ယုံနေပြီလား။

ကျွတ်တကောင် ခရီးသွားသလို၊ ရှေ့ကို တွယ်ပြီးမှ နောက်ကို လွှတ်လိုက၊်  နောက်က တွယ်မိတော့ ရှေ့ကို လွှတ်လိုက်၊  သံသရာမှာ ဘ၀တွေ ဒီလို ကူးပြောင်းနေသလား။
ဖယောင်းတိုင် ငြိမ်းသလို ငြိမ်းသွား ပျောက်သွားသလား။ ဗုဒ္ဒမြတ်စွာက စင်္ကြာဝဠာအစ စကြာင်္ဝဠာအဆုံး လူသတ္တ၀ါအစ ဘယ်လို ဟောကြားတော်မူခဲ့သလဲ။

ချမ်းမြေ့ဆရာတော်ရဲ့ ၁၉၈၅ ခုနှစ် တက္ကသိုလ် ဓမ္မသဘင် “ဗုဒ္ဒမြတ်စွာ၏ ချမ်းသာရေးတရားတော်များ” စာအုပ်ကို အဖေ မကြာခင်က ဖတ်ခဲ့ ရတယ် တက္ကသိုလ် ပညာတတ်အသိုင်းအ၀ိုင်းက  ဆရာ ဆရာမ ကျောင်းသူ ကျောင်းသားတွေ တွေးတွေးခေါ်ခေါ် မေးထားတဲ့ စာတွေကို ဆရာတော်  ဖြေကြားထားတာတွေ ပါတယ်။ သမီး ဖတ်ကြည့်စေချင်တယ်။

ဆရာကြီးဦးကိုလေးရဲ့ “မြတ်ဗုဒ္ဒဒေဿနာ” ကို အထပ်ထပ် ဖတ်စေချင်တယ်။ ဗုဒ္ဒက ပစ္စက္ခတည့်တည့် အရှုခိုင်းတာ။ လက်တွေ့ အကျင့်ခိုင်းတာ။ ဆရာနိုး ဘာသာပြန်တဲ့ “အာရှတိုက် အလင်းရောင်” ကဗျာရှည်ကြီးကိုကော သမီး ဖတ်ပြီးပြီလား။

သမီး တွေးဆမှုတွေ ကောင်းတယ်။ တခါက “ဇလာတာ” ကိုဖတ်ပြီး  ကလေးရေးတာနဲ့  မတူဘူးလို့ သမီးပြောဘူးတာ အဖေမှတ်မိတယ်။ ဟုတ်တယ် တချို့နေရာတွေမှာ ကလေးရေးတာနဲ့ မတူတာ အဖေဖတ်ကြည့်တော့ တွေ့တယ်။  ဒီမှာတောင် တယောက်က သူလည်း အဲလိုမြင်တယ် တဲ့။
စာဖတ်ရင် ဒီလို ဝေဖန်ဆန်းစစ်မှုတွေ ရှိဖို့လိုတယ်။

ဘုရားဟောတဲ့ မဂ္ဂင် ရှစ်ပါး တရားဟာ လောကီ လောကုတ္တရာ နှစ်ဖြာအတွက် ကောင်းကျိုး ထူးတယ်။ မှန်စွာ သိမြင်မှု၊ မှန်စွာ ကြံစည်မှု၊  မှန်စွာ ပြောဆိုမှု  စတာတွေဟာ အကုန် အကောင်းချည်းပဲ။ လက်တွေ့ကျင့်ကြံလိုက်နာဖို့ပဲ။ အထက်နားမှာ “လောကုတ္တရာ” ဆိုတဲ့  စကားလုံးတွေ့တော့ လောကီနဲ့ ဘာ ကွာလဲ။ လောကီက အဖေတို့ သမီးတို့ မျက်မှောက်လူ့လောကီ။
ဒါဖြင့် လောကုတ္တရာ ကကော သေသည်၏အခြားမဲ့မှာလား … ။ နိဗ္ဗာန်ကကော ။ ချမ်းမြေ့ ဆရာတော်စာအုပ် ရှာဖတ် သမီးရေ။ တို့လူသားတွေအပေါ် ဗုဒ္ဓရဲ့အလိုတော် အချုပ်တကာ့ အနှစ် ကတော့ …

“မကောင်းမှု ရှောင်

ကောင်းမှု ဆောင်

ဖြူအောင် စိတ်ကိုထား”။

မာသာထရီဇာ တိုက်တွန်းတဲ့ မျက်နှာပြုံးချိုထားဖို့လည်း မမေ့နဲ့ သမီးရေ။

သမီးရဲ့ အဖေကြီး

… … …

အောင်ဝေး၏ ညီညွတ်ရေး
အောင်ဝေး
နိုဝင်ဘာ ၁၀၊ ၂၀၀၉

ကျနော်တို့ဟာ ညီညွတ်ကြပါလို့ဆိုရင်
မညီညွတ်ချင်ကြဘူး။

မညီညွတ်ကြကြေးဆိုရင်တော့
သိပ်ကို ညီညွတ်တတ်ပါတယ်။

ညီညွတ်ရေးဟာ
ဘုရားဟောဒေသနာလိုပဲ အရေးကြီးတာ
ကိုယ်က အရေးမမူပေမယ့်
ရန်သူက အရေးမူတယ်။
ရန်သူက ကိုယ်တွေကို
မညီညွတ်အောင် အမြဲ သွေးခွဲမယ်။

ဒါကို ကိုယ်တွေက သတိမူပြီး
သွေးမကွဲအောင် ညီညွတ်အောင် ကြိုးစားဖို့ပါ။

ဒီအချက်ကို တိုက်တွန်းချင်လို့
အခု ကဗျာကို ရေးလိုက်ပါတယ်။

ကဗျာခေါင်းစဉ်က
ညီညွတ်ရေး

ကဗျာစာသားကလည်း
ညီညွတ်ရေး ပါပဲ။         ။

နိုဝင်ဘာ ၉ ၊ ၂၀၀၉

နိုဝင်ဘာ ၉၊ ၂၀၀၉

(မိုးမခမှတ်ချက် – စာဖတ်သူတွေ ရေးတဲ့စာအဖြစ် ဖော်ပြပါတယ်။ အခုလိုပဲ စာဖတ်သူတွေက စာမူတွေပေးပို့လာမယ်ဆိုရင် အတတ်နိုင်စွမ်း အားပေးပြီး တည်းဖြတ်ဖော်ပြပေးပါ့မယ်။ မြန်မာမိသားစု အသိုင်းအဝိုင်းအားလုံးရဲ့ အသံ၊ ခံစားချက်၊ အတွေးအမြင်တွေကို မျှဝေပေးနိုင်ကြဖို့ပါ)