နာရေးကူညီမှုအသင်း(ရန်ကုန်) အသင်းအဖွဲ့ မှတ်ပုံတင်ပြန်လည်ရရှိနိုင်ရန်အတွက် ၁၁.၉.၂၀၁၁ တနင်္ဂနွေနေ့၌ သင်းလုံးကျွတ် အထူးအစည်းအဝေးပွဲ ကျင်းပကာ အသင်းသား/သူများ အများစု၏ ဆန္ဒများ ကောက်ခံအတည်ပြုခဲ့သည်။

 

နာရေးကူညီမှုအသင်း(ရန်ကုန်)သည် ၁.၁.၂၀၀၁ ရက်နေ့တွင် စတင်အကောင်အထည် ဖော်ပေးဆပ်ခဲ့ရာ နာရေးကူညီမှုလုပ်ငန်း တခုတည်းသာ လုပ်ဆောင်ခဲ့သော်လည်း ယခုအချိန်တွင် ဆေးကူညီမှု (သုခကုသိုလ်ဖြစ်ဆေးခန်း-ရန်ကုန်)၊ သုခအလင်း စာကြည့်တိုက်၊ ပညာဒါန (အခြေခံအင်္ဂလိပ်စာ၊ 4 Skill) တို့အပြင် သဘာဝပတ်ဝန်းကျင် ထိန်းသိမ်းရေးလှုပ်ရှားမှုများနှင့် သဘာဝဘေးဒဏ် အရေးပေါ်ကယ်ဆယ်ရေး ကူညီထောက်ပံ့ရေးလုပ်ငန်းများကိုပါ ချဲ့ထွင်၍ အများပြည်သူတို့အား ကူညီပေးဆပ်မှုများ ပြုလုပ်နေသည်နှင့်အညီ ယခင် နာရေးကူညီမှုအသင်း (ရန်ကုန်)၏ ဖွဲ့စည်းပုံနှင့် များစွာကွာခြား မြင့်မားလာမှုများရှိနေသဖြင့် ယခု ၂၀၁၁ ခုနှစ် အသင်း မှတ်ပုံတင် ပြန်လည်လျှောက်ထားရာတွင် အသင်း၏ ဖွဲ့စည်းပုံ စည်းမျဉ်းစည်းကမ်းများကိုပါ အများ ပြည်သူလူထု ကောင်းကျိုးများအား တိုးချဲ့ကူညီပေးဆပ်နိုင်ရန်အတွက် ပြန်လည်ပြုပြင် ချဲ့ထွင် ရေးသားခဲ့ပါသည်။ 

 ယင်းကဲ့သို့ အသစ်ပြန်လည် ရေးသားထားရာတွင် အသိပညာရှင် အတတ်ပညာရှင်များ၊ ဥပဒေရေးရာပညာရှင်များနှင့် လူမှုရေးသမားများတို့ ပူးပေါင်း၍ အကောင်အထည် ဖော်ခဲ့ပါသည်။ ထိုသို့ အသစ်ပြန်လည် ရေးသားခဲ့သည့် ဖွဲ့စည်းပုံ အခြေခံစည်းမျဉ်းများအား အသင်းသား/သူများအား အများဆန္ဒဖြင့် အတည်ပြုချက်ရယူနိုင်ရန် ကော်မရှင်တရပ်ကို ဖွဲ့စည်းပြီး သင်းလုံးကျွတ် အထူးအစည်းအဝေးပွဲကြီးအား ကျင်းပခဲ့ပါသည်။

 

အစည်းအဝေးသို့ တက်ရောက်လာကြသော အသင်းသား/သူများမှာ ရာခိုင်နှုန်းအားဖြင့် ကျော်လွန်စွာ တက်ရောက်သဖြင့် အစည်းအဝေး အထမြောက် အောင်မြင်ခဲ့သည်။ ထို့ပြင် အများဆန္ဒအား ကောက်ခံခဲ့ရာ တက်ရောက်သူ အသင်းသား/သူများအားလုံးမှ ကန့်ကွက်မည့်သူမရှိ သင်းလုံးကျွတ် ထောက်ခံမှုဖြင့် အောင်မြင်စွာဖြင့် အသင်းဖွဲ့စည်းပုံ အခြေခံစည်းမျဉ်း အတည်ပြု နိုင်ခဲ့ပြီးသည့်နောက် အသင်းမှတ်ပုံတင် တရားဝင်ရရှိရေးအတွက် ရန်ကုန်တိုင်းဒေသကြီးသို့ ဆက်လက်တင်ပြ လျှောက်ထားတော့မည်ဖြစ်ပါသည်။

 

ယင်း သင်းလုံးကျွတ် အစည်းအဝေးပွဲမစတင်မီ ပရဟိတစိတ်ဓာတ်၊ လူမှုရေးစိတ်ဓာတ်တို့ဖြင့် လာဘ်ပေးလာဘ်ယူကိစ္စရပ်များအား တိုက်ဖျက်ခဲ့သော နာရေးကူညီမှုအသင်း(ရန်ကုန်)မှ ယာဉ်မောင်း၊ ယာဉ်နောက်လိုက် (၂) ဦးတို့အား အလုပ်အမှုဆောင်အဖွဲ့တို့၏ ကိုယ်ပိုင်ငွေတို့ဖြင့် စုပေါင်းထားသော ဆုကြေးငွေတို့အား ချီးမြှင့်ခြင်း အခမ်းအနားအားလည်း ကျင်းပပေးခဲ့သည်။

 

နာရေးကူညီမှုအသင်း(ရန်ကုန်)၏ အများပြည်သူလူထုတို့အပေါ် ထိရောက်စွာ ကူညီမှုများ တိုးချဲ့ပေးဆပ်နိုင်ရန်အတွက် အသင်းမှတ်ပုံတင်လျင်မြန်စွာ နိုင်ငံတော်မှ ချမှတ်ပေးပါရန် မျှော်လင့်မိယုံမှတပါး အခြားမရှိတော့ချေ။

၁၁.၉.၂၀၁၁ (တနင်္ဂနွေနေ့) နေ့လည် ၁၂း၀၀ နာရီအချိန်၌ နာရေးကူညီမှုအသင်း(ရန်ကုန်) တွင် လစဉ်ကျင်းပလျှက်ရှိသော စာပေဟောပြောပွဲ၌ စာရေးဆရာမ နုနုရည်(အင်းဝ)မှ ‘ကျွန်မ ဖြစ်ချင်တဲ့ သူနှစ်ယောက်’ ခေါင်းစဉ်ဖြင့် ဆရာကြီး ဗန်းမော်တင်အောင်နှင့် ဆရာကြီး မြသန်းတင့်တို့ နှစ်ဦး၏ ကိုယ့်အပေါ်ယုံကြည်မှု၊ မြန်မာ့စာပေသမိုင်းတွင် စာပေရေးသားခြင်းဖြင့် ပထမဦးဆုံးသော အကျဉ်းချ (တသက်တကျွန်း) ပို့ခြင်းကိုခံခဲ့ရသည့် စာရေးဆရာကြီးနှစ်ဦး ဖြစ်ကြောင်း၊

 

တသက်တကျွန်းကျခံရစဉ် ကျွန်းပေါ်ရှိ ထောင်ဝါဒါအရာရှိများတို့မှ ကျွန်းကျခံ အကျဉ်းသားများထဲတွင် စာရေးဆရာ ဆိုသူများပါရှိကြောင်း ထိုစာရေးဆရာများသည် မိမိတို့ အလွန်နှစ်သက် မြတ်နိုးအားကျခဲ့သော စာပေပညာရှင်ကြီးများဖြစ်သော်လည်း မိမိတို့မမြင်ဖူး၍ မတ်တတ်ရပ် ဖော်ပြပေးစေလိုကြောင်း၊ ရန်သူမှပြန်လည်၍ လေးစားသမှုပြုလုပ်ခြင်းကို ခံခဲ့ရသော စာပေအနုပညာရှင် နှစ်ဦးဖြစ်ကြောင်း၊ ကျွန်းပေါ်တွင် နေထိုင်စဉ်ကာလ၌လည်း အစာငတ်ခံ ဆန္ဒပြပွဲအားဦးဆောင်၍ ကျင်းပခဲ့သူမှာ စာရေးဆရာကြီး မြသန်းတင့်တို့ပင်ဖြစ်ကြောင်း၊

စာရေး ဆရာကြီး ဗန်းမော်တင်အောင်သည်လည်း စာပေဖြတ်သန်းမှု၌ အများပြည်သူတုိ့အတွက်၊ တိုင်းပြည်အတွက်၊ နိုင်ငံအတွက်အကျိုးရှိမည့်၊ အကျိုးပြုမည့် စာပေများစွာကို ရေးသားဖော်ပြ ပေးခဲ့သော်လည်း စာရေးဆရာကြီး ဗန်းမော်တင်အောင်၏ ဇနီးဖြစ်သူသည် မိသားစုအတွက်၊ ဇနီးမယားအတွက် အချိန်ပေးခြင်း၊ ဝမ်းရေးအတွက်ရှာဖွေမှု မပြုခဲ့ခြင်းတို့ကြောင့် အမြင်ကြည်လင်မှု မရှိခဲ့သော်လည်း ဆရာကြီး ဗန်းမော်တင်အောင် ကွယ်လွန်သွားသောအချိန် ဈာပနအခမ်းအနား၌ အများပြည်သူ လူထုတို့၏ ဆရာကြီး၏ နောက်ဆုံးခရီးအား စည်ကားသိုက်မြိုက်စွာ လာရောက်၍ ဂါရဝပြု ပို့ဆောင်ကန်တော့ကြခြင်းကို အလွန်အံ့သြမှုဖြစ်ပေါ်ခဲ့ကာ ဈာပနအခမ်းအနားတွင် ချိတ်ဆွဲထားသော လွမ်းသူ့ပန်းခွေများမှ ပန်းများအား ပရိသတ်များတို့မှ တပွင့်ချင်းဖြုတ်ယူ၍ ရင်ဘတ်များတွင် ဂုဏ်ယူဝံ့ကြွားစွာ တပ်ဆင်ကြခြင်းတို့ကို မြင်တွေ့မိကာ ဆရာကြီး ဗန်းမော်တင်အောင်၏ စွမ်းဆောင်ချက် ပေးဆပ်မှုများအတွက် ဆရာကြီး ဗန်းမော်တင်အောင်၏ ဇနီးဖြစ်သူမှာ ယခင်က မိမိ၏ အထင်နှင့်အမြင် လွဲမှားခဲ့ကြောင်း နောင်တတရား ရခဲ့မှုများကို ဈာပနအခမ်းအနားတွင် ပြောကြားဝန်ခံခဲ့သည့် အဖြစ်အပျက်များနှင့် စာပေအတွက် ကိုယ်ကျိုးစွန့် အနစ်နာခံခဲ့ကြသော ထိုကဲ့သို့ စာရေးဆရာကြီးများလို မိမိဖြစ်ချင်ကြောင်း စာရေးဆရာမ နုနုရည် (အင်းဝ)မှ ဟောပြောသွားခဲ့သည်။
 

 

ယခင် စာပေအနုပညာရှင်ကြီးများသည် တိုင်းပြည်အတွက်၊ လူမျိုးအတွက် ပရဟိတ စိတ်ဓာတ်တို့ဖြင့် ပေးဆပ်ခဲ့သူများပီပီ နာရေးကူညီမှုအသင်း(ရန်ကုန်)ရှိ ယခုခေတ် လူမှုရေးသမား များသည်လည်း ထိုထိုသော စာပေအနုပညာရှင်ကြီးများကဲ့သို့ စွန့်လွှတ်စွန့်စား ပေးဆပ်ကြရမည် ဟူသော သံန္ဓိဋ္ဌာန်ချမှတ်၍ လူမှုရေးပရဟိတ စိတ်ဓာတ်ခွန်အားများကို ဟောပြောပေးဆပ်သွားခဲ့သည်။

(ဗန်းမော်တင်အောင်)

(၁) ဧရာဝတီကို သတ်နေသူများ၏ စိန်ခေါ်သံ

သမ္မတဦးသိန်းစိန်အစိုးရက သဘောထားပျော့ပြောင်းလိမ့်မယ်လို့ တချို့ကမျှော်လင့်နေပြီး တချို့လဲ ပြည်တော်ပြန်ကြ၊ တချို့ကလဲ ပြည် တော်ပြန်ဖို့ တိတ်တိတ်ကလေးကြိုးစားနေကြချိန်မှာပဲ ဦးသိန်းစိန်အစိုးရရဲ့ ဝန်ကြီးတပါးက မြန်မာပြည်သူများရဲ့ဆန္ဒကို လုံးဝ ဂရုမစိုက် ကြောင်း အတိအလင်းထုတ်ဖော်ပြောကြားလိုက်ပါတယ်။ မြန်မာနိုင်ငံရဲ့ အသက်သွေးကြောဖြစ်ပြီး မြန်မာပြည်သူများ မှီခိုအားထားရာဖြစ်တဲ့ မိခင်ဧရာဝတီမြစ်ကြီး ပျက်စီးပျောက်ဆုံးရမှာကို စိုးရိမ်လွန်းလို့ ဧရာဝတီမြစ်ဆုံမှာ တရုတ်အစိုးရပိုင်ကုမ္ပဏီများက တည်ဆောက်နေတဲ့ မြစ်ဆုံဆည်ကြီးကို ဆက်လက်မဆောက်လုပ်ပဲ ရပ်တန့်ဖို့တောင်းဆိုနေကြတဲ့ မြန်မာပြည်သူတွေကို ဦးသိန်းစိန်အစိုးရရဲ့ အမှတ်(၁) လျှပ်စစ်စွမ်းအားဝန်ကြီးဌာန ဝန်ကြီးဦးဇော်မင်းက “ဧရာဝတီရောဂါသည်များ”, “ဧရာဝတီရောဂါနဲ့ အမီလိုက်နေသူများ” လို့ လှောင်ပြောင် သရော်လိုက်ပြီး မြစ်ဆုံဆည်ကြီးကို ဘယ်သူကပဲကန့်ကွက်ကန့်ကွက် ဆက်ဆောက်သွားမှာဖြစ်တယ်လို့ ကြိမ်းဝါးလိုက်ပါတယ်။ စက်တင်ဘာ ၁၀ ရက်နေ့က နေပြည်တော်မှာရှိတဲ့ မီးရထားဝန်ကြီးဌာန ဝန်ကြီးရုံးမှာပြုလုပ်တဲ့ သတင်းစာရှင်းလင်းပွဲမှာ အဲဒီလို ပြောဆို လိုက်တာပါ။

ဒီလိုပြောဆိုရင်းနဲ့ပဲ ဦးဇော်မင်းက မြန်မာ့အလင်းသတင်းစာမှာ လျှပ်စစ်ဝန်ထမ်းတဦး၊ ကျော်မင်းလူ (ရွှေပြည်သာ) ဆိုတဲ့ နာမည်ဝှက်တွေနဲ့ မြစ်ဆုံဆည်တည်ဆောက်ရေးကောင်းတဲ့အကြောင်းတွေ ဆောင်းပါးရေးတာ သူကိုယ်တိုင်ပါပဲလို့ ဝန်ခံသွားပါတယ်။ သူကပြောပါသေးတယ်။ “မြစ်ကြီးကို ဘယ်သူမှမထိန်းသိမ်းခဲ့လို့ မြစ်ကြီးကပျက်စီးတာ။ ရေက စီးချင်တဲ့နေရာလျှောက်စီးနေတာ” လို့ ဧရာဝတီမြစ်ကြီးကိုတောင် အပြစ်တင်သွားပါသေးတယ်။ ဒါပေမယ့် ဧရာဝတီမြစ်ကြီးကို ထိန်းသိမ်းစောင့်ရှောက်ဖို့ သူအပါအဝင်ဖြစ်တဲ့ နအဖစစ်အုပ်စုက နိုင်ငံကို နှစ် ၂၀ ကျော်အုပ်ချုပ်မှုအတွင်း တာဝန်မဲ့ခဲ့တာကိုတော့ မသိချင်ယောင်ဆောင်နေခဲ့ပါတယ်။ ဦးဇော်မင်းဟာ ဗိုလ်မှူးကြီးဟောင်းတယောက်ဖြစ် ပြီး နအဖအစိုးရသက်တမ်းအတွင်းမှာလဲ အမှတ် (၁) လျှပ်စစ်စွမ်းအားဝန်ကြီးအဖြစ် တာဝန်ယူခဲ့သူပါ။

သူဒေါသတကြီးနဲ့ပြောမှပဲ အရင်က သေသေချာချာမသိခဲ့ရတဲ့ အကျိုးစီးပွားအပေးအယူကိစ္စတွေကိုပါ သိကြရပါတယ်။ မြစ်ဆုံဆည် အပါ အဝင် ဧရာဝတီ၊ မေခနဲ့ မလိခမြစ်များမှာတည်ဆောက်နေတဲ့ ဆည်ကြီး ၇ ခု ပြီးစီးသွားရင် ထွက်လာမည့်ရေအားလျှပ်စစ်ပမာဏရဲ့ ၉၀% ကို တရုတ်အစိုးရကရပြီး မြန်မာနိုင်ငံက ၁၀% ပဲ ရမယ်။ တရုတ်အစိုးရက ရာနှုန်းပြည့်ရင်းနှီးမြှုတ်နှံတာဖြစ်ပေမယ့် မြန်မာအစိုးရအတွက် ဒီလုပ်ငန်းကြီးများအတွက် ၁၅% ပိုင်ဆိုင်ခွင့်ပေးတယ်။ ဆိုတော့ ဒီဆည်တည်ဆောက်ရေးမှာ တရုတ်အစိုးရက ၈၅% ပိုင်ပြီး မြန်မာအစိုးရက ၁၅% ပဲပိုင်တယ်ပေါ့။ လျှပ်စစ်ဓာတ်အားရောင်းလို့ရမည့်အမြတ်ငွေရဲ့ ၇၀% ကို တရုတ်အစိုးရကရမှာဖြစ်ပြီး ၃၀% ကိုသာ မြန်မာအစိုးရက ရမှာပါ။ သူအဆိုအရပဲ ထင်ထင်ရှားရှားတွေ့လိုက်ရတာက ကချင်တိုင်ရင်းသားများ အမွန်အမြတ်ထားရာမြစ်ဆုံကို ဖျက်ဆီးပစ်လို့၊ မြန်မာ ပြည်သူများအမှီပြုအားထားရာ ဧရာဝတီမြစ်ကြီးကို တရုတ်အစိုးရကို ဖျက်ဆီးခွင့်ပြုလိုက်လို့ ဦးသိန်းစိန်အစိုးရပြန်ရမှာက ပိုင်ဆိုင်မှုရဲ့ ၁၅%၊ လျှပ်စစ်ဓာတ်အားရဲ့ ၁၀%၊ နဲ့အမြတ်အစွန်းရဲ့ ၃၀% ပါ။ ပျက်စီးပျောက်ဆုံးသွားရမည့် ဧရာဝတီမြစ်ကြီးကို ဆုံးရှုံးလို့ ကျနော်တို့ မြန်မာနိုင်ငံသားများအားလုံး၊ အခုလက်ရှိမျိုးဆက်တွေသာမက နောင်လာမည့် မျိုးဆက်များ ခံစားရမည့် ဆုံးရှုံးမှုပမာဏက ဦးသိန်းစိန်အစိုးရ ခံစားရမည့်အကျိုးအမြတ်ထက် အဆပေါင်းထောင်နဲ့ချီပြီး ကြီးမားလှတယ်ဆိုတာကိုတော့ ဦးဇော်မင်းထည့်တွက်ပုံမရပါဘူး။

(၂) တရုတ်ပြည်ရဲ့ မဟာတံတိုင်းအသစ်

တရုတ်ပြည်က ထင်ရှားကျော်ကြားလှတဲ့ မဟာတံတိုင်း (The Great Wall) ကြီးကို အားလုံးကြားဖူးကြမှာပါ။ ဘီစီ ၅ ရာစုလောက်ကစပြီး မင်မင်းဆက် (Ming Dynasty) (၁၃၆၈-၁၆၄၄) အထိကာလအတွင်း တရုတ်နိုင်ငံရဲ့ မြောက်ပိုင်းကကျူးကျော်ဝင်ရောက်မှုတွေကို ကာ ကွယ်ဖို့ လူသန်းပေါင်းများစွာကိုအဓမ္မစေခိုင်းပြီး နှစ်ပေါင်းများစွာတည်ဆောက်ခဲ့ရတဲ့ ခံတပ်တံတိုင်းကြီးတွေပါ။ နှစ်ပေါင်း ၂၀၀၀ ကျော် သက်တမ်းရှိပြီး မိုင်ပေါင်း ၅၀၀၀ ကျော်ရှည်လျားလို့ ၁၉၈၇ ခုနှစ်မှာ ကုလသမဂ္ဂက ကမ္ဘာ့အမွေအနှစ်တပါးအဖြစ် အသိအမှတ်ပြုထားတာပါ။ ဒီဘက်ခေတ်မှာတော့ လက်ရှိတရုတ်အစိုးရက မဟာတံတိုင်းအသစ်ကြီးတခုကို ဆောက်လုပ်နေပါတယ်။ ဒီတခါဆောက်တဲ့ မဟာတံ တိုင်းအသစ်က တရုတ်နိုင်ငံအတွင်းမှာမဟုတ်ပါ။ တရုတ်နိုင်ငံအပြင်ဘက် ကမ္ဘာတဝှမ်းမှာ တရုတ်အစိုးရပိုင်ကုမ္ပဏီများ ဆောက်လုပ်နေတဲ့ ရေကာတာကြီးများ ဖြစ်ကြပါတယ်။ အာဖရိကမှာဆိုရင် အဲဒီနိုင်ငံများကထွက်တဲ့ ရေနံကို ပြိုင်ဘက်မရှိ ဝယ်ယူနိုင်ဖို့ သက်ဆိုင်ရာအစိုးရများကို လာဘ်ထိုးတဲ့အနေနဲ့ တရုတ်အစိုးရက ဆည်ကြီးတွေ ဆောက်လုပ်ပေးပါတယ်။ ခြံစည်းရိုးခြင်းကပ်နေတဲ့ မြန်မာနိုင်ငံမှာတော့ ထွက်လာမည့် လျှပ်စစ်ဓာတ်အားကို ဝါးမျိုစားသောက်ဖို့ ဆည်တွေဆောက်ပေးတာပါ။ သမိုင်းဟောင်းမှာ မဟာတံတိုင်းကြီးဆောက်တော့ အပြစ်မဲ့ တရုတ်ပြည်သူတွေ အဓမ္မလုပ်အားပေးခိုင်းစေခံကြရ၊ နေရာရွှေ့ပြောင်းကြရ၊ ဘဝတွေပျက်စီးကြရ၊ အသက်တွေ သေဆုံးကြရသလိုပဲ ဒီကနေ့ခေတ်၊ တရုတ်အစိုးရရဲ့ မဟာတံတိုင်းသစ် ဆောက်လုပ်ရာမှာ ကမ္ဘာတဝှမ်းက အပြစ်မဲ့ ပြည်သူတွေ ဆင်းရဲဒုက္ခရောက်နေကြရတာပါ။

သမိုင်းဟောင်းမှာတုံးက မဟာတံတိုင်းဆောက်လုပ်ရာမှာ ဒေသခံစစ်ဘုရင်တွေ အကျိုးစီးပွားဖြစ်ထွန်းခဲ့သလို ဒီကနေ့ တရုတ်အစိုးရက ကမ္ဘာကိုပတ်ပြီး ဆည်တွေတည်ဆောက်ရာမှာလဲ တရုတ်အစိုးရနဲ့ အပေါင်းအပါ အာရှနဲ့အာဖရိက က အာဏာရှင်အစိုးရတွေပဲ အကျိုးစီး ပွားဖြစ်ထွန်းကြတာပါ။ ဆည်တွေဆောက်လို့ ပျောက်ဆုံးသွားတဲ့မြစ်ကြီးတွေ၊ ရွှေ့ပြောင်းရတဲ့ မြို့ရွာတွေ၊ အဓမ္မလုပ်အားပေးရတဲ့ ပြည်သူ တွေ၊ ပျက်စီးသွားတဲ့ သဘာဝပတ်ဝန်းကျင်နဲ့ ပြောင်းလဲသွားတဲ့ရာသီဥတု၊ ရေလွှမ်းခံရတဲ့လယ်မြေတွေ၊ ကန္တာရဖြစ်သွားတဲ့ စိုက်ပျိုးခင်းတွေ၊ အသတ်ခံလိုက်ရတဲ့ သစ်တောကြီးတွေ၊ ဖြိုချခံလိုက်ရတဲ့ တောင်တန်းကြီးတွေကို တရုတ်အာဏာရှင်တွေနဲ့ သူတို့ရဲ့အပေါင်းအပါ အာဏာ ရှင်များက အလွယ်တကူမေ့လျော့လိုက်ကြပြီး တရုတ်ရှေးဘုရင်များက မဟာတံတိုင်းကြီးအတွက် ဂုဏ်ယူဝင့်ကြွားကြသလို တရုတ် အာဏာရှင်များနဲ့ အပေါင်းအပါများကလဲ မဟာတံတိုင်းသစ် ဆည်ကြီးများအတွက် ဂုဏ်ယူဝင့်ကြွားနေကြတာပါ၊ ဒါကြောင့်မို့ တရုတ်အစိုးရ ရဲ့ ဩဇာခံ စစ်ဘုရင်တပါးဖြစ်တဲ့ ဦးသိန်းစိန်အစိုးရက သဘောထားပျော့ပြောင်းပြီး မြစ်ဆုံဆည်တည်ဆောက်ရေးကို ပြည်သူလူထုရဲ့ ဆန္ဒအတိုင်း ရပ်တန့်လိမ့်မယ်လို့ ကျနော် ဘယ်တုံးကမှမမျှော်လင့်ခဲ့ပါ။ အခု ဦးဇော်မင်းရဲ့စိန်ခေါ်ချက်က ကျနော့်သံသယကို အတည်ပြု ပေးလိုက်ပါပြီ။

(၃) ဆည်တွေမှာ သက်တမ်းရှိ၍ ထိုသက်တမ်းမှာတိုတောင်း၏

ဦးဇော်မင်းက ပြောသွားပါသေးတယ်။ “မြန်မာနိုင်ငံမှာတော့ ရေအားလျှပ်စစ်နဲ့ပတ်သက်ပြီးတော့ လက်ရှိအချိန်မှာ ကျနော့်ထက်ပိုပြီးတော့ အတွေ့အကြုံရှိတဲ့လူ မရှိတော့ဘူး” တဲ့။ အဲဒီစကားအတွက် အတော်အံ့ဩမိပါတယ်။ ဘာဖြစ်လို့လဲဆိုတော့ သူကပဲ ဒီဆည်ကြီးကို တရုတ်အစိုးရကို ကာလအကန့်အသတ်တခုနဲ့ လုပ်ခိုင်းပြီး အဲဒီကာလပြီးဆုံးတဲ့ အချိန်မှာ “ပြီးပါပြီ၊ ကုန်ပြီ၊ မင်းပြန်တော့၊ ဒါကြီးထားခဲ့တော့။ ကိုယ့်အနိုင်ငံအပိုင်ဖြစ်တယ်။ ဒီထက်အကျိုးရှိတဲ့ဟာ ဘာရှိသေးလဲ” လို့ အားရပါးရပြောသွားလို့ပါ။ ဆည်ကြီးတွေမှာ သက်တမ်းရှိတယ် ဆိုတာ သူသိပုံမရပါ။

မြစ်ကိုပိတ်ဆို့ပြီး ဆည်တွေ၊ ရေလှောင်ကန်တွေ တည်ဆောက်ကြတဲ့အခါ မြစ်ဖျားပိုင်းကစီးလာတဲ့ရေတွေဟာ ရေကာတာကြီးကြောင့် မြစ်အောက်ပိုင်းကို ဆက်လက်မစီးဆင်းနိုင်ပဲ ရေလှောင်ကန်ကြီးထဲမှာပဲ ထိန်းသိမ်းခံကြရမှာပါ။ ပြီးတော့ ရေကာတာက ရေတံခါးကြီးများကို ဖွင့်ပေးမှသာ ရေတွေ မြစ်အောက်ပိုင်းကို ဆက်လက်စီးဆင်းနိုင်မှာပါ။ အဲဒီရေလှောင်ကန်ကြီးထဲကို ရေတွေတင်မကဘူး နုံးမြေတွေ (Sediment) ပါ စီးဝင်ရောက်ရှိမှာပါ။ အဲဒီ နုန်းတွေက ရေလှောင်ကန်ကြီးရဲ့ အောက်ခြေမှာသွားပြီး စုပုံအနည်ထိုင်ကြမှာပါ။ ရေလှောင်ကန်ကြီးရဲ့ ကြမ်းပြင်က ရေတံခါးကြီးများရဲ့အောက်ဖက်အဝေးကြီးမှာမို့ ရေတံခါးကြီးများကို ဖွင့်လို့ ရေတွေ မြစ်အောက်ပိုင်းကို စီးဆင်းခွင့်ရရင်တောင်မှ နုံးတွေအတွက်ကတော့ ထွက်ပေါက်မရှိပါ။ အဲဒီလိုနဲ့ ရေလှောင်ကန်ကြမ်းပြင်မှာ တဖြေးဖြေးစုပုံအနယ်ထိုင်လာတဲ့ နုံးမြေတွေဟာ နှစ်တွေ ကြာတာနဲ့အမျှ မြင့်တက်ခိုင်မာလာပြီး ရေလှောင်ကန်ရဲ့ကြမ်းပြင်ဟာ တစတစ မြင့်တက်လာပြီး ကန်ထဲမှာလှောင်နိုင်တဲ့ ရေပမာဏဟာလဲ နည်းသထက် နည်းလာပါတယ်။ ဒါကြောင့်မို့လို့ ရေလှောင်ကန်ထဲမှာ နုံးတွေများလာတာနဲ့အမျှ၊ အောက်ကြမ်းပြင်မြင့်တက်လာတာနဲ့ အမျှ၊ လှောင်နိုင်တဲ့ရေပမာဏနည်းလာတာနဲ့အမျှ၊ လျှပ်စစ်စွမ်းအားထုတ်နိုင်စွမ်းဟာလဲ လျော့နည်းလာပါလိမ့်မယ်။ ဒါကြောင့်မို့ ရေ လှောင်ကန်တခု၊ ရေကာတာတခုရဲ့ လျှပ်စစ်ဓာတ်အားထုတ်နိုင်စွမ်းဟာ အများဆုံး နှစ် ၂၀ နဲ့ ၃၀ ကြားမှာပဲ ရှိတတ်ပါတယ်။ နှစ် ၂၀ ကျော်သွားပြီးရင်ဖြင့် အဲဒီ ရေလှောင်ကန်ကြီးဟာ နုံးမြေတွေ ပြည့်နှက်နေတဲ့ ကန်ကြီးတခုပဲ ဖြစ်နေပါလိမ့်မယ်။ လျှပ်စစ်ဓာတ်အား ထုတ်ဖို့ အသုံးမဝင်တော့သလို ခရီးသွားလာရေးနဲ့ အခြားကိစ္စများအတွက်လဲ အသုံးဝင်မှာမဟုတ်တော့ပါ။

မြစ်ဆုံဆည်အပါအဝင် တရုတ်အစိုးရကတည်ဆောက်နေတဲ့ ဆည်ကြီးများအတွက် တရုတ်အစိုးရက နှစ် ၃၀ စာချုပ်နဲ့ (BOT/Build, Operate and Transfer) လုပ်ကိုင်ခွင့်ရမှာဖြစ်လို့ နှစ် ၃၀ ပြည့်လို့ တရုတ်အစိုးရက ကျနော်တို့ကို ဒီဆည်ကြီးများ ပြန်လွှဲပြောင်းပေးတဲ့အချိန်မှာ ကျနော်တို့ရမှာက နုံးမြေတွေပြည့်နှက်နေတဲ့ အမှိုက်ကန်ကြီးတွေပါ။ ဦးဇော်မင်းပြောသလို အကျိုးရှိမယ်ဆိုတာ လုံးဝမဖြစ်နိုင်ပါ။

(၄) အင်္ဂုလိမာလ ဇာတ်သိမ်းခန်း

ကျနော်တို့မြန်မာနိုင်ငံသားအားလုံးနီးပါး မြတ်ဗုဒ္ဓရဲ့ အောင်ခြင်း ၈ ပါးထဲက အင်္ဂုလိမာလချွတ်ခန်းကို ကြားဘူးကြမှာပါ။ ဘုရားလက်ထက်က အင်္ဂုလိမာလ သတို့သားဆိုတာ ရှိခဲ့တယ်။ တက္ကသိုလ်မှာ ဒိသာပါမောက္ခဆရာကြီးထံချဉ်းကပ်ပြီး ပညာသင်နေတဲ့အချိန်မှာ ဆရာကြီးက သူ့တပြည့်ကို သူ့ဇနီးနဲ့မသင်္ကာဖြစ်ပါတော့တယ်။ ဒါနဲ့ ဆရာကြီးက အင်္ဂုလိမာလကိုချောက်တွန်းတဲ့အနေနဲ့ သူ့ဆီမှာ ပညာတွေ သင်ယူ ဖို့ဆိုရင် သူက ငွေကြေးလက်မခံပဲ လူ့လက်ညှိုးအချောင်း ၁၀၀၀ ကိုသာ ပညာသင်ခအဖြစ်လက်ခံမှာ ဖြစ်ကြောင်းပြောပြီး အင်္ဂုလိမာလကို လူ့လက်ညှိုး အချောင်း ၁၀၀၀ နဲ့ သူ့ကိုပူဇော်နိုင်မှ ပြန်လာခဲ့ဆိုပြီး ကျောင်းတော်က မောင်းထုတ်ပါတယ်။ ဆရာ့စကားနားထောင်တဲ့ အင်္ဂုလိမာလကလဲ ကျောင်းကထွက်ခွာလာပြီး လူတွေကို လိုက်သတ်၊ လက်ညှိုးတွေကိုဖြတ်၊ အဲဒီလက်ညှိုးတွေကို ပျောက်သွားမှာစိုးလို့ ကြိုးနဲ့သီပြီး လည်ပင်းမှာချိတ်ဆွဲပြီး အင်မတန်ကြောက်စရာကောင်းတဲ့ လူဆိုးကြီး ဖြစ်လာပါတယ်။

အဲဒီလိုနဲ့ မြို့ပြင်က တောအုပ်ကြီးတခုမှာခိုလှုံပြီး တောအုပ်ကို ဖြတ်သန်းသွားသမျှ လူတွေကို သတ်ဖြတ်ပြီး လက်ညှိုးတွေ စုဆောင်းလာတာ တထောင်ပြည့်ဖို့ တချောင်းပဲလိုပါတော့တယ်။ အဲဒီအချိန်မှာ သားကို စိတ်ပူလွန်းလို့လိုက်ရှာတဲ့ အင်္ဂုလိမာလရဲ့ မိခင်ကြီးက အင်္ဂုလိမာလရှိ တဲ့ တောအုပ်ကို ရောက်လာပါတယ်။ အင်္ဂုလိမာလကလဲ သူ့အမေကို အမေမှန်းမှတ်မိပေမည့် နောက်ဆုံးလိုတဲ့ လက်ညှိုးတချောင်းကိုရဖို့ သတ်မယ်ဆိုပြီး အမေ့နောက်ကို ဓားဝင့်ပြီးလိုက်ပါသတဲ့။ ဒီလိုနဲ့ မိခင်ကြီးက ကြောက်လန့်တကြား ရှေ့ကပြေး၊ သွေးဆာနေတဲ့ လူသတ် သမား အင်္ဂုလိမာလက နောက်ကလိုက်နေချိန်မှာ မြတ်စွာဘုရားက ကိုယ်ထင်ပြပါသတဲ့။ အဲဒီတော့မှ အင်္ဂုလိမာလက အမေ့နောက် လိုက်တာကိုရပ်ပြီး ဘုရားကိုသတ်ဖို့လိုက်တော့ ဘုရားက ရှေ့ကနေ ဖြေးဖြေးလေးကြွနေပေမည့် သူဘယ်လိုမှ လိုက်လို့မမီနိုင်ပါတဲ့။ အင်္ဂုလိမာလ က “ဟေ့ … ရဟန်းကြီး၊ မပြေးနဲ့ ရပ်” လို့ပြောတော့ ဘုရားက “ချစ်သား အင်္ဂုလိမာလ၊ ငါကား မပြေး၊သင်သာ ပြေးသူဖြစ်သည်” လို့ အစချီပြီး တရားဟောပြတော့မှ အင်္ဂုလိမာလ အကျွတ်တရားရ၊ အမှားတွေမြင်ပြီး နောင်တရပါသတဲ့။

အခုလဲ ဦးသိန်းစိန်နဲ့ စစ်အုပ်စုဟာ ကျနော်တို့ခေတ်ရဲ့ အင်္ဂုလိမာလတွေ ဖြစ်နေပါပြီ။ သူတို့ရဲ့ဆရာကြီး တရုတ်အစိုးရ ကျေနပ်စေဖို့အတွက် တိုင်းပြည်မှာ ရှိသမျှ သစ်တောတွေ၊ သတ္တုတွေ၊ သဘာဝဓာတ်ငွေ့တွေ၊ ကျောက်စိမ်းတွေ၊ အဖိုးတန်ရတနာတွေ၊ အားလုံးကို ပေးအပ်ပြီး တဲ့နောက် အခု တရုတ်အစိုးရအလိုကျ မိခင်ဧရာဝတီကို သတ်ဖို့ကြိုးစားနေပါပြီ၊ ဒီခေတ်မှာတော့ အမိဧရာဝတီ အသတ်မခံရအောင် ဘုရား ကြွပြီးတရားပြဖို့ကတော့ မဖြစ်နိုင်ပါ။ ကျနော်တို့မြန်မာပြည်သူများကပဲ စည်းလုံးညီညွတ်တဲ့လှုပ်ရှားမှုနဲ့အင်အားပြပြီး အင်္ဂုလိမာလ ဦးသိန်း စိန်အစိုးရက အမိဧရာဝတီကိုမသတ်နိုင်အောင် တားဆီးကြရမှာပါ။

ဧရာဝတီတော်လှန်ရေး စပါပြီ။

ကာတွန်းဇော်မှိုင်း (ဥက္ကလံ) – မရိုးသောဓာတ်ပြားဟောင်း

စက်တင်ဘာ ၁၃၊ ၂၀၁၁

မိုးမခ စာအုပ်စင်

စက်တင်ဘာ ၁၃၊ ၂၀၁၁

“ဧရာဝတီ ကို မလွမ်းချင်ပါ “စာအုပ် ကို ဖတ်ရှုပါ – ဦးအုန်း၊ လူထုစိန်ဝင်း၊ ဇော်ဂျီ၊ ရွှေဥဒေါင်း၊ ပါရဂူ၊ မောင်ဝဏ္ဏ၊ နေဝင်းမြင့်၊ လေးဖြူ အစရှိသော အနုပညာ၊ အတတ်ပညာရှင်များစုစည်းမူ မြစ်တစ်စင်းရဲ့ အတိတ်၊ ပစ္စပ္ပန်၊ အနာဂတ် အကြောင်းများ တစုစည်းထဲ ဖတ်နိုင်ဖို့ စီစဉ်ထားတဲ့ စာအုပ်ဖြစ်ပါတယ်။

ဧရာဝတီအတွက် ‘စိုးရိမ်ရေမှတ်တွေ’ တထစ်ပြီး တထစ်၊ တဆင့်ပြီး တဆင့်၊ မြင့်တက်ကြီးမားနေချိန်မှာ ဧရာတီရဲ့ အသက်ဝိဉာဏ်ကတော့ ပျောက်ကွယ် ဆုံးရှုံးလုနီးပါပြီ။ အဲသည်အတွက် မြန်မာပြည်သူလူထုတရပ်လုံးရဲ့ လူထုအတိုင်းအတာ အသိပညာ၊ အနုပညာ ကိုယ်ထူ ကိုယ်ထ ကိုယ်အားကိုယ်ကိုး လှုပ်ရှားမှုမှာ အားလုံးက ရေတစက်၊ သဲတပွင့်၊ အုတ်တချပ် ပါဝင်ကြပါစို့။    ။

သင်တို့ ဖတ်ရှုလေ့လာဖို့ သင့်တော်တဲ့ ဖေ့စ်ဘွတ်နဲ့ ဝက်ဆိုက်က သည်မှာ -

http://www.irrawaddy.info/

http://www.facebook.com/profile.php?id=100002658624310

အခုကျမှ အသစ်ဆိုက်တွေ၊ ဖေ့စ်ဘွတ်တွေ ထလုပ်မယ့်အစား ရှိပြီးသား လှုပ်ရှားမှုတွေ၊ စုဆောင်းမှုတွေကို အသင့်စားသုံးကြပါစို့၊ သူတို့ကွန်ယက်တွေမှာ ကိုယ့်လှုပ်ရှားမှုတွေ အိုင်ဒီယာတွေ ပံ့ပိုးမျှဝေပေးကြပါစို့လို့ တိုက်တွန်းချင်ပါတယ်။ ကျနော်တို့ကလည်း လက်ဆင့်ကမ်း လက်တို့မယ်၊ လက်တွဲပေးပါမယ်။

အစီအစဉ်အတွက် ဖိတ်ကြား

မိုးမခရွာဆော်ကြီး

စက်တင်ဘာ ၁၂၊ ၂၀၁၁

၎ နှစ်မြောက် ရွှေဝါရောင်တော်လှန်ရေး အလေးပြုခြင်းနှင့် ၂၃ နှစ်မြောက် စစ်အာဏာသိမ်းခြင်းကို ကန့်ကွက်ခြင်း ဝါရှင်တန်ဒီစီဒေသတဝိုက်ရှိ မြန်မာ့အရေး လှုပ်ရှားဆောင်ရွက်သူများက အောက်ပါအတိုင်း လုပ်ဆောင်မည်ဖြစ်ကြောင်း ကြေငြာ အသိပေးဖိတ်ကြားလိုက်ပါသည်ကို လက်ခံရရှိသဖြင့် လက်ဆင့်ကမ်းလိုက်ပါသည်။

မြန်မာပြည်အရေးကို မိမိတို့မိသားစုအရေးကဲ့သို့ ဦးထိပ်ပန်ဆင်ဆောင်ရွက်လိုသူ မည်သူမဆို လက်ချင်းချိတ် လုပ်ဆောင်ရန် ကြိုဆိုကမ်းလှမ်းလိုက်ပါသည်ဟု ရေးထားသည်။ အစီအစဉ်ဖော်ပြချက်မှာ အောက်ပါအတိုင်းဖြစ်သည်။

နေရာ၊      ၊ မြန်မာသံရုံးရှေ့ (ဝါရှင်တန်ဒီစီ) 2300, S Street, NW, Washington DC 20008

အချိန်၊      ၊  နေ့ လည် ၁ နာရီမှ ညနေ ၃ နာရီ။

နေ့ရက်၊   ၊ စက်တင်ဘာ ၁၇ ရက်။ စနေနေ့ ၊

အစီအစဉ် အကျဉ်းချုပ်၊

ရွှေဝါရောင်တော်လှန်ရေးတွင် ပါဝင်ခဲ့သည့် သံဃာတော်များက မေတ္တာပို့ ဆုတောင်းမည်။ တက်ရောက်လာသူများမှ မြန်မာပြည်အတွက် စကားပြောကြားမည်။ တောင်းဆိုမှုကြွေးကြော်မည်။ လက်မှတ်ထိုးလှုပ်ရှားမှု လုပ်ဆောင်မည်။

တောင်းဆိုမှုများ

(၁) ပြည်တွင်းစစ် ရပ်စဲရေး

(၂) နိုင်ငံရေးအကျဉ်းသားများအား ခြွင်းချက်မရှိ ပြန်လွတ်ရေး

(၃) စစ်မှန်သည့် တွေ့ဆုံဆွေးနွေးမှု ဆင့်ကဲဖြစ်ထွန်းရေး

(၄) ဧရာဝတီ ထာဝရ စီးဆင်းရှင်သန်ရေး

လေးစားအပ်ပါသော မြန်မာ့အရေးလှုပ်ရှားဆောင်ရွက်နေသူများသို့ စက်တင်ဘာသည် စစ်တပ်မှ အကြမ်းဖက် နှိမ်နှင်းဖြိုခွင်းခဲ့သည့် ရွှေဝါရောင်(သံဃာဦးဆောင်မှု) တော်လှန်ရေး ၄ နှစ်မြောက်ခဲ့ပြီဖြစ်သည်။ ၁၉၈၈ ခုနှစ် ကျောင်းသားသူ ပြည်သူများကို ပစ်ခတ်ဖမ်းဆီး၍ အာဏာသိမ်းယူခဲ့သည်မှာလည်း ၂၃ နှစ် မြောက်ခဲ့ပြီဖြစ်သည်။ နှစ်များစွာကြာ၍  မည်မျှပင် ဖုံးဖိထားစေကာမူ အဖြစ်အပျက်များသည့် မေ့ဖျောက်မရသည့် သမိုင်းမှတ်တမ်းများပင် ဖြစ်သည်။  ယနေ့အချိန်အထိ စစ်အာဏာရှင်တို့သည် တာဝန်ယူဖြေရှင်းရမည့်ကိစ္စရပ်များအား မျက်နှာလွဲ၍  ပုံစံအမျိုးမျိုးပြောင်းကာ ၎င်းတို့ အကျိုးစီးပွားအတွက်သာ တိုင်းပြည်ကို အသုံးချနေဆဲဖြစ်သည်။

မြန်မာပြည်တွင် လူ့အခွင့်အရေးများချိုးဖောက်ခံနေရဆဲ။ ပြည်တွင်းစစ်များ ဆက်လက်ဖြစ်ပွားနေဆဲ။ နိုင်ငံရေးအကျဉ်းသားများကို ချုပ်နှောင်ထားဆဲ။ အခြေခံလွတ်လပ်ခွင့်များ ဆုံးရှုံးနေဆဲ ဖြစ်သည်။

မိမိတို့မွေးဖွားကြီးပြင်းခဲ့သည့် မြန်မာနိုင်ငံအား စစ်မှန်ငြိမ်းချမ်းဖွံ့ဖြိုးတိုးတက်သည့်နိုင်ငံတခုအဖြစ် အမှန်တကယ် ရောက်ရှိရန်  ပြည်ပရောက် မြန်မာပြည်ဖွားတိုင်းရင်းသားများအနေဖြင့် မိမိတို့ တတ်နိုင်သည့်ဖက်မှ ဝိုင်းဝန်းကူညီ ဖိအားပေးဆောင်ရွက်ပေးကြရန် အလေးအနက် တိုက်တွန်းနိုးဆော်လိုက်ပါသည်။

စစ်မှန်သည့် ငြိမ်းချမ်းသာယာရေးကိုရှေ့ရှုလျက်

စည်းရုံးလှုံ့ဆော်သူများ

Washington DC, Virginia, West Virginia, Maryland

အာရ်အက်အေသတင်း ကောက်နုတ်ချက်

စက်တင်ဘာ ၁၁၊ ၂၀၁၁

ကချင်စစ်ပြေးဒုက္ခသည် နှစ်သောင်းကျော်အတွက် အမေရိကန် ပြည်ထောင်စုရောက် တိုင်းရင်းသားတွေ စုပေါင်းပြီး ဒေါ်လာ ၆၀၀၀ ကျော် လှူဒါန်းနိုင်ခဲ့တယ်လို့ သိရပါတယ်။

ကယ်လီဖိုးနီးယားပြည်နယ် လော့စ်အိန်ဂျိလိမြို့က မြန်မာတိုင်းရင်းသားတွေ၊ အဖွဲ့တွေနဲ့ ပြည်သူ့ဂုဏ်ရည် အသင်း(LA) တို့စုပေါင်းပြီး ပထမဆုံးအကြိမ် ရံပုံငွေရှာဖွေပွဲကနေ စီစဉ်လှူဒါန်းတာဖြစ်တယ်လို့ ပြည်သူ့ဂုဏ်ရည်(LA) တာဝန်ခံ ကိုဘိုဘိုက အာအက်ဖ်အေကို ပြောပါတယ်။

ကောက်ခံရရှိတဲ့ အလှုငွေကို ကချင် ဘုရှားရှစ်ခိုးကျောင်းကနေတဆင့် ကချင် စစ်ပြေးဒုက္ခသည်တွေကို လှူဒါန်း ပေးအပ်သွားမယ်လို့ သိရပါတယ်။  ရန်ပုံငွေပွဲတော်မှာ တိုင်းရင်းသားပေါင်း စုံရိုးရာအကတွေနဲ့ အစားအစာတွေကို ကျွေးမွေးဧည့်ခံခဲ့ပါတယ်။

ဖေ့စ်ဘွတ်ခ်က ပြည်သူ့ဂုဏ်ရည် စာမျက်နှာမှာ ဓာတ်ပုံတွေ တင်ဆက်ထားပါတယ်။

၁။
“စံပယ်ပန်းထဲမှာ ရနံ့ဘယ်သူထည့်သလဲ။
ဒဏ္ဍာရီထဲက နတ်သမီးလားမှမသိဘဲ”

ဒီလိုစကားပြေနဲ့ရေးတဲ့ ကဗျာကလေးတွေကို ၁၉၆၃ ခုနှစ်ထုတ် “လှေတစင်းနဲ့ သီချင်းသည်” ကဗျာစာအုပ်ထဲမှာ ရေးခဲ့ဖူးပါတယ်။ တဂိုးရဲ့ ဆန်းစသော်တာ၊ ဂီတဉ္ဇလီ၊ သစ်သီးကောက်၊ ရွှေနာဝါ စတဲ့ မြန်မာပြန်ကလေးတွေကိုမှီးပြီး ကိုယ်ပိုင်စိတ်ကူးကလေးတွေ စမ်းသပ်ရေးမိခြင်းဖြစ်ပါတယ်။

ဒီကဗျာစုတွေထဲမှာ “ပရစ်ကောက်” ဆိုတဲ့ ကဗျာကလေးကိုတော့ လူတွေအကြိုက်များခဲ့တာ သတိရမိတယ်။

ဒု-ကမ္ဘာစစ်အပြီး လွတ်လပ်ရေးခေတ်ဦးမှာ မြန်မာကဗျာကလေးတွေ အသွင်ပြောင်းစပြုလာတာ တွေ့ရတယ်။ တင်းကျပ်မွန်းအိုက်နေတဲ့ (၄-၃-၁) ကာရန်စည်းကို တဖြည်းဖြည်း ချိုးဖောက်စပြုလာတယ်။

“ပင်လယ်ဝကို လှေကလေးနဲ့ထွက်ခဲ့တယ်” ဆိုတဲ့ ဒဂုန်တာရာရဲ့ကဗျာဟန်ဟာ သမားရိုးကျ ကဗျာအသံမဟုတ်ပေဘူး။ “တဟီတီသွားရအောင်” ဆိုတဲ့ကဗျာမှာ …

“ဘဲ့နဲ့လဲ မေ
လူထဲ သူထဲ၊ ဟန်ဆောင်ဝဲမှ
တိုးရှဲလွတ်ရာ၊ ထိုကျွန်းသာသို့
ဘယ်ခါလိုက်မည်ပြောစမ်းပါ့” ဆိုတဲ့ အဖွဲ့ကိုကြည့်။ လွတ်လပ်ပြီး ရင်းနှီးတဲ့ စကားပြောလေသံနဲ့ ဖွဲ့ဆိုထားတာ တွေ့နိုင်ပါတယ်။

စစ်ပြီးခေတ်မှာ ထုတ်ဝေခဲ့တဲ့ “တာရာ” မဂ္ဂဇင်းဟာ စိတ်ကူးသစ်၊ ရေးဟန်သစ်ကို ရှေ့တန်းတင် နေရာ ပေးခဲ့တယ်။ အမျိုးသားလွတ်လပ်ရေးရဲ့ လက္ခဏာ၊ လွတ်လပ် ပွင့်လင်းလာတဲ့ ယဉ်ကျေးမှုသစ်ရဲ့ သင်္ကေတလို့ ဆိုရပေမယ်။

ကဗျာဆရာမ “ကြည်အေး” ရဲ့ “တစ္ဆေ” ကဗျာဟာ အဲဒီခေတ်က ဂယက်ရိုက်ခဲ့တဲ့ ကဗျာတပုဒ်ပေါ့။

“ညကြီးမင်းကြီး၊ ထပြီးထိုင်နေ
အိပ်ရာတွေလဲ၊ ကြေမွတွန့်လိပ်
သိတ်စိတ်ညစ်တယ်
သတိပြယ်လွင့်၊ ခိုတွယ်စရာ
အတည်မကျ” တဲ့။

ကျွန်တော် ၁၉၆၀ တ၀ိုက်က ပေါ်ပေါက်ခဲ့တဲ့ ကဗျာဆရာအုပ်စုထဲမှာ တဦးအပါအ၀င်။

ကဗျာဆိုတာ အသစ်ကိုရှာဖွေခြင်း၊ ဖန်ဆင်းခြင်း၊ စွန့်စားခြင်းလို့ ခံယူထားသူတွေ။ ဒီတော့ ကဗျာ ရေးဟန်၊ တွေးဟန်သစ်တွေကို စူးစမ်းမိကြတာ မဆန်းပါဘူး။ လူငယ်သစ်တွေရဲ့ နယ်သစ်ရှာလိုတဲ့ လက္ခဏာတခုသာ။

နောင်အခါ “ကာရန်မဲ့ကဗျာ” တို့၊ “လွတ်လပ်ကဗျာ” တို့ဆိုတဲ့ အသံတွေဟာ စာဆိုတော်ပွဲသဘင်တွေမှာ ငြင်းသံ၊ ခုံသံ၊ ဆွေးနွေးသံတွေနဲ့ စီစီညံလာခဲ့ပါတယ်။ ကဗျာလောကမှာ တော်လှန်၊ မော်ဒန် စသဖြင့် အသစ်အသစ်တွေကို အငမ်းမရရှာဖွေလာကြတာ သတိပြုမိကြမှာပေါ့။

(၂)
၁၉၆၇ ခုနှစ်က ကျွန်တော်ဟာ ရေးချင်စိတ်ရှိလို့ စကားပြေနဲ့ရေးတဲ့ကဗျာကို ရေးသား ထုတ်ဝေခဲ့ဖူးပါတယ်။ “ပိတောက်မှ သရဖီသို့” ဆိုတဲ့ စာအုပ်ကလေးပါ။ ၁၂ ရာသီဖွဲ့စာတမ်းပါပဲ။ တလကို (၄) ပုဒ်ကျဖွဲ့ပါတယ်။ အတွေးစကလေးတွေ ပန်းပွင့်သီသလို သီကြည့်မိပါတယ်။ အင်္ဂလိပ်စာဆို Patience Strong ရဲ့ Through the year (နှစ်လုံးပေါက်) ဆိုတဲ့ စာလှလှကလေးတွေရဲ့ သြဇာအရိပ်ပါချင်လဲ ပါမယ် ထင်တယ်။

အဲဒီစာအုပ်ကလေးကို ကဗျာချစ်သူ၊ စာချစ်သူတွေက နှစ်သက်လက်ခံကြတာကို တွေ့ရပါတယ်။ ဒီလိုစာအမျိုးအစားကလေးတွေ ရေးဦးမယ်လို့ ကြံစည်ပေမဲ့ မအောင်မြင်ပါဘူး။

၁၉၉၅ ခုရောက်တော့ ကျွန်တော်လဲ အင်းစိန်တောရ နိဗ္ဗိန္ဒစခန်းကအပြန် ရေးချင်စိတ် ပေါ်လာပြန်တာနဲ့ စာအုပ်ကလေးတအုပ် ရေးပြန်ပါလေရော။

“သစ်ရွက်ကြွေပေါ်မှာ ရေးတဲ့မှတ်တမ်း” တဲ့။

ထုံးစံအတိုင်း စာမူကို ပြည်ထဲရေးဝန်ကြီးဌာန၊ စာပေစိစစ်ရေးကို တင်ရတယ်။ ခွင့်ပြုမိန့် တောင်းရတယ်။ ထုတ်ဝေခွင့်မပြုလို့ အခုထက်ထိ ထုတ်ဝေခွင့်မရပါဘူး။ ကျွန်တော် ၁၉၉၈ ခုနှစ်မှာ ရေးမိတာကလေးကို မြည်းနိုင်အောင် တင်ပြလိုက်ပါတယ်။

(၃)
ဒီစာစုကလေးကို “ကဗျာမမည် စာမမည်” လို့ ဆိုချင်လဲဆို၊ “စာပန်းချီ” လို့ပဲ ခေါ်ချင်ခေါ် ကြိုက်သလို ခေါ်ပိုင်ခွင့်ရှိပါတယ်။ ဆရာ ဒဂုန်တာရာကတော့ “လှပသောစကားပြေ” တဲ့။ “နှင်းဆီပန်းကို ဘယ်လိုပဲ ခေါ်ခေါ် ရနံ့မွှေးမြဲမွှေးမှာပဲ” တဲ့။ ရှိတ်စပီးယားက ဆိုခဲ့ပါသကော။ စာဖတ်သူ လေ့လာဆုံးဖြတ် အကဲခတ်၊ ပွဲဖြတ်စေဖို့ အခုလိုတင်ပြလိုက်ပါတယ်။

(၁) လမီးအိမ်နှင့် ညကမ္ဘာ

ညသည် လမီးအိမ်ကလေးကို ချိတ်ဆွဲပြီး
မရဲတရဲလင်းချိန်ဖြစ်သည်။
ည၏အလှအပတို့က ဖရိုဖရဲဖြစ်၊
ဝတ်လစ်စလစ်ကျင်းကာ လေညင်းခံလျက်ရှိသည်။
မအူပင်ကိုင်းဖျားက တိမ်အနားသတ်မျဉ်းက
သင်္ဘောပုံရွက်လွှင့်လျက်။
အာရုံနိုးနေ၍ အိပ်ချင်ပိုး ပုန်းနေရသော
ကဗျာဆရာအဖို့ ညကမ္ဘာတွင်
တယောက်တည်း ရွှင်မြူးနေမိသည်။
တွတ်တီးတွတ်တာ တေးကဗျာဆိုတတ်သော
ငှက်ကလေးတို့သည် အိပ်ပျော်နေကြပြီ။
ကဗျာဆရာနှင့်အတူ နိုးကြားနေသူမှာ
စမ်းချောင်းကလေးပင်ဖြစ်သည်။
သူကား အိပ်သည်ဟူ၍မရှိ။
နေ့နှင့်ညကိုပင်ခွဲခြား၍ သိအံ့မထင်။
သူ့သံစဉ်ကလည်း အမြဲရွှင်နေသည်။
သံစဉ်ထပ်နေသော်လည်း ငြီးငွေ့ဖွယ်မရှိ။
တေးဆိုသူနှင့် နားဆင်သူ နှစ်ဦးသာရှိသော
ဤညကို ငုံကြည့်နေသူမှာ
လမီးအိမ်ကလေးသာ ဖြစ်ချိမ့်မည်။
တေး၏အနက်အဓိပ္ပာယ်ကား
သိလွယ်သည်လည်းမဟုတ်။
အနက်ငုပ်သည်လည်းမဆိုသာ။
ချစ်ဖွယ်ကောင်းသည့် ညကမ္ဘာ။

(၂) မုသားစောင်းသံ

မုသားများဖြင့် သုတ်လိမ်းထားသော
စောင်းကြိုးကို တီးခတ်အံ့သောငှာ
ကြေးစားစောင်းသမားသည်
လက်သံစမ်းကြည့်၏။
ပိုးကြိုးနှင့်ကျစ်ထားသော စောင်းကြိုးမှ
ကလိမ်ကကျစ်တေးတစ လျှောကျလာခဲ့၏။
မာယာနှင့်ဖုံးအုပ်၍ သစ္စာရုပ်ဆင်
ထားလင့်ကစား ညှိထားသောအသံ
မမှန်မကန် ထွက်လာသည်ကို နားဆင်
ကြရသော ပရိသတ်သည် မျက်တောင်မျှမခတ်။
ရင်မျှလည်းမသပ်၊ လျှပ်ပေါ်လော်လည်သည့်
တေးကို ငေးနေကြကုန်၏။
ဇာတ်ခုံ၏ရှေ့တန်းဆီမှ မုဒိတာသံ
မထွက်သော လက်ခုပ်သံအနည်းငယ်
ပေါ်ထွက်၍လာ၏။ “ရှက်ဖွယ်တကား …
ရှက်ဖွယ်တကား” ဟု နားထဲ၌
ကြားယောင်နေသောပရိသတ်ကား
မနေတတ် မထိုင်တတ်ဖြစ်ဘိ၏။
ထို့နောက် မြို့ဝန်မင်း၏ဆုငွေထုပ်ကို
ဒူးတုပ်လက်ခံသော စောင်းသမားသည်
ပရိသတ်အား ပြစားတီးခတ်ပြလေရာ မကြာမီ
ထောင်းခနဲ စောင်းကြိုးပြတ်လေသတည်း။
ပရိသတ်အား လှည့်စားအံ့ငှာ
အနုပညာ မာယာသုံးက
လူမုန်းများသောဟူ၏။ ။

မိတ်ဆွေကြီး ကိုဒေါင်း …
ကျန်းခံ့သာလို့မာပါစ။ ဥတုရာသီများလည်း သာပါစ။ အရင် တပတ် နှစ်ပတ်တုန်းက၊ ကျနော်က သြဂုတ်ဘွဲ့တွေ၊ သြဂုတ်လအလွမ်းတွေ ပြောရင်းနဲ့ကျော်ကိုကိုတို့ ၂၀၀၇ ဗကသအကြောင်း ထည့်ပြောခဲ့တယ်နော်။ အခု ပြောလက်စနဲ့ ဆက်ပြောဦးမယ်ဗျာ။

၂၀၀၇ဟာ ကျနော်တို့ပြည်သူတွေအတွက် နိုင်ငံရေးမုန်တိုင်းထန်တဲ့ နှစ်တနှစ် ဖြစ်ခဲ့တယ်။ ၂၀၀၇မှာကျောင်းသားကြီးတွေလို့ပြောရမယ့် ကိုမင်းကိုနိုင်တို့ ရှစ်ဆယ့်ရှစ် မျိုးဆက်ကျောင်းသားများအဖွဲ့အတိုင်းအတာတခုအထိ သြဂုတ်လတိုက်ပွဲဆင်ခဲ့တယ်။ တိုက်နေရင်းနဲ့လမ်းခုလတ်မှာ သူတို့တအုပ်စုလုံး အဖမ်းခံလိုက်ရတယ်။
ဒါပေမဲ့ တဗိုလ်ကျ တဗိုလ်တက်စိတ်ဓာတ်နဲ့တိုက်ပွဲဟာ ဆက်လက် ဖြစ်ပွားခဲ့တယ်။ကျောင်းသားကြီး အဖွဲ့ထဲက မနီလာသိန်းတို့ အမျိုးသမီးတွေ ဦးဆောင်တဲ့ လူထုဆန္ဒပြပွဲတွေ သြဂုတ်လတိုက်ပွဲအဆက်အဖြစ် ဆက်လက်ဆင်နွှဲခဲ့တယ်။ ဒီတိုက်ပွဲတွေဟာ ရှစ်လေးလုံး အရေးတော်ပုံကြီးရဲ့(၁၉)နှစ်ကြာ မငြိမ်းသေသေးတဲ့ မီးရှူးတိုင်ကို မီးကူးညှိလိုက်တာပါပဲ။

အဲဒီလို ကျောင်းသားကြီးအုပ်စု၊ တိတိပပပြောရရင် ကိုမင်းကိုနိုင်တို့တပြုံလုံး အဖမ်းခံသွားရတဲ့အချိန်မှာ၊ တိုက်ပွဲဟာ ဦးဆောင်မှု မဲ့သွားပြီလားလို့ စိုးရိမ်စိတ်တွေ ၀င်သူဝင်ကြပါတယ်။ တကယ်မှာတော့၊ စိုးရိမ်လောက်အောင်တော့လည်း ဦးဆောင်မှုမဲ့မသွားဘူးလို့ ဆိုနိုင်တဲ့ အခြေအနေတော့ ရှိပါတယ်။

ကိုမင်းကိုနိုင်တို့၊ ကိုကိုကြီးတို့အုပ်စုလိုက်ကြီးအဖမ်းခံရတဲ့ညက၊ ကံကောင်းထောက်မစွာလို့ပဲ ဆိုရမယ်၊ ကျောင်းသားခေါင်းဆောင် တယောက်ဖြစ်တဲ့ ကိုဌေးကြွယ် အဖမ်းမခံရဘဲ လွတ်မြောက်သွားခဲ့ပါတယ်။ အဲဒီတော့ ခွပ်ဒေါင်းစိတ်ဓာတ်က မနေဘူး။ လျှို့ဝှက်ပုန်းအောင်းနေတဲ့ကြားက ကိုဌေးကြွယ်အနေနဲ့ အတတ်နိုင်ဆုံး လမ်းညွှန် ဦးဆောင်မှု ပေးနိုင်ခဲ့သေးတယ်လို့ ဆိုရမယ် ကိုဒေါင်း…။ ကိုဌေးကြွယ်နဲ့ကိုဇာဂနာတို့၊ ကိုဇော်သက်ထွေးတို့၊ ကျနော်တို့ အဆက်အသွယ် ရှိနေခဲ့သေးတယ် ကိုဒေါင်း…။

သြဂုတ်လတိုက်ပွဲတွေအပြီး၊ ကိုမင်းကိုနိုင်တို့ကျောင်းသားကြီးတွေ အဖမ်းခံရပြီးတဲ့နောက်မှာ၊ ဦးဆောင်မှုပုံသဏ္ဌာန်က မထင်မှတ်ဘဲ ပြောင်းလဲသွားခဲ့တယ်။ အဲဒါက ဘာလဲဆိုတော့၊ ဘုရားသားတော် သံဃာတွေက ဦးဆောင်မှုအခန်းကဏ္ဍကို နေရာဝင်ယူလိုက်ကြတာပါပဲ။ သြဂုတ်-စက်တင်ဘာ မိုးထဲရေထဲမှာ သံဃာတော်တွေ လမ်းပေါ်ထွက်လာတယ်။ စီတန်းလမ်းလျှောက် မေတ္တာပို့ ဆုတောင်းကြတယ်။

ကျနော်အမှတ်မမှားဘူးဆိုရင်တော့၊ အဲဒီ၂၀၀၇တုန်းက၊ အခုလို ရွှေဝါရောင် တော်လှန်ရေးဆိုပြီး ထင်ရှားခဲ့တဲ့ သံဃတော်လှန်ရေးဟာ သန်လျင်က ဘုန်းတော်ကြီးကျောင်းတွေက စတင် တပ်လှန့်နှိုးဆော်ခဲ့တယ်လို့ ပြောနိုင်မလားပဲ။ ဒါနဲ့တပြိုင်နက်တည်းလောက်မှာ၊ နအဖ စစ်အစိုးရကို ပြောင်ပြောင်တင်းတင်း စိန်ခေါ် သပိတ်မှောက်ခဲ့တဲ့ စစ်တွေက ဘုန်းကြီးကျောင်းတွေကိုလည်း အသိအမှတ်ပြု မော်ကွန်းတင်ရမယ်လို့ ယူဆပါတယ်။ အဲဒီနောက်မှာမှ၊ စက်တင်ဘာ(၅)ရက် ပခုက္ကူသံဃအရေးအခင်း ဖြစ်လာတာလို့ မှတ်မိနေပါတယ်။
ဘယ်နေရာကပဲ စစ၊ သံဃာတော်တွေရဲ့ ဦးဆောင်မှုကတော့ စခဲ့ပြီပဲ မဟုတ်လား။

ဟုတ်ပြီ ကိုဒေါင်း…၊ သံဃာတွေ လမ်းပေါ်ထွက်လာကြပြီ။ ကျောင်းသားတွေ၊ ပြည်သူတွေက သံဃာတွေကို ကာကွယ် ၀န်းရံပေးလာကြပြီ။ သံဃာတွေရဲ့ ဦးဆောင်မှုနောက်မှာ လူထုကပါလာပြီ။ သို့သော်-အစကနဦးမှာ၊ သံဃာတွေက ပြည်သူလူထု ပါလာရင် နအဖ စစ်အစိုးရက ရမယ်ရှာပြီး နှိမ်နင်းမှာကို တွက်ဆပုံရတယ်။ တဖက်ကလည်း သံဃာတွေက၊ စစ် အစိုးရက အကြမ်းဖက်လာရင် ပြည်သူလူထု ထိခိုက်နစ်နာမှာကို စိုးရိမ်ပုံရပါတယ်။

အခြေအနေက နိုင်ငံရေးဒီရေမြင့်သစ်ကို ရောက်လာပြီ။ စက်တင်ဘာလထဲကို တော်တော် ၀င်လာတော့ တက္ကသိုလ်ကျောင်းသားတွေလည်း စာမေးပွဲပြီးတဲ့သူပြီးကြပြီ။ စာမေးပွဲပြီးအောင် မဖြေဘဲ စာမေးပွဲခန်းထဲက ထွက်လာတဲ့ကျောင်းသားတွေလည်း ထွက်လာကြပြီ။

ကျောင်းသားထုက မိုးထဲရေထဲမှာ သံဃာတော်တွေကို အပြည့်အ၀ ၀န်းရံ ကာကွယ်နေကြပြီ။
ဒီအချိန်မှာ ကျနော်တို့၊ ကိုဇာဂနာတို့၊ ကိုဇော်သက်ထွေးတို့ တိုင်ပင်တယ်။ လျှို့ဝှက်ပုန်းအောင်းနေရတဲ့ ကိုဌေးကြွယ်နဲ့လည်း ဆက်သွယ်ပြီး တိုင်ပင်ကြတယ်။ ကျနော်တို့အခြေအနေကို အကြေအလည် ဆွေးနွေး သုံးသပ်ကြတယ်။ ကျနော်တို့ ဆုံးဖြတ်ချက်ကျတော့မှလမ်းပေါ်ထွက် ဦးဆောင်နေတဲ့ သံဃာတွေရဲ့ခေါင်းဆောင်တွေကို ဆက်သွယ် ဆွေးနွေးရတယ်။

သံဃတိုက်ပွဲမှာ ကျောင်းသားတွေ၊ ပြည်သူတွေ အပြည့်အ၀ ပါဝင်ရေးကို အလေးအနက်လျှောက်ထားရတယ်။
သံဃာတွေဘက်ကလည်း သူတို့တိုက်ပွဲကို ကျောင်းသားတွေ၊ ပြည်သူတွေက တခဲနက် ၀ိုင်းဝန်းထောက်ခံနေပြီ။ ကျောင်းသားတွေ၊ ပြည်သူတွေ၊ သံဃာတွေရဲ့ရဲရင့်တဲ့ ဦးဆောင်မှုနောက်မှာ တက်တက်ကြွကြွ လိုက်ပါဖို့ အဆင်သင့်ဖြစ်နေပြီ ဆိုတာကို၊ အဲဒီအချိန်မှာသံဃာတွေက သိနေကြပါပြီ။

ဒီနေရာမှာ၊ စကားကျန်ခဲ့လို့ဖြတ်ပြောစရာရှိတာက၊ အဲဒီအချိန်မှာပဲ၊ သြဂုတ်လ(၂၈)ရက်နေ့မှာ ကျော်ကိုကိုတို့၊ လင်းထက်နိုင်တို့လို မျိုးဆက်သစ် ကျောင်းသားငယ်လေးတွေက ၂၀၀၇ ဗကသ – ဗမာနိုင်ငံလုံးဆိုင်ရာ ကျောင်းသားသမဂများအဖွဲ့ချုပ်ကို တဖန်ပြန်လည်ဖွဲ့စည်းခဲ့ပြီးကြတဲ့ အချက်ပဲ။ သံဃာတွေကလည်း ဒီသတင်းကိုကြားတယ်။ ၂၀၀၇ ဗကသ အပေါ်မှာသံဃာတွေက ယုံကြည်မျှော်လင့်တယ်။
ဒီတော့ ပုန်းနေရတဲ့ ကိုဌေးကြွယ်ဘက်ကနေ၊ မပုန်းပေမဲ့ အောင်းနေရတဲ့ ကိုဇာဂနာတို့ ကျနော်တို့ဘက်ကနေ၊ တာဝန်ရှိတဲ့ သံဃခေါင်းဆောင်တွေနဲ့ အကြိတ်အနယ် ဆွေးနွေးမှုရဲ့ ရလဒ်အဖြစ်၊ ၂၀၀၇ စက်တင်ဘာလ (၂၄) ရက်နေ့ကို ပြည်သူတရပ်လုံး ပါဝင်တဲ့အထွေထွေ သပိတ်ကြီး စတင်ဆင်နွှဲဖို့ ကြေညာလိုက်နိုင်တာပါပဲ။

ကိုဒေါင်းရေ…တချို့ ကိစ္စတွေက အခုအချိန်မှာ ထုတ်ပြောဖို့ မသင့်သေးတာမို့ကျနော် ဒီလောက်ပဲ ပြောနိုင်တာကို ခွင့်လွှတ်ပါဗျာ။ တချိန်ချိန်မှာတော့ ရေခဲတုံး အရည်ပျော်သွားလိမ့်မယ်လို့ မျှော်လင့်ပါတယ်။

အားလုံးကို သတိရလျက်…

အောင်ဝေး
သြဂုတ် ၂၉-၂၀၁၁။

ဆရာမောင်ဆုရှင်ကို လူချင်းစသိသည်ကား ၁၉၇၃ ခုနှစ်လောက်ကဖြစ်သည်။ ယခုပြန်တွက်လျှင်လျှင် ၃၈ နှစ် သို့ တိုင်ခဲ့ပြီဖြစ်သည်။ စတင် သိကျွမ်းခဲ့သည့်နေရာကား မြန်မာ့အသံအဆောက်အဦအတွင်းရှိ စတူဒီယိုခန်းမ ၌ ဖြစ်သည်။

ကျနော်သည် အထက (၂) လှိုင်မြို့နယ်မှ အထက်တန်းကျောင်းသားများကိုယ်စား မြန်မာ့အသံမှ စီစဉ်တင် ဆက်ခဲ့သော ‘သုတပဟေဠိ’ ရေဒီယိုအသံလွင့်ကဏ္ဍ၌ ၀င်ရောက်ယှဉ်ပြိုင်ခွင့်ရခဲ့သည်။ ကျနော်နှင့်အတူ ရန်ကုန်တိုင်းအတွင်းရှိ အခြားကျောင်းသားကျောင်းသူ (၄) ဦးလည်း ၀င်ရောက်ယှဉ်ပြိုင်ကြသည်။ ကျနော်တို့ အားလုံး ဆရာမောင်ဆုရှင်လစဉ်ရေးသားခဲ့သော ‘ဒို့ကျောင်းသား’ စာစောင်မှ ‘သိပ္ပံလောက’ ကဏ္ဍကို ဆရာမောင်ဆုရှင်ကိုယ်တိုင်မေးမြန်းသည့် သုတပဟေဠိအဖြေညှိကြသည့် အစီစဉ်ဖြစ်သည်။

ထိုအချိန်မှစ၍ ဆရာ့ကို ခင်မင်ရင်းနှီးသွားခဲ့သည်။ ဆရာသည် ထိုစဉ်ကစာပေဗိမာန်၌ စာတည်းအဖြစ် အမှုထမ်းနေသည်။ အားလပ်သည့်အချိန်တိုင်း ဆရာ့ထံဝင်ရောက်လည်ပတ်ရင်း စာပေဗဟုသုတများ ဆည်းပူးခွင့်ရခဲ့သည်။ ဆရာသည် စာပေဗိမာန်အပေါ်ဆုံးအထပ်ရှိ ၀န်ထမ်း အိမ်ယာ၌ပင် နေသည်။ လူချင်းဆုံတိုင်း စာပေဗိမာန်ထုတ်စာအုပ်အသစ်များနှင့် ဆရာဖတ်ပြီးသည့် စာအုပ်အဟောင်း ကောင်း နိုး ရာရာများကို လက်ဆောင်အဖြစ် ပေးလေ့ရှိသည်။ ဆရာနှင့် နွယ်ငင်ဆက်စပ်၍ ဆရာမိသားစုနှင့်ပါ ရင်းနှီးခင်မင်သွားသည်။

ဆရာသည် အသားဖြူ၍ ခန့်၏။ တည်ကြည်၏။ စာပေသိက္ခာအပြည့်ရှိ၏။ စာကောင်း ပေကောင်းများ ကို မွေးထုတ်သလို၊ စာပေအပေါ်၌လည်း သစ္စာရှိသူဖြစ်သည်။ ဆရာသည် (၃) လ တကြိမ်ထုတ် ‘သုတပဒေ သာ’ မဂ္ဂဇင်းနှင့် ၁၉၇၈ ခုနှစ်က စတင်ထုတ်ဝေခဲ့သော ‘မြန်မာ့ စွယ်စုံ ကျမ်းနှစ်ချုပ်’ တို့ကို စတင်မွေးဖွားပေး လိုက်သည့် စာပေဥယျာဉ်မှူးဖြစ်သည်။

ဆရာသည် ဥပဓိရုပ်ဖြောင့်သလို၊ အဟောအပြောလည်းကောင်းသည်။ ဆရာ့အသံက ဆွဲအားကောင်းလှသည်။ စကားလုံးများရှင်းလင်းတိကျသကဲ့သို့ လေယူလေသိမ်းသိမ်မွေ့သည်။ ဆရာဟောပြောလျှင် မည့်သည့် အကြောင်းအရာကိုပင် ပြောပြော၊ အချက်အလက်များ ဘေးသို့ ထွက်သွားသည်မရှိ စုစုစည်းစည်း ကျစ်ကျစ် လစ်လစ်နှင့် အစ၊ အလယ်၊ အဆုံး အချိတ်အဆက်မိမိ ဟောပြောတတ်သည်။ ဆရာသည် မြန်မာ့အသံ၌ ‘သိပ္ပံပညာသိကောင်းစရာ’ ကဏ္ဍကို နှစ်ပေါင်းသုံးဆယ်ကျော် တာဝန်ယူအသံလွှင့်ခဲ့သည်။

ဆရာသည် လုံးချင်းဝတ္ထုရေးသည်ဖြစ်စေ၊ ဆောင်းပါးရေးသည်ဖြစ်စေ၊ အချက်အလက်ဝေေ၀ဆာဆာနှင့် အချက်ကျကျ ရေးတတ်သည်။ သို့ကလို ရေးတတ်ရန်ဆရာသည် အချက်အလက်များကို အစုအဆောင်း လည်းကောင်းမွန်သည်။ ထို့ကြောင့်လည်း ကျမ်းဖတ်ထက် ကျမ်း ပြုခက်သည့် ကျမ်းပြုထက် ကျမ်းစုခက်သည် ဟု ဆိုကြသည်မဟုတ်လား။

ဆရာသည် အရေးအသားအစုအဆောင်းကောင်းရုံမျှမက ပြုစုခြင်း၊ တင်ပြခြင်းလည်းကောင်း၍ ဘာသာပြန် လည်း ကောင်းမွန်ပေသည်။ ဆရာနှင့် ရင်းနှီးရာမှ ဆရာ့ဘ၀မှတ်တမ်း တစေ့တဆောင်းကို သိခွင့်ရခဲ့သည်။

ဆရာမောင်ဆုရှင်၏ အမည်အရင်းမှာ ဦးမျိုးသန့်ဖြစ်သည်။ ဆရာ့ကို ၁၉၃၂ ခု ဇန်န၀ါ ရီလ ၁ ရက် သော ကြာနေ့တွင် မြောင်းမြမြို့၌ အဘဦးချစ်ဖေ၊ အမိဒေါ်စိန်မြင့်တို့မှ ဖွားမြင်ခဲ့ သည်။ မွေးချင်းသုံးဦးအနက် ဆရာသည် အကြီးဆုံးဖြစ်သည်။ ငယ်စဉ်က မူလတန်းနှင့်အ လယ်တန်းပညာကို မြောင်းမြမြို့၌လည်းကောင်း အထက်တန်းပညာကို ရန်ကုန်မြို့မှ အထက်တန်းကျောင်း၌လည်းကောင်း သင်ကြားခဲ့သည်။ ထို့နောက် ရန်ကုန်တက္ကသိုလ်မှ ၀ိဇ္ဖာဘွဲ့ရခဲ့သည်။ အမေရိကန်ပြည်ထောင်စုမှ သတင်းစာပညာ ဒီပလိုမာဘွဲ့များလည်း ရရှိခဲ့သည်။

၁၉၄၉ တွင် ရိုထရီကလပ်မှကျင်းပသော စာစီစာကုံးပြိုင်ပွဲ၌ “နိုင်ငံ့သားကောင်းတာဝန်” ခေါင်းစဉ်ဖြင့် ဆုရရှိခဲ့ သည်။ ယင်းနှစ်၌ပင် ‘မောင်ဖြူနွှဲ့’ ကလောင်အမည်ဖြင့် ဟံသာဝတီသတင်းစာ၌ ကဗျာများစတင်ရေးဖွဲ့ခဲ့သည်။

၁၉၅၄ တွင် စာပေဗိမာန်သို့ ၀င်ရောက်အမှုထမ်းခဲ့ပြီး ထိုနှစ်မှာပင် ရှုမ၀မဂ္ဂဇင်း၊ သင့်ဘ၀မဂ္ဂဇင်းနှင့် အခြား စာနယ်ဇင်းများ၌ မောင်ဆုရှင် ကလောင်အမည်အပြင် အောင်သူ၊ မျိုးသန့်၊ ၀င်းသန့်၊ ဦးဘခက်စသည့် ကလောင်ကွဲများဖြင့် ဆောင်းပါးများ၊ ၀တ္ထုတိုများ၊ ကဗျာများ ရေးသားခဲ့သည်။ စာပေဗိမာန်ထုတ် ပြည်သူ့ လက်စွဲစာစဉ်များ၌လည်း အောင်သူ၊ မျိုးသန့် ကလောင်အမည်များဖြင့် လုံးချင်းစာအုပ်မြောက်များ စွာရေးသားခဲ့သည်။ အမေရိကန်သံရုံး ပြန်ကြားရေးဌာနမှထုတ်ဝေသော ‘အိုင်ယာကော့ကာ’ ၊ ‘ရေဂါ’ နှင့် အခြား စာအုပ်များကို ‘မဟာမိ’ ကလောင်အမည်ဖြင့် ဘာသာပြန်ခဲ့သည်။

ဆရာရေးသားပြုစုခဲ့သည့် စာအုပ်ပေါင်း ၅၀ ကျော်ရှိရာ ထင်ရှားသည့်စာအုပ်များမှာ မြဘုရားရွှေတိဂုံ၊ နီသော လင်းယုန်၊ အင်္ဂလိပ်-မြန်မာစစ်ပွဲခေတ်ကိုယ့်တွေ့များ၊ စိတ်နုပျိုကိုယ်ကျန်းမာ၊ မြို့ပြခံစားမှုစာမွန်များ၊ နှစ်ဆယ် ရာစုသုတကမ္ဘာ၊ ကမ္ဘာမြေကြွေမှာစိုးသူများ၊ ၂၁ ရာစု လူမှုဝေါဟာရများ (၆) တွဲ၊ အသေးအမွှားအရေး မထားဖို့နည်းလမ်း (၁၀၀)၊ မိုးကောင်းကင်ကို မော့ကြည့်ခြင်း၊ စာရေးသူလက်စွဲ၊ အကောင်းမြင်စိတ်စွမ်း အား၊ ပျော်ရွှင်သုခတစ်ဘ၀၊ နေ့စဉ် စိတ်ချမ်းသာဖို့နည်းလမ်း (၉) သွယ်၊ စီးပွားရေးလုပ်ငန်းရှင်များအတွက် ဖွယ်ရာမှုလမ်းညွန် စသည်တို့ဖြစ်သည်။

၁၉၆၇ ခုနှစ်တွင် အမျိုးသားစာပေဆု (သုတပဒေသာဆု) ကို တီထွင်မှုများသမိုင်းစာ အုပ်ဖြင့်လည်းကောင်း၊ ၁၉၆၈ ခုနှစ်တွင် အမျိုးသား စာပေဆု (ဘာသာပြန်ဆု) ကို ပင်လယ်ပြာနှင့်တံငါအိုစာအုပ်ဖြင့်လည်းကောင်း ရရှိခဲ့သည်။

ဆရာသည် ပုံနှိပ်ရေးနှင့်စာအုပ်ထုတ်ဝေရေးလုပ်ငန်း၊ စာပေဗိမာန်အဖွဲ့၌ စာတည်း၊ စာတည်းမှူး၊ Forward magazine ဌာန၌ ဒုတိယညွန် ကြားရေးမှူးအဖြစ်လည်းကောင်း စာပေဗိမာန်၌ ညွန်ကြားရေးမှူးအဖြစ် လည်းကောင်း ထမ်းရွက်ခဲ့ပြီးနောက် အငြိမ်းစားယူခဲ့သည်။ ထို့ နောက် ပြန်ကြားရေးဝန်ကြီးဌာန စာပေဗိမာန် အဖွဲ့၌ အကြံပေးအရာရှိအဖြစ် ကွယ်လွန်ချိန်အထိ တာဝန်ယူထမ်းဆောင်ခဲ့သည်။

မြန်မာနိုင်ငံစာပေနှင့်စာနယ်ဇင်းအဖွဲ့၏ ဥက္ကဌ၊ အမျိုးသားစာပေဆု၊ စာပေဗိမာန်စာမူဆု၊ ပခုက္ကူဦးအုန်းဖေ စာပေဆုရွေးချယ်ရေးအဖွဲ့အတွင်းရေးမှူး၊ ထွန်းဖောင်ဒေးရှင်း၊ သုတ စွယ်စုံစာပေဆုရွေးချယ်ရေးအဖွဲ့ ၀င်နှင့် မြန်မာ့ရုပ်ရှင် ထူးချွန်ဆုရွေးချယ်ရေးအဖွဲ့ဝင် စသည်ဖြင့် စာပေအနုပညာဆိုင်ရာကိစ္စရပ်များတွင် ဦးဆောင်ပါဝင်ခဲ့သည်။

ဆရာသည် သူ့အား လူတကာက အပူကပ်သမျှကိုလည်း ဘယ်သောအခါမှ ခေါင်းရှောင်လင့်မရှိ။ တတ်စွမ်း သမျှ စေတနာအပြည့်အ၀ဖြင့် ရိုင်းပင်းကူညီတတ်သည်။ လာသမျှလူပေါင်းစုံကိုလည်း ဆရာသည် အစွမ်း ကုန်ဖြည့်စည်းပေးကမ်းကူညီတတ်သည်။ ဆရာသည် သဘော ကောင်း၍ လူတိုင်းအပေါ်နားလည်ခွင့်လွတ် တတ်သဖြင့် ဆရာ့ကိုအသုံးပြုပြီး အခွင့်အရေးယူသွားသူများကိုလည်း ဆရာသည်အမြဲတမ်းသည်းခံခွင့် လွတ်တတ်သည်။ ဆရာ့ကို ဒုက္ခပေးသူပေါင်းများစွာကိုလည်း ကျနော်တို့တွေ့မြင်နေရသော်လည်း ဆရာ့ကြောင့်ဒုက္ခရောက် သွားသည်ဟူ၍ တစ်ယောက်ကိုမှမတွေ့ဖူးချေ။

ဆရာသည် မိမ်ိထက်နှိမ့်ပါးသူမှန်သမျှကို အယုတ်အလတ်အမြတ်မခွဲတတ်။ ကြီးမြတ်သူကို အရိုအသေပေး တတ်သော်လည်း အာဏာ ပိုင်များကိုမူ လိုအပ်သည်ထက် မျက်နှာလိုမျက်နှာရ ဖော်လံမဖားတတ်ပေ။ ၀န်ကြီး၊ ၀န်လေးပုဂ္ဂိုလ်များ၏မိန့်ခွန်းများကိုလည်း နောက် ကွယ်မှရေးသားပေးရခြင်း ဘာသာပြန်ပေးရခြင်း များပြုလုပ်ပေးနေသော်လည်း ဆရာသည် ဘယ်သောအခါမှအခွင့်အရေးမယူတတ်ပေ။ အချို့က ဆရာ့အား န၀တ၊ နအဖအာဏာပိုင်များအား အလုပ်အကျွေးပြုနေသူဟု အထင်မှတ်မှားကြသည်။ ဆရာသည် အစိုးရ ထုတ်စာနယ် ဇင်းများ၌ အစိုးရအာဘော်ဝါဒဖြန့်ဆောင်းပါးများကိုလည်း မည့်သည့်အခါမျှ မရေးခဲ့ချေ။ ရေး ခိုင်းလေလည်း မခတ်ပြတ်ပြတ်ပင် ငြင်းပယ်ခဲ့သည်။

စာပေဆုရွေးချယ်ရေးအစည်းအဝေးများ၌ ဆရာသည် တရားမျှတစွာပင်ဆုံးဖြတ်၍ ထိုက်တန်သူမှန်သမျှကို ဆုရွေးချယ်ပေးရန် ထောက်ခံ ပေးလေ့ရှိသည်။ ဆရာသည် မည်သည့်အခါမှ မမျှမတ မလုပ်၊ မပြော မည်သူ့ ကိုမှ မတရားမဖိခဲ့ချေ။ တော်သူကောင်းသူဆိုလျှင် ဆရာ သည် အမြဲတမ်းချီးကျူး၍ အစွမ်းအစရှိ သူများကို အမြဲမြေထောင်မြှောက်ပေးလေ့ရှိသည်။

သို့သော် ပုထုဇဉ်လူသားပီပီ ဆရာ့၌အားနည်းချက်ချွတ်ယွင်းချက်များ ရှိကောင်းရှိမည်ဖြစ်သည်။ သို့သော် နိုင်ငံနှင့် လူမျိုးအကျိုးနှင့် စာပေ အကျိုးဆုတ်ယုတ်အောင် မည်သည့်အခါမှမလုပ်ခဲ့ဟု အပြည့်အ၀ ကျနော်ယုံကြည်သည်။ ဆရာသည် သူ့ကလောင်ကိုလည်း မည်သည့် အခါမှ အရောင်မစွန်းခဲ့ချေ။

စာပေအပေါ် သစ္စာရှိ၍ ရိုးသားဖြောင့်မတ်ကာ စိတ်ကောင်းနှလုံးကောင်းရှိသော ဆရာသည် အသက် (၇၇) နှစ်အရွယ်၌ ရုတ်တရက် ဦးနှောက်ကြောပြတ်၍ ၂၀၀၉ ခုနှစ် ဇွန်လ ၂ ရက်နေ့တွင် ကွယ်လွန်သွား ခဲ့လေသည်။ ဇွန်လ ၄ ရက်နေ့၌ ဆရာ့ကြွင်းကျန်သော ရုပ် ကလပ်ကို ရေဝေးသုဿန်တွင် မီးသဂြုင်္ိဟ်ခဲ့ရာ၊ ဈာပန၌ လူချစ်လူခင်ပေါများသော ဆရာ့နောက်ဆုံးခရီးကို လိုက်လံပို့ဆောင်သူ အများအပြားကို တွေ့ရသည်။ စာပေအနုပညာနယ်သာမက ဌာနဆိုင်ရာဝန်ထမ်းများ၊ ဆရာ့မိတ်ဆွေမျာ၊ သားချင်းများအားလုံးက ဆရာ့ကို ယခုလိုရုတ်တရက် ကွယ်လွန်သွားလိမ့်မည်ဟု ထင်မှတ်မထားခဲ့ကြပေ။ လာရောက်သူအားလုံး၏ မျက်နှာပြင်တွင် ဆရာ့ကို နှမြောတသ၀မ်းနည်းပူဆွေးနေကြသည့် အရိပ်အယောင်များတွေ့ရပေသည်။

ကျနော်သည် လူ့အုပ်ထဲတိုးဝှေ့ရင်း ဈာပနစင်ထက်၌ မှန်ခေါင်းအတွင်းရှိ ဆရာ့ရုပ်ကလာပ်ကို လှမ်းကြည့်လိုက်ရာ၊ အဖြူရောင် တိုက်ပုံ လွှမ်းလျက် ပြုံးရောင်သန်းကာ ငြိမ်သက်စွာ လဲလျောင်းလျက် ရှိနေသောဆရာ့ရုပ်ကလာပ်ကို မြင်တွေ့ရသည်။ ဆရာ့သား ဂျင်မီကမ်းပေး သည့် နာရေးယပ်တောင် ကလေးနှင့် ဆရာ့အမှတ်တရမှတ်တမ်းစာအုပ်ကလေးကိုလှမ်းယူရင်း ဆရာ့ကို ကောင်းရာသုကတိလားပါစေဟု စိတ်ထဲမှ ဆုတောင်းနေမိသည်။ သို့သော် လူတိုင်းအပေါ်စေတနာအပြည့်အ၀ထား၍ ကူညီရိုင်းပင်းတတ်သော စိတ်ကောင်းနှလုံးကောင်းရှိသည့် ဆရာ့အတွက် ကျနော့်ဆုတောင်းသည် စင်စစ်လိုအပ်မည် မထင်ပေ။ နောင်ဘ၀များရှိခဲ့လျှင် ဆရာနှင့်ကျနော် ပြန်လည်ဆုံးစည်း၍ ဆရာ့တပည့်အဖြစ် ဆရာ့အနား တွင် ကြွယ်ဝလှသည့် စာပေဗဟုသုတများကို သင်ယူပါရစေဟုသာ အခါခါဆုတောင်းနေမိပါတော့သည်။