RSS

Monthly Archives: September 2008

How to watch MRTV effectively


မြန်မာပြည်က MRTV ကို မီးကင်းစောင့်ခြင်း

ရန်ကုန်က ရုပ်သံ ၀ါသနာအိုးတဦး

စက်တင်ဘာ ၃၀၊ ၂၀၀၈

စစ်အစိုးရ ရေဒီယိုနှင့် ရုပ်မြင်သံကြား (Military Radio and Television – MRTV) လို့ ပြောရသလဲ ဆိုတော့ စစ်အစိုးရ သတင်းများကိုသာ ထုတ်လွှင့်လျက်ရှိခြင်း၊ စစ်ခေါင်းဆောင်များ၏ လှုပ်ရှားမူများကိုသာ ထုတ်လွှင့်လျက်ရှိခြင်း၊ ၎င်းတို့ အသာစီးရထားသော သတင်းစာ ရှင်းလင်းပွဲများကိုသာ ပြသခြင်း၊ (သတင်းစာရှင်းလင်းပွဲများတွင် အမေးက တခြား၊ အဖြေ တလွဲနည်းဖြင့် မေးမြန်းသူ သတင်းထောက်များကို ပြက်လုံးထုတ်သလို ဖြစ်နေတာကလည်း တပိုင်း)၊ အမေး မတတ်က ဖမ်းခြင်း၊ သူတို့အကြိုက် မေးသူများကိုသာ ဦးစားပေးဖြေခြင်းတို့ကို တွေ့နေရပါတယ်။

ကိုရီးယားကားများဖြင့် ကြော်ငြာဝင်ငွေရှာနေခြင်း (ယခုအခါ အပြင်ဈေးကွက်ထဲ ချရောင်းနေပြီဖြစ်သော ကိုရီးယားကားခွေများကို ရောင်းချခွင့် ပိတ်ပင်လိုက်ခြင်းမှာ လူအများက ခေတ်မီမီ ပြင်ပအခွေများကိုသာ ဦးစားပေးလာပါက သူတို့ ကြော်ငြာဝင်ငွေ လျော့ကျမည်ကို စိုးရိမ်လို့ ဖြစ်ပါတယ်)။ ယခုပြသနေသော ကိုရီးယားမြန်မာ ဖက်စပ် ဇာတ်လမ်းရှည် – “အိပ်မက်ဆိုးမှ မနိုးထခင်“ ကားမှာ အမှန်တော့ စစ်အစိုးရအကြိုက် ရိုက်ကူးထားသော ဆေးသမား ဇာတ်လမ်း၊ မူးယစ် ဆေးဝါးတိုက်ဖျက်ရေး ဇာတ်လမ်း၊ ၀ါဒဖြန့်ကား ဖြစ်နေသည်ကိုတွေ့ရှိရခြင်း၊ ယခုပြသနေသော အင်တာဗျူးများမှာလည်း သတင်းစာထဲက သူတို့အကြိုက် အမြှောက်အပင့်၊ မဟားတရား အဖားဇာတ်ခင်းနေသည်များသာ ဖြစ်နေခြင်း တို့ကို တွေ့နေရပါတယ်။

စစ်ရေဒီယို ရုပ်မြင်သံကြား အများဆုံး အားပေးကြည့်ရှုချိန်များမှာ – (၁) မီးအားပြည့် လာချိန် သို့မဟုတ်ပါက မီးစက်များ အားပြည့်နေချိန် (၂) ကိုရီးယားနှင့် တရုတ်ကားများ ပြသချိန်၊ (၃) ရံဖန်ရံခါ ကောလဟာလတွန်းအားကြောင့် ကြည့်ကြရသော မိုးလေ၀သ အစီအစဉ် စသည်တို့ ဖြစ်ပါတယ်။

သူတို့အစီအစဉ်များကို လူတွေ မကြည့်မှာ စိုးသဖြင့်၎င်း၊ ကျော်လွှားပြီးမှ ဖွင့်ခြင်း၊ အသံပိတ်ပြီး ဖွင့်ထားခြင်းတို့ ပြုလုပ်မည်ကို စိုးရိမ်သဖြင့် စစ် ရုပ်သံ သမားများကလည်း အစွမ်းကုန် နည်းလမ်းများသုံးနေသည်ကိုလည်း သတင်းပို့အပ်ပါသည်။ လူကြိုက်များသော အစီအစဉ်ကို ရုပ်သံပြီးခါနီးမှ ထုတ်လွှင့်ခြင်း၊ ဥပမာအားဖြင့် ဆိုကရေးတီး ပြိုင်ပွဲများကို ပြနေလိုက်သည်မှာ မိုးကြီးချုပ်မှ ရုပ်ရှင်များကို ထုတ်လွှင့်ခြင်းဖြစ်ရာ ပရိသတ်မှာ အစီအစဉ်မလွတ်အောင် ရုပ်သံရှေ့တွင် မီးကင်းစောင့်သလို စောင့်ပြီး ကြည့်နေကြရပါတယ်။

မီးကင်းများ စောင့်သလို တအိမ် တညစီ တာဝန်ယူကြပြီုး ရုပ်သံကို ဖွင့်လိုက် ပိတ်လိုက်နှင့် စောင့်ကြည့်နေကြကာ တကယ့် ရုပ်ရှင်အစီအစဉ်များ လာပြီဆိုမှ သံချောင်းခေါက် အချက်ပေး၍ ရုပ်သံကို ဖွင့်ကြည့်ကြဖို့ အကြံပေးလိုခြင်း ဖြစ်ပါတယ်။

စစ် ရေဒီယို နှင့် ရုပ်မြင်သံကြား (Military Radio and Television – MRTV) ကို ကြည့်ရှုမည့် မြန်မာပြည်သားများ ညီညွတ်ကြ …

 
Leave a comment

Posted by on September 30, 2008 in Letter from readers

 

Stilwell Road




စတီးဝဲလ်လမ်း (Stilwell Road) သို့မဟုတ် လူတွေမသိသေးသည့် သမိုင်း

ဥတ္တရမွန်း (ပြန်လည်ရေးသားသည်)

စက်တင်ဘာ ၂၉၊ ၂၀၀၈

မြန်မာပြည်လမ်းမကြီး (Burma Road) နှင့် လီဒိုလမ်း (Ledo Road) တနည်းအခေါ် စတီးဝဲလ်လမ်း (Stilwell Road) ကို တရုတ်ပြည် ယူနန်ပြည်နယ်မှ ဒုတိယကမ္ဘာစစ်သမိုင်းပညာရှင် ဂျီးစူရာ (Ge Shuya) သည် နှစ်ပေါင်း နှစ်ဆယ်ကျော် သုတေသနပြုခဲ့ပြီး မကြာခင်က လီဒိုလမ်း၏အစ အိန္ဒိယနိုင်ငံရှိ လီဒိုမြို့ကို ရောက်ရှိခဲ့သည်။


“ဒုတိယကမ္ဘာစစ်ကြီးဖြစ်ပြီး နှစ်ပေါင်း ၆၀ အတွင်း အိန္ဒိယမှာရှိတဲ့ သမိုင်းဝင်အမွေအနှစ်ကို လေ့လာခဲ့တဲ့ တရုတ်လူမျိုး တစ်ယောက်မှ မရှိခဲ့ပါဘူး” ဟု ဂျီးက ပြောပြသည်။ ဂျီးနှင့် China National Geography မဂ္ဂဇင်းမှ သတင်းထောက်တစ်ဦးတို့သည် လီဒိုမြို့သို့ လည်ပတ်ခဲ့သည့် ပထမဆုံးသော တရုတ် လူမျိုး ဖြစ်သည်။


မြန်မာပြည်လမ်းမကြီး သည် ယူနန်ပြည်နယ် ကူမင်းမြို့ မှ မြန်မာနိုင်ငံ လားရှိုးမြို့ အထိ ၁၁၅၄ ကီလိုမီတာ ရှည်လျားပြီး ဂျပန်များ ၀င်ရောက်ကျူးကျော်မှု (၁၉၃၇-၄၅)ကို တွန်းလှန် တိုက်ခိုက်စဉ်က ထောက်ပံ့ရေးအတွက် အသုံးပြုသည့်လမ်းဖြစ်သည်။ တရုတ်ပြည်ဘက်မှ လမ်းအပိုင်းကို လူဦးရေ ၂ သိန်းဖြင့် အချိန် ၁၀လ ကြာ ဖောက်လုပ်ခဲ့သည်။ လမ်းဆောက်လုပ်သည့်ကာလအတွင်း လူ ၂၃၀၀ အသက်ဆုံးရှုံးခဲ့သည်။

စတီးဝဲလ်လမ်းမြင်ကွင်း၂ခု နှင့် ယူနန်ပြည်၊ ထိန်ချုံးမြို့မှ ဂူဗိမာန်များ



၁၉၄၂ တွင် ဂျပန်များ မြန်မာပြည်ကို ကျူးကျော်ပြီး ယင်းလမ်းမကို ဖြတ်တောက်လိုက်သည်။

တဆက်တည်းတွင် အမေရိကန်မဟာမိတ်တပ်ဖွဲ့မှ လီဒိုလမ်းကို စတင်ဖောက်လုပ်ပြီး မြန်မာပြည် မြောက်ပိုင်းရှိ မြန်မာပြည်လမ်းမကြီးအပိုင်းနှင့် ဆက်သွယ်ခဲ့သည်။ စုစုပေါင်း ကီလိုမီတာ ၁၇၃၆ ရှည်လျားသည့် မြန်မာပြည်လမ်းမကြီး နှင့် လီဒိုလမ်း နှစ်ခုတို့ကို ထိုအချိန်က အမေရိကန် ဗိုလ်ချုပ်ကြီး ဂျိုးဇက်စတီးဝဲလ်(Joseph Stilwell) ကို ဂုဏ်ပြုသောအားဖြင့် စတီးဝဲလ်လမ်းဟု တရုတ်အစိုးရက အမည်ပေးခဲ့သည်။ စတီးဝဲလ်သည် ဒုတိယကမ္ဘာစစ်အတွင်း တရုတ်၊ မြန်မာ၊ အိန္ဒိယ စစ်မျက်နှာရှိ (CBI – China Burma India Theatre) အမေရိကန်စစ်တပ်၏ စစ်ဦးစီးဖြစ်သည်။



ကမ္ဘာစစ်အတွင်း တွေ့ရသော ကချင်တိုင်းရင်းသား ရိန်းဂျားစစ်သည်များ၊ အမေရိကန် ဗိုလ်ချုပ်ကြီး ဂျိုးဇက်စတီးဝဲလ် နှင့် တရုတ်ဗိုလ်ချုပ် ချန်ကေရှိတ်


မြန်မာပြည်မြောက်ပိုင်းကို ဂျပန်ထံမှ ပြန်လည်သိမ်းယူသည့် (၁၉၄၃-၄၅ နှစ်) တိုက်ပွဲ၌ တရုတ်စစ်သား ၁၅၀၀၀ နှင့် ၂၀၀၀၀ ကြား အသက်ဆုံးရှုံးခဲ့ပြီး ယူနန်ပြည်နယ် အနောက်ပိုင်းကို ပြန်လည်သိမ်းယူရန်အတွက် တရုတ်စစ်သား ၂၀၀၀၀ ကျဆုံးခဲ့သည်။


ဖက်ဆစ်ဂျပန်ကို ဆန့်ကျင်တိုက်ခိုက်သည့်တိုက်ပွဲအတွင်း တရုတ်စစ်သား တစ်သိန်းနီးပါး ကျဆုံးခဲ့ရသည်။

စတီးဝဲလ်လမ်းမကြီး ဖောက်လုပ်သည့် နှစ် ၇၀ ပြည့် အထိမ်းအမှတ်အဖြစ် လွန်ခဲ့သည့် သြဂုတ်လတွင် ဂျီးက ဦးဆောင်၍ တရုတ်ပြည်မှ သတင်းဌာန ၆၀ လောက်မှ သတင်းထောက် ၁၀၀ ကျော်နှင့်အတူ စတီးဝဲလ်လမ်းကို သွားရောက်လည်ပတ်ခဲ့သည်။ သူတို့အသင်းသည် တရုတ်ပြည် ကွမ်ဂျိုး (Guizhou) မှ ကူမင်းနှင့် ထိန်ချုံးကိုဖြတ်ပြီး အချို့မှာ မြန်မာပြည်အတွင်း မြစ်ကြီးနားမြို့သို့ ရောက်ရှိခဲ့သည်။ မြန်မာပြည်တွင် စစ်အတွင်းက အမေရိကန်တို့ ချီးမြှင့်သော ငွေကြယ်ပွင့်တံဆိပ် ရရှိခဲ့သည့် မြန်မာသူနာပြု အက်စတာပိုး (Esther Po) နှင့်လည်း တွေ့ဆုံခဲ့သည်။ အက်စတာသည် စစ်အတွင်းက တရုတ်စစ်သားအများအပြားကို ကုသကယ်တင်ပေးခဲ့သည့် သူနာပြုတစ်ဦးဖြစ်သည်။


မြန်မာသူနာပြု အက်စတာပိုး နှင့် မူရင်းဆောင်းပါးရှင်


“ကျနော် အလွန်ပဲ စိတ်ကူးယဉ်ခဲ့တဲ့ စတီးဝဲလမ်းကို တကြိမ်တည်း အစအဆုံးလည်ပတ်ဖို့ဟာ ဒီတခေါက် တကယ်ဖြစ်မြောက်ခဲ့ပါတယ်” ဟု ဂျီးက ပြောပြသည်။


ဂျီးသည် ယူနန်ပြည်နယ်ရှိ ယူနန်နော်မယ်တက္ကသိုလ် (Yunnan Normal University) ၌ သမိုင်းဘာသာ အဓိကဖြင့် ဘွဲ့လွန်ပညာသင်ကြားနေစဉ်က ၁၉၈၄ ခုနှစ် နိုဝင်ဘာတွင် ထိန်ချုံးမြို့ကို လည်ပတ်ခဲ့သည်။ ထိုမြို့၌ မထင်မှတ်ပဲ ပျက်စီးယိုယွင်းနေသော ဂူဗိမာန်များကို တွေ့ရှိခဲ့သည်။ ထိုဂူဗိမာန်များသည် ဒုတိယကမ္ဘာစစ်အတွင်းက ဂျပန်ကို ထိန်ချုံးမှ တိုက်ထုတ်သည့် စစ်ပွဲများ၌ ကျဆုံးခဲ့သော တရုတ်နှင့်အမေရိကန်စစ်သား ၈၀၀၀ တို့အား မြုပ်နှံရာဖြစ်ကြောင်း ဂျီးက ရှာဖွေသိရှိခဲ့သည်။ “ကျနော် သိပ်ကိုအံ့သြသွားပြီး တုန်လှုပ်သွားတယ်။ ဂျပန်ကိုတွန်းလှန်ခဲ့တုန်းက ထိန်ချုံးမှာ တရုတ်စစ်သား ထောင်ချီသောင်းချီ အသက်ပေးခဲ့ရတယ်ဆိုတာ ဘယ်စာအုပ်မှာမှ မဖတ်ခဲ့ရဖူးဘူး၊ ဘယ်သူမှလည်း မသိကြဘူး။ ဒါကြောင့် ဒီကိစ္စကို သေချာစုံစမ်းမယ်လို့ ဆုံးဖြတ်ချက်ချခဲ့တယ်” ဟု ဂျီးက ပြောပြခဲ့သည်။


ဂျီးသည် မြန်မာပြည်လမ်းမကြီးတလျှောက် ဒုတိယကမ္ဘာစစ်မှ အသက်ရှင်ကျန်သူ၊ ကိုယ်တွေ့ကြုံဖူးသူ လူပေါင်း ၁၀၀ ကျော်ကို တွေ့ဆုံမေးမြန်းခဲ့သည်။ သူ၏ သုတေသနပြုလုပ်မှုကြောင့် အမေရိကန်မှ စတီးဝဲလ်၏ မြေး ဂျွန်အီစတာဘရွတ် (John Easterbrook)၊ ဒုတိယကမ္ဘာစစ်အတွင်းမှ Flying Tigers လေယာဉ်မှူးဟောင်း David Lee “Tex” Hill နှင့် Peter Wright တို့နှင့်သာမက ဂျပန်စစ်မှုထမ်းဟောင်းများနှင့်လည်း တွေ့ဆုံခဲ့သည်။


၁၉၉၁ ခုနှစ် နိုဝင်ဘာလ၌ ဂျီးက ဦးဆောင်၍ တရုတ်နှင့် ဂျပန်စစ်မှုထမ်းဟောင်းများ ကူမင်းမြို့တွင် တွေ့ဆုံခဲ့သည်။ တွေ့ဆုံပွဲ၌ တရုတ်စစ်မှုထမ်းတစ်ဦး၏ စစ်အတွင်း အတွေ့အကြုံကိုပြောပြရာ ဂျပန်စစ်မှုထမ်းဟောင်းတစ်ဦးက ပွေ့ဖက်ပြီး ထောက်ခံခဲ့သည်။ “တွေ့ဆုံပွဲဟာ နှစ်ဖက်စလုံးအတွက် အလွန်ပဲ စိတ်ထားရ ခက်ခဲတဲ့အချိန်ဖြစ်ပေမယ့်လည်း တရုတ်စစ်မှုထမ်းဟောင်းကြီးက ဟိုတုန်းက ရန်သ်ူဖြစ်ခဲ့တဲ့ ဂျပန်စစ်သားရဲ့ ပခုံးပေါ်မှာ မျက်ရည်ကျတာကို ကျနော်တွေ့ခဲ့ရတယ်” ဟု ဂျီးက ပြောပြသည်။


စတီးဝဲလမ်းသည် ယခုအခါ၌ တရုတ်၊ အမေရိကန်၊ ဂျပန်စစ်မှုထမ်းဟောင်းများ လည်ပတ်သည့်နေရာတစ်ခု ဖြစ်လျက်ရှိသည်။ “လမ်းရဲ့ အစိတ်အပိုင်းတစ်ခုစီ၊ တောတောင် သစ်ပင် သို့မဟုတ် ချောင်းကလေးတစ်ခု အားလုံးတို့ဟာ စစ်အတွင်းက ကြောက်လန့်ဖွယ် ငိုကြွေးဖွယ် အဖြစ်အပျက်တွေကို ပြောပြနေသလို ရှိနေပါတယ်” ဟု ဂျီးက ဆက်လက်ပြောပြခဲ့သည်။


(စက်တင်ဘာ ၂၂၊ ချိုင်းနားဒေးလီး)

 
Leave a comment

Posted by on September 30, 2008 in History

 

Cartoon Beruma – Poor Burmese people can only keep their misery as their luxury


Cartoon Beruma – Poor Burmese people can only keep their misery as their luxury

September 29th 2008

 
Leave a comment

Posted by on September 30, 2008 in Cartoon Box

 

Ar Kar – Poem by a student


သွေး ချွေး မျက်ရည် တော်လှန်ရေး

အာကာ

၂၀၀၇ သြဂုတ် ၂၇၊ ဗကသ ပြန်လည်ဖွဲ့စည်းခြင်း နှစ်ပတ်လည် အမှတ်တရ ကဗျာ

စက်တင်ဘာ ၂၉၊ ၂၀၀၈

အကျပ်ကိုင်ခံရလွန်းလို့

ဇောချွေးစီးကြောင်း

ဆူပွက်ပွက်ထဲ

ဒီတစ္ဆေခရီးကို

ဘယ်သူမှ ဆက်သည်းမခံနိုင်တော့ဘူး။

လက်ဖျံရိုး နှစ်ချောင်းနဲ့

အရိုးခေါင်း အလံနက်ကို

မီး တိုက် …

အဆိပ်ကုန်သည် သဘောင်္ကြီး

လောင်မြိုက် ပေါက်ကွဲရေး

ကြာပွတ်ဖျားမှာ သွေးစက်တိုင်း

သတိပေးနေရတယ်။

ဝတ်ကျေတန်းကျေ ရာသီဥတုထဲ

စိန်ပန်းပြာတွေ မရှိ

ခုံပြာတန်း မရှိ

တိုက်ရာပါ ပညာရေးသာ

နင်းမိုင်း ကြွမိုင်းတွေကြား

တလမ်းသွား ပြေးဆွဲနေရဲ့။

ကံကော်အို ဟာ

မျက်ရည်စို ဖျန်းရုံနဲ့

မလန်းဆန်းတော့တာမို့

တခြိမ့်ခြိမ့်မိုးကြီးအောက်

ဒေါင်း တသင်း ရောင်းရင်းဖွဲ့ဖို့

ကျောင်းဝင်းထဲကို ရောက်ခဲ့ပြီ။

 
Leave a comment

Posted by on September 30, 2008 in Poems

 

Burmese public felt encouraged after U Win Tin released




ဦးဝင်းတင်လွတ်မြောက်လာသည့်အတွက် ပြည်သူလူထုကပါ ၀မ်းသာအားတက်ကြ

ညွန့်ထွေး

စက်တင်ဘာ ၂၉၊ ၂၀၀၈

သာမန်ပြည်သူလူထုကြားထဲတွင် သတင်းစာဆရာကြီး ဦးဝင်းတင် လွတ်မြောက်လာသည့်အတွက် စိတ်အား တက်ကြွနေကြပုံရသည်ကို တွေ့မြင်ရသည်။ နေ့စဉ် အထွေအထွေ စားဝတ်နေရေး အကြပ်အတည်းများတွင် ရုန်းကန်နေရသူ သာမန်ပြည်သူ အများစုမှာ နိုင်ငံရေးသတင်းများကို စိတ်ဝင်စားခြင်း မရှိကြသည်မှာ ကြာပြီဖြစ်သော်လည်း ယခု ဦးဝင်းတင် ပြန်လည် လွတ်မြောက်လာသည်ကို ကြားရသည်နှင့် ၀မ်းသာအားရ ဖြစ်ကြရသည်ဟု ဆိုပါသည်။


“ကျနော်တို့ ပျော်တယ်။ ဘာကြောင့်မှန်းမသိဘူး။ ဆရာကြီးကိုလည်း မတွေ့ဖူးပါဘူး။ ဒါပေမယ့် ကိုယ့်အဖေ ထောင်ကလွတ်လာသလိုမျိုး ခံစားရတယ်။ တိုင်းပြည်အတွက်လည်း အားတက်မိတယ် …” ဟု ၁၀ တန်း ကျောင်းသားတဦးက ပြောပြသည်။


အင်းစိန်လမ်းဆုံတွင် ကုန်စိမ်း ဈေးရောင်းသူ အမျိုးသမီးတဦးကမူ အခြားဈေးသည်များနှင့်အတူ စုဝေးပြီး ဆရာကြီးလွတ်သည့်နေ့က ရောက်ရှိနေသည့် နေအိမ်ရှေ့သို့ သွားမျှော်ကြည့်ခဲ့ကြသည်ဟု ပြောပြခဲ့သည်။

“ကျမတို့ အဲဒီနေ့က သွားကြည့်ကြတယ်။ နှုတ်ဆက်ခွင့်တော့ မရခဲ့ဘူးပေါ့. ပြန်လွှတ်လိုက်ပြီ ကြားတော့ ပျော်တာပဲ။ တခြားနိုင်ငံရေးလုပ်တဲ့သူတွေကို သိပ်လည်း မသိပါဘူး။ စားဝတ်နေရေးအတွက် တနေ့လုပ်မှ တနေ့စားရတာကိုး ကျမတို့မှာက။ ဒါပေမယ့် ဆရာကြီးလွတ်တယ်ဆိုတော့ ကျန်တဲ့ ကျမရဲ့ ဈေးအတူရောင်းသူတွေကတော့ ပြောနေကြတယ်။ ဆရာကြီးလွတ်လာရင် တို့တွေ အဆင်ပြေလာမှာ … တဲ့။ အဲသလိုမျိုး ကျမတို့က ပျော်တယ်။ တကယ်ပါရှင် …” ဟု သူမက ပြောသည်။


ဆရာကြီးကို ပြည်သူလူထုကြီး တရပ်လုံးက စိတ်ဝင်စားကြကြောင်း၊ ဆရာကြီးအိမ်ကို နေ့စဉ်လာပြီး နှုတ်ဆက်နေကြသူတွေထဲတွင် နိုင်ငံရေးလောကမှ လူတွေတင်သာမက အရပ်သူ အရပ်သားတွေ၊ လူငယ်တွေ၊ ကျောင်းသားတွေ၊ ရဟန်းတွေ၊ အဖိုးကြီးတွေ အဖွားကြီးတွေတောင် လာရောက်ကြသည်ကို တွေ့နေရကြောင်း ဦးဝင်းတင်ဆီသို့ သွားခဲ့သူတိုင်းက တညီတညွတ်တည်း ဆိုကြသည်။


“ဒါဟာ ဆရာကြီးကိုချစ်ခင်တယ်၊ အားကိုးတယ်။ ပြီးတော့ သူတို့တတွေ အင်မတန်ကို ယုံကြည်တယ်ဆိုတာ ပြတာပါပဲ …” ဟု ပြည်တွင်းစာရေးဆရာတဦးကပြောပါတယ်။


စာနယ်ဇင်းသမား အများစုက ဆရာကြီး ပြည်တွင်း စာနယ်ဇင်းများတွင် စာရေးသားခွင့်ရှိ မရှိကို သိချင်နေကြသည်။


ဆရာကြီးသာ စာရေးခွင့်ရမည်ဆိုလျင် ပြည်သူတွေအတွက် တကယ် အကျိုးရှိမည်၊ မြန်မာပြည်တ၀ှမ်းလုံးက ဆရာကြီး၏ အာဘော်များကို ဖတ်ရှုနာယူခွင့်ရကြမည်။ လက်ဆင့်ကမ်း ဖြန့်ဝေခွင့်ရကြမည် ဖြစ်သည်ဟု လူငယ် သတင်းထောက်တဦးက ထုတ်ဖော်ပြောဆိုသည်။


ထင်ရှားသည့် စာရေးဆရာ သတင်းစာဆရာကြီးတဦးက “ ဒါဟာ ဆရာကြီး ဆက်လက် တိုက်ပွဲဝင်ရမယ့် အရာတွေထဲက တခုပဲ ..” ဟု မှတ်ချက်ပေးခဲ့သည်။


“ဆရာကြီးရဲ့ ရေဒီယို အင်တာဗျူးတွေကို နားထောင်ပြီး စိတ်ဓာတ်တက်ကြွနေတဲ့ ပြည်သူတွေကို စစ်အာဏာပိုင်များက မျက်လုံးဒေါက်ထောက်ကြည့်နေတော့တာပဲ။ နေရာတိုင်းမှာ သူတို့တွေချည်းပဲ။ မြို့တော်ခမ်းမရှေ့က ရဲသားတဦးနဲ့တဦး ပြောနေကြတဲ့ အထဲမှာဆိုရင် – ဟေ့ကောင် … မင်းစိတ်ထဲ မသင်္ကာရင် ဆွဲကွာ တဲ့။”

ဟု သတင်းထောက်တယောက်က ပြောပြသည်။


“ကျနော် စိတ်ထဲမှာ တုန်လှုပ်သွားတယ်။ ကြောက်တာမျိုး မဟုတ်ဘူးနော်။ တရားမဲ့နေတာ၊ တရားလက်လွတ်ဖြစ်နေတာကို တွေးမိလိုက်လို့။ ဆရာကြီး ပြန်လွတ်လာတော့ လူတွေကို လှုပ်နှိုးလိုက်သလို ဖြစ်သွားတယ်။ အားလုံးက နိုးကြားသွားကြတယ်။ ပြတ်သားတဲ့ ခေါင်းဆောင်ကို တိုင်းပြည်က လိုနေတာပါ …”ဟု ထိုသတင်းထောက်က သူ့ခံစားချက်ကို ထုတ်ဖော်သည်။


ဆရာကြီး ဦးဝင်းတင် အင်န်အယ်ဒီပါတီ အနှစ် ၂၀ နေ့ကို သွားရောက်ခဲ့သည့်အတွက် ပါတီတွင်း လူငယ်များ၊ ခေါင်းဆောင်များအားလုံးက သောင်းသောင်းဖျဖျ ကြိုဆိုခဲ့ကြသည်ကို တွေ့ရသည်။


တစည ပါတီက သက်ကြီးရွယ်အိုတဦးကမူ “ ဘာ ၀င်းတင်လဲ။ အလကား တယူသန်သမား …” ဟု တုန့်ပြန်သည်ကို ကြားကြောင်း မျက်မြင်တဦးက သတင်းပေးသည်။


အနှစ်၂၀ နီးပါး လူထုရှေ့မှောက်က ပျောက်ကွယ်နေပြီး အချုပ်အနှောင်တွင်း ကြံ့ကြံ့ခံနေခဲ့သော ဆရာဦးဝင်းတင်ကို လူထုကြီးက မေ့မသွားဘဲ ထောက်ခံ ကြိုဆို မျှော်လင့်လျက် ရှိသည်ကတော့ အထင်အရှားပင် ဖြစ်သည်ဟု မှတ်ချက်ပေးကြသည်ကို တွေ့ရသည်။


“ဆရာကြီး ထောင်ကထွက်တော့ – ဟေ့ ငါတော့ အပြင်ထွက်လိုက်အုံးမယ်ဟေ့ ဆိုပြီး လက်ဝှေ့ယမ်းပြီး နှုတ်ဆက်ပြီး ထွက်သွားတာဗျ။ ကျနော်တို့တတွေက ထောင်ထဲမှာ ကျန်ရစ်နေသေးပေမယ့် တိုင်းပြည်အတွက်၊ အပြင်က ပြည်သူတွေအတွက် ကျနော်တို့က မျှော်လင့်တယ်။ ၀မ်းသာတယ်။ အားရှိတယ်။ ဆရာကြီးကို ထောင်ထဲက ကျနော်တို့တွေတင်သာမကပါဘူး ဆရာကြီး ကျွေးမွေးစောင့်ရှောက်ခဲ့တဲ့ တိရစ္ဆာန်တွေကတောင် သတိရပြီး ကျန်ရစ်ခဲ့ကြတာပါဗျာ …” ဟု နိုင်ငံရေးအကျဉ်းသားတဦးက သတင်းစကားပါးလိုက်သည်။

 
Leave a comment

Posted by on September 29, 2008 in Local News Headlines

 

Min Thu Wun


နိုင်ငံရေးနဲ့ စာပေအနုပညာ (၈)
အမျိုးသားစာဆိုကြီး မင်းသုဝဏ်
ထိန်လင်း
စက်တင်ဘာ ၂၉၊ ၂၀၀၈

တိုင်းပြည်ရဲ့ ဆိုးဝါးတဲ့အခြေအနေတစ်ခုကို ဖြတ်သန်းရတဲ့အခါ လူတွေရဲ့ ဝါသနာတွေ၊ ကျွမ်းကျင်တဲ့ ပညာရပ်တွေကို ခဏဘေးဖယ်ထားပြီး လုပ်သင့်လုပ်ထိုက်တဲ့ အရာတွေကို လုပ်ဆောင်ရတာတွေ ရှိပါတယ်။ ဒီအခါ ကိုယ်တတ်ထားတဲ့ ပညာရပ်တွေက ပျောက်ပျက်မသွားပေမယ့် ကိုယ့်စိတ်တိုင်းကျ မလုပ်နိုင်တဲ့သဘောတော့ ရှိတတ်ပါတယ်။ ဒီလိုပဲ ကိုယ်ရွေးချယ်လိုက်တဲ့အရာကြောင့် ဆုံးရှုံးတဲ့အရာတွေ ရှိသလို အဲဒီလို ဆုံးရှုံးအောင် တမင် လုပ်တာကိုလည်း ခံရတတ်ပါတယ်။ အထူးသဖြင့် နိုင်ငံရေးနဲ့ ပတ်သက်လို့ စာပေအနုပညာသမားတွေ ဘယ်လို အရင်းအနှီး ပေးရတတ်တယ်ဆိုတာကို စဉ်းစားမိပါတယ်။
၈၈ အရေးတော်ပုံကာလရဲ့ နောက်ပိုင်း တကျော့ပြန် စစ်အုပ်ချုပ်ရေးရဲ့အောက် နှစ်ပေါင်း ၂ဝ ကျော် ဖြတ်သန်းခဲ့ရတဲ့အခါ အထက်မှာ ပြောခဲ့သလို ကိုယ်ပိုင်အရင်းအနှီးတွေဖြစ်တဲ့ အနုပညာတွေ၊ ဘဝတွေကို နိုင်ငံ့အရေး ပါဝင်လုပ်ဆောင်မှုအတွက် ပေးခဲ့ရတဲ့ အနုပညာသည်တွေ အများအပြား ရှိပါတယ်။ အဲဒီအထဲမှာ ရုပ်ရှင် အနုပညာသည်တွေ၊ ဂီတ အနုပညာသည်တွေ၊ စာပေအနုပညာသည်တွေ ပါဝင်ပါတယ်။ စာပေပညာရှင်တွေက အနုပညာလောကမှာ အရေအတွက်အများဆုံးဆိုတော့ နိုင်ငံရေးလို့ပဲပြောပြော၊ ဒီမိုကရေစီရေးလို့ပဲ ဆိုဆို အဲဒီ လှုပ်ရှားမှုကြီးထဲမှာ တခြားသော အနုပညာနယ်ပယ်တွေထက် များပြားတဲ့အရေအတွက်နဲ့ ပါဝင်ခဲ့ပြီး အဖိနှိပ်ခံရတော့လည်း သူတို့ပဲ အများဆုံးဖြစ်ပါတယ်။
ဥပမာအားဖြင့် ကိုဇာဂနာရဲ့ ဖခင် ဆရာ နန်းညွန့်ဆွေ၊ ကဗျာဆရာ ကြည်အောင်၊ ကဗျာဆရာ ကိုလေး (အင်းဝဂုဏ်ရည်) စတဲ့ စာပေနယ်က ပုဂ္ဂိုလ်တွေဆိုရင်လည်း ဒီကနေ့အထိ စာနယ်ဇင်းတွေမှာ ထည့်သွင်းဖော်ပြခွင့် ပိတ်ပင် ခံထားရဆဲပါ။ သတင်းစာဆရာကြီး ဦးဝင်းတင်ဆိုရင်လည်း နှစ်ပေါင်း ၂ဝ နီးပါး ကြာအောင် ဖမ်းဆီးပြီးမှ ပြန်လွှတ်ပေးခဲ့တာပါ။ အဲဒီလို စစ်အာဏာပိုင်တွေရဲ့ အနှိပ်အစက် ခံခဲ့ရသူတစ်ဦးကတော့ ဆရာကြီး မင်းသုဝဏ်ဖြစ်ပါတယ်။
၂ဝဝ၄ ခုနှစ် သြဂုတ်လ ၁၅ ရက်နေ့မှာ ကွယ်လွန်ခဲ့တဲ့ ဆရာကြီး မင်းသုဝဏ်က ၁၉ဝ၉ ခုနှစ်မှာ မွေးတယ်ဆိုတော့ လာမယ့် ၂ဝဝ၉ ခုနှစ်ဆိုရင် နှစ် ၁ဝဝ ပြည့်ပါပြီ။ ဆရာဇော်ဂျီရဲ့ ရာပြည့်ပွဲ ကျင်းပခဲ့သလို ဆရာမင်းသုဝဏ်ရဲ့ ရာပြည့်ပွဲလည်း ပြည်တွင်းမှာ ကျင်းပခွင့် ရမယ်လို့ မျှော်လင့်ပါတယ်။ ဆရာကြီး မင်းသုဝဏ်ဟာ ခေတ်စမ်းစာပေကို ဦးဆောင်ခဲ့သူတွေထဲက တစ်ယောက်ဖြစ်သလို စာပေပညာရှင်တစ်ဦးအဖြစ် စစ်ကြိုခေတ်ကနေ ကွယ်လွန်ချိန်အထိ ရပ်တည်ခဲ့သူဖြစ်ပါတယ်။ စာပေဗိမာန် တည်ထောင်ခဲ့သူတွေထဲမှာလည်း ပါဝင်ခဲ့ပါတယ်။
“ဝါဆိုဝါခေါင် ရေတွေကြီးလို့၊ သပြေသီးမှည့် ကောက်စို့ကွယ်” လို့အစချီထားတဲ့ ‘သပြေသီးကောက်’ ကဗျာ၊ “ဆွမ်းအုပ်နီနီ အမေရွက်လို့၊ နက်ဖြန်မနက် ကျောင်းထွက်မယ်” လို့ အစချီထားတဲ့ ‘ဥပုသ်စောင့်’ စတဲ့ ဆရာကြီးရဲ့ ကလေးကဗျာတွေကို လူတိုင်းလိုလို သိနေကြပါလိမ့်မယ်။ ဒီလိုပဲ မြန်မာပြည် လွတ်လပ်ရေးမရခင် ၁ဝ နှစ်တိတိက ရေးသားခဲ့တဲ့ ‘သပြေညို’ ကဗျာကိုလည်း သိကြမယ်လို့ ထင်ပါတယ်။ အဲဒီလို အရှိန်အဝါရှိတဲ့ စာပေတွေကို ရေးသားခဲ့သလို တခြား မှတ်တမ်းတင်လောက်တဲ့ လုပ်ရပ်တွေကိုလည်း လုပ်ဆောင်ခဲ့ပါတယ်။ မဆလ ခေတ်မှာ ပြုလုပ်ခဲ့တဲ့ စာတတ်မြောက်ရေးလှုပ်ရှားမှုမှာ အရေးအဖတ်အမြန်သင်ကြားတဲ့ ဝထကလသ နည်းကို တည်ထွင်ခဲ့သလို၊ မျက်မမြင်စာ နည်းသစ်ကို ဦးဆောင်တီထွင်သူ ဖြစ်တယ်လို့ မှတ်တမ်းတစ်ခုမှာ တွေ့ရပါတယ်။
ဆရာဟာ မြန်မာစာပေဆိုင်ရာ ဆောင်းပါးတွေ၊ ဝတ္ထုတိုတွေ၊ ဘာသာပြန်စာပေတွေ ရေးသားခဲ့သလို တက္ကသိုလ် မြန်မာအဘိဓာန် ၅ အုပ်တွဲကိုလည်း ပြုစုခဲ့ပါတယ်။ ဂျပန်နိုင်ငံ အိုဆာကာ နိုင်ငံခြားဘာသာတက္ကသိုလ်မှာ ၁၉၇၅ ကနေ ၁၉၇၉ ခုနှစ်အထိ ဧည့်ပါမောက္ခအဖြစ် သွားရောက်ပြီး တာဝန်ထမ်းဆောင်ခဲ့ချိန်မှာတောင် မြန်မာ-ဂျပန် အဘိဓာန်၊ မြန်မာဖတ်စာ၊ မြန်မာစကား ပြောပုံနည်းမျိုးစုံ၊ မြန်မာကျေးလက်ကဗျာ အစရှိသဖြင့် ပြုစုခဲ့သူဖြစ်ပါတယ်။
ဆရာမင်းသုဝဏ်ဟာ ဘယ်လိုလူမျိုးဖြစ်တယ်ဆိုတာနဲ့ပတ်သက်လို့ ကဗျာဆရာ မောင်စွမ်းရည်က စာပေဟောပြောပွဲတစ်ခုမှာ အခုလို ပြောပြခဲ့ဖူးပါတယ်။
“ဆရာမင်းသုဝဏ်ဟာ ကျောင်းသား ဒေါင်းကဗျာကို ပထမဆုံး ရေးတဲ့ပုဂ္ဂိုလ်ဖြစ်တဲ့အပြင် မှိုင်းရာပြည့်ကဗျာကို ရေးတဲ့ကဗျာဆရာအနေနဲ့လည်း ဒီတစ်ဦးတည်းပဲ ရှိပါတယ်။ ၁၉၆၃ ငြိမ်းချမ်းရေးပွဲကြီး ပျက်သွားတဲ့အခါကျတော့ လူတွေအားလုံး လိုက်ဖမ်းနေတာ၊ ကျောင်းသားတွေအားလုံး လိုက်ဖမ်းနေတာ။ အဲဒီနေရာမှာ ၆၄ ကျတော့ ဆရာကြီးကွယ်လွန်သွားတဲ့အခါကျတော့ စဖတ်ဖို့ ဆရာမင်းသုဝဏ် စီစဉ်ပေးတဲ့ကဗျာက တက္ကသိုလ်ကျောင်းသားတွေကိုပဲ တိုင်းပြည်အနာဂတ်အတွက် အားထားရမှာပါ ဆိုတဲ့ကဗျာကို ရွတ်ခိုင်းတာ ဆရာက။ ရွတ်ခိုင်းပြီးတော့ မှိုင်းရာပြည့်ကဗျာကို ဆရာမင်းသုဝဏ်က ရေးတာ”
ဒီလို မျိုးချစ်စိတ်ရှိတဲ့ ဆရာကြီးမင်းသုဝဏ်ဟာ ၁၉၈၈ ဒီမိုကရေစီအရေးတော်ပုံကြီးမှာ ပြည်သူဘက်က ရပ်တည်ခဲ့သလို စစ်အစိုးရက ၁၉၉ဝ ပြည့်နှစ်မှာ ပြုလုပ်ခဲ့တဲ့ ရွေးကောက်ပွဲမှာလည်း အမျိုးသားဒီမိုကရေစီအဖွဲ့ချုပ်ရဲ့ ပြည်သူ့လွှတ်တော်ကိုယ်စားလှယ်အဖြစ် အရွေးခံခဲ့ရပါတယ်။ ရွေးကောက်ပွဲနဲ့ မရှေးမနှောင်းဖြစ်တဲ့ ဒေါ်အောင်ဆန်းစုကြည်ရဲ့ အသက် ၅ဝ ပြည့် မွေးနေ့အတွက် ဆရာကြီးက ‘မွေးနေ့ဆုတောင်း’ ဆိုတဲ့ ခေါင်းစဉ်နဲ့ ကဗျာတစ်ပုဒ် အခုလို ရေးသားခဲ့ပါတယ်။

မွေးနေ့ဆုတောင်း

ပြည်သူတွေအောင်ပန်း၊ မြဲဆင်မြန်းသည့်
အောင်ဆန်းစုကြည်၊ ရဲဇာနည်ကို
မြန်ပြည်တလွှား၊ ချစ်သူများခဲ့။

တို့အားတို့အင်၊ တို့အရှင်ကို
ကြည်ရွှင်စေသော၊ မာစေသောဟု
မွေးသောနေ့မှာ၊ တို့သူငါသည်
မေတ္တာကြည်လင် ရွှင်ရွှင်ပို့။
ဒေါင်းပျိုအိုးဝေ၊ တွန်စေဖို့
မြတ်ဆုမွန်ကောင်း တောင်းကြစို့။ ။

မကြာပါဘူး၊ မြန်မာပြည်မှာ ထုတ်ဝေတဲ့ စာနယ်ဇင်းတွေမှာ ဆရာကြီးရဲ့ စာတွေ ဖော်ပြခွင့် မရတော့ပါဘူး။ နောက်ပိုင်း ဖော်ပြခွင့်ရပြန်တော့လည်း အကန့်အသတ်တွေ ရှိခဲ့ပါတယ်။ ဆရာကြီးကတော့ သူမြတ်နိုးတဲ့ စာပေတာဝန်ကို ကျေပွန်သလို လုပ်ဆောင်သင့်တဲ့ နိုင်ငံရေးတာဝန်တွေကိုလည်း ထမ်းဆောင်ခဲ့သူဖြစ်ပါတယ်။ အခုလည်း ကိုယ့်ယုံကြည်ချက်အတိုင်း ရပ်တည်ခဲ့တဲ့ ဆရာကြီး မင်းသုဝဏ်လို မျိုးချစ်စာဆိုတွေ မြန်မာပြည်မှာ ရှိနေပါတယ်။ သူတို့တွေက သူတို့ရဲ့ အသက်မွေးဝမ်းကျောင်း ပညာရပ်ကို အသုံးချခွင့် မရကြပါဘူး။ တချို့ဆိုရင် အဖမ်းအဆီး ခံထားရပါတယ်။ ဒါဟာ ကောင်းမွန်တဲ့အနေအထား မဟုတ်ပါဘူး။ လက်ရှိအနေအထားကို လွတ်လပ်ပါတယ်လို့ ယူဆနေသူတွေအနေနဲ့ အဲဒီလို မလွတ်လပ်သူတွေအကြောင်းကို စဉ်းစားမိကြမယ်ဆိုရင်တော့ မြန်မာပြည်ရဲ့ အလားအလာက အကောင်းဘက်ကို မြန်မြန်ဦးတည်နိုင်မှာ ဖြစ်ပါတယ်။ ။

ထိန်လင်း (၂၃၊ ၉၊ ၂ဝဝ၈)

၂ဝဝ၈ ခုနှစ် စက်တင်ဘာလ ၂၆ ရက်နေ့ နော်ဝေအခြေစိုက် ဒီမိုကရက်တစ်မြန်မာ့အသံ၏ ထုတ်လွှင့်ချက်အား ပြန်လည်ဖော်ပြပါသည်။

 
Leave a comment

Posted by on September 29, 2008 in Op-Ed

 

ထောင်ဗူးပေါက်က မကြောက်တရား


ထောင်ဗူးပေါက်က မကြောက်တရား
(ဦးဝင်းတင်သို့)
မောင်စွမ်းရည်
စက်တင်ဘာ ၂၈၊ ၂၀၀၈

ထောင်ဗူးအဝင် ‘ဘူး’ခံဝင်
ထောင်ဗူးကထွက် ‘ဘူး’ခံထွက်
လက်လည်းမမြှောက် ဒူးမထောက်
သေရမှာကို သူမကြောက်
ချော့တာ မြှောက်တာ သူမမြောက်
လွတ်လပ်ခြင်းနဲ့မျှတခြင်း ငြိမ်းချမ်းခြင်းသို့ သူလမ်းဖောက်
ညီညွတ်ရေးကို သူတည်ဆောက်
‘စု’က လမ်းခင်း၊ ‘ဝင်း’က လမ်းပြ ညီညွတ်ကြ မုချပန်းတိုင်ရောက်။ ။

မောင်စွမ်းရည်
စက်တင်ဘာ ၂၃၊ ၂ဝဝ၈

သရုပ်ဖော်ပန်းချီ သြရသ

(မှတ်ချက် – 2.83 MB မူရင်းပုံရယူလိုပါက ပုံကို နှိပ်ပါ)

 
Leave a comment

Posted by on September 29, 2008 in Maung Swan Yi, poem