RSS

Than Soe Hlaing – Electricity Outage – a cause of fire outbreak in Mingalar Zay

31 May

မမှန်သော လျှပ်စစ်မီးကြောင့် လောင်ရသောမီး

သန်းစိုးလှိုင်

မေ ၃၁၊ ၂၀၁၀

မေလ ၂၄ ရက် တနင်္လာနေ့၏ နံနက်ခင်း၊ နေရောင်သာသာယာယာ ရှိသော်လည်း ကောင်းကင်သို့ မင်္ဂလာဈေးအဆောက်အဦ အပေါ်ဆုံးထပ်မှ မီးခိုးများက အူပြီးတက်လျက်ရှိသည်။ အချိန်ကား ၉ နာရီကျော်ရုံရှိသေးသည်။ လူအုပ်ကြီးမှာ မင်္ဂလာဈေးရှေ့ ဗညားဒလလမ်းမပေါ်မှာသာမက ဈေးရှေ့မှ လမ်းသွယ်တွေထဲမှာပါ စုဝေးပြီး ဈေးမီးလောင်နေသည်ကို စောင့်ကြည့်နေကြသည်။

လမ်းဘေး ကွမ်းယာဆိုင်ကလည်း ဆိုင်ကိုဝိုင်းပြီး ရပ်နေသည့် လူအုပ်အကြားမှာ ကွမ်းယာရောင်းရင်း မီးအခြေအနေကို စိတ်ဝင်တစားကြည့်နေသည်။ ကွမ်းယာရောင်းသူကို မီးဘယ်တုန်းကစလောင်လဲ လို့မေးလိုက်တော့ “၈ နာရီကျော်ကျော်က အခုလောင်တာ ၁ နာရီမပြည့်သေးဘူး။ အခုပုံဆို မီးကို နိုင်ပါ့တော့မလား၊ အစောပိုင်းကတော့ ဈေးစည်ပင်ကတာဝန်ရှိသူတွေက စိတ်မပူနဲ့ပြောခဲ့တာ။ အခုတော့ မီးရှိန်ကတက်လာနေပြီ။”

ရေကားကလည်း တောက်လောင်နေတဲ့ မီးရှိန်နဲ့စာလိုက်ရင်   ဆင့်ပါးစပ် နှမ်းပက်သလို ဖြစ်နေတဲ့ အသွင်ပါ။ ရပ်ကြည့်နေသူတဦးက မီးသတ်တွေကိုရည်ညွှန်းပြီး

“ဒီလူတွေကို လာကြည့်ရင် အကုသိုလ်ဖြစ်တယ်။ သူတို့ပက်နေပုံနဲ့ ဒီမီးကိုဘယ်လိုမှ နိုင်မယ့်ပုံမပေါ်ဘူး” ဟုပြောသည်။

ဈေးရဲ့ မျက်နှာစာနှစ်ဘက်စလုံး ပြူတင်းပေါက်များမှ  ထွက်လာနေသည့် မဲမှောင်သည့် မီးခိုးလုံးကြီးများကို လှေခါးပေါ်မှ ၁ လက်မခွဲ နှစ်လက်မသာသာ မီးသတ်ပိုက်ဖြင့် လှမ်းပက်နေသော်လည်း ရေမှာ အတွင်းဘက်ဆီသို့ ရောက်ဟန်မတူသည့်အတွက် ရပ်ကြည့်သူအများက အားမရဖြစ်နေကြခြင်း ဖြစ်သည်။

မြန်မာ့ရုပ်သံထဲမှာတော့ မီးသတ်က မီးကို နိုင်တယ်

တိုက်ဆိုင်မှုလား သို့မဟုတ် လောက၏ သရော်ချက် တခုလားတော့မသိ။ မြန်မာနိုင်ငံမီးသတ် တပ်ဖွဲ့၏ စွမ်းရည်ပြပွဲ မီးသတ်လေ့ကျင့်သည့် ပြကွက်များကို အဆိုပါ မင်္ဂလာဈေးတွင် သရုပ်ပြ ရိုက်ကူးခဲ့ကြခြင်းပင် ဖြစ်သည်။ မြန်မာ့ရုပ်သံမှ ပြသဖူးသည့် ပြကွက်များကို ကြည့်ဖူးသူ ပရိသတ်က

“သရုပ်ပြတုန်းကတော့ ခေါင်မိုးပေါ်က ဇောက်ထိုးကျလာတာတွေရော၊ အောက်ကနေ ကြိုးနဲ့တက်တာတွေရော စုံလို့။ အခုတကယ်တမ်းဖြစ်တော့ မီးလောင်နေတာ ငြိမ်းတောင် မငြိမ်းနိုင်ပဲ ဖြစ်ကုန်တာ”ဟု ဝေဘန်သည်။
မှန်လည်းမှန်ပါသည်။ မီးသတ်တပ်ဖွဲ့၏ စွမ်းရည်ပြကွက်များတွင် မီးသတ်ကားထဲမှာ ရေအပြည့်မပါသည့်အဖြစ်နှင့် တစီးကို ၃ မိနစ်သာ ရေဖြန်းနိုင်အားရှိသည့် အခြေအနေများ မပါဝင်ခဲ့ပါ။
မီးသတ်အင်အား

ရန်ကုန်မြို့ရဲ့ မီးသတ်ကားများမှာ ဟောင်းအိုနေသည့်ကားက အများစုဖြစ်သည်။ ဆူးလေ ဘုရားလမ်းရှိ ဗဟိုမီးသတ်တွင်မှ မီးသတ်ကား ၄၊ ၅ စီးနှင့် အခြားမြို့နယ်များတွင် တမြို့နယ် မီးသတ်ကား ၂ စီးစီသာ ရှိကြသည်။ ထို့ပြင် အချို့သော မီးသတ်ကားများမှာ ဟောင်းအိုနေပြီး ရေတိုင်ကီကလည်း ဂါလံ ၁၆၀၀ ၀န်းကျင်သာသာ ဆန့်သည့်ကားများ ဖြစ်နေကြသည်။
ယခုခေတ်တွင် ဂါလံ ၂၈၀၀ ဆန့်သည့် တိုင်ကီပါ ထရပ်ကားများ ပုဂ္ဂလိက လုပ်ငန်းရှင် အများအပြား  သုံးစွဲနေသည့်ကာလတွင် မီးသတ်ကားများမှာ ယခင်ခေတ်ကလို ၃ တန် ကားသေးများက အများစုဖြစ်နေသည်။ မေလ ၂၄ ရက်နေ့က လောင်ကျွမ်းသည့် မင်္ဂလာဈေးမီးလောင်မှုကို ရန်ကုန်နှင့် အနီးအနားမှ မီးသတ်ကား စုစုပေါင်း အစီး ၆၀၊ ၇၀ ကျော်လာသည့်အနက် လှေခါးပါ မီးသတ်ကားက ၁၀ စီးပင်မပြည့်တတ်ပေ။

လှေခါးပါ ရေပက်သည့် မီးသတ်ကား တစ်စီးကို ရေသယ်လာသည့် မီးသတ်ကား ၃/ ၄စီးက ၀ိုင်းပြီးရေဖြည့်ပေး ကြရသည်။ မီးသတ်ကား အစီးရေ ၆၀၊ ၇၀ လာပေမယ့်လည်း အားလုံးမှာ အမြင့်တွင်လောင်နေသည့်မီးကို ငြိမ်းသတ်နိုင်သည့် မီးသတ်ကားများ မဟုတ်ကြပါ။
မီးလောင်ပြီး ၂ နာရီကျော်အကြာ မင်္ဂလာဈေးမီးပွိုင့် လမ်းဆုံသို့ မီးသတ်ကား စည်ပင်ရေသယ်ကားများ ၀င်ရောက်လာသည့် အခါ မီးလောင်တာကို စောင့်ကြည့်နေသည့် လူအုပ်ကြီးက ဟေး ဟု အော်ကြသည်။ မောင်းဝင်လာသည့် ရေသယ်သည့်ကားက သေးသေးကွေးကွေး အဖြစ်ကို လှောင်သည့်သဘောဖြင့် အော်ခြင်းလား၊ ရေကားလာသဖြင့် အားပေးခြင်းလားဆိုသည်ကို သဲကွဲစွာ မသိနိုင်ပေ။
ဖြစ်ဖြစ်ချင်း မငြိမ်းသတ်နိုင်သည့် အကြောင်းရင်း

မြန်မာနိုင်ငံမှာ ဈေးတွေ ခဏခဏ မီးလောင်ကြသည်။ လောင်လျင်လည်း များသောအားဖြင့် တဈေးလုံးကုန်အောင် လောင်ကျွမ်းကြရသည်။ ဘာကြောင့် အခုလိုလောင်ကြရသလဲ ဟုဆိုလျင် လျှပ်စစ်မီး ၀ါယာရှော့ခ်ဖြစ်တာကြောင့်က ၇၀ ရာခိုင်နှုန်းဝန်းကျင်ရှိသည်။

ဝါယာရှော့ဖြစ်ရခြင်းတွင်လည်း လျှပ်စစ်မီး မှန်မှန်မလာခြင်းက ၇၀ ရာခိုင်နှုန်းဝန်းကျင် ထပ်မံရှိနေပြန်သည်။ နယ်များတွင်သာမက ရန်ကုန်မြို့ပါ လျှပ်စစ်မီးဆိုသည်မှာ လာလိုက် ပျက်လိုက်ဖြစ်သည့်အရာဟု လူတွေက နားလည်နေကြသည်။
တသမတ်တည်း မပျက်ဘဲလာသည်ကို တနှစ်မှာ တလ နှစ်လသာ ကြုံတွေ့ဘူးသဖြင့် လျှပ်စစ်မီးဟုဆိုလျင် ပျက်ရမည်ဟု နားလည်နေကြသည်။ သို့သော် ချက်နေရင်း၊ လုပ်နေရင်း လျှပ်စစ်မီးပျက်သွားခဲ့သည့်အဖြစ်ကြောင့် ခလုပ်ပိတ်ဖို့ မေ့နေပြီး မီးပြန်လာသည့် အချိန်မှာ အပူရှိန်လွန်ပြီးလောင်ကျွမ်းရသည့် အဖြစ်ကလည်းမနည်း။ ယခု မင်္ဂလာဈေးမီးလောင်ရသည့် အဖြစ်မှာ ထိုအဖြစ်များအနက် တခုဖြစ်သည်။
သင်္ဃန်းကျွန်းဈေးကြီး မီးလောင်စဉ်ကလည်း လျှပ်စစ်မီး ၀ါယာရှော့ဖြစ်ခြင်း ကြောင့်ဖြစ်သည်။ သို့သော် အချို့သော ဈေးအနီးတ၀ိုက်နေထိုင်သူများက မီးစတင်လောင်စဉ် သင်္ဃန်းကျွန်းဈေးတ၀ိုက်တွင် လျှပ်စစ်မီး မလာဟုလည်း ပြောကြသည်။ ထိုအချက်ကြောင့် သင်္ဃန်းကျွန်းဈေးမီးကို ရှို့မီးလားဟု သံသယရှိမှုများ ထွက်ပေါ်လာခြင်းဖြစ်သည်။

ယခုမင်္ဂလာဈေးမီးကတော့ ဒိုးရု (Doaru) အလှကုန်ကုမ္ပဏီပိုင် ဆိုင်ခန်းမှ စတင်လောင်ကျွမ်းသည်ဟု မင်္ဂလာဈေးမှ ဈေးရောင်းသူများက ပြောကြသည်။ အစိုးရသတင်းစာ ဖော်ပြချက်အရပင် လျှပ်စစ်မီးဖိုဖြင့် ရေနွေးအိုးတည်ထားရာမှ မီးပျက်သွားပြီး နောက်တနေ့ နံနက်မီးပြန်လာသည့် အချိန်တွင် လောင်ကျွမ်းခြင်းဖြစ်သည်ဟု ဖော်ပြထားသည်။
ယခု အဖြစ်အပျက်တွင် မည်သည့် ဆိုင်ခန်းမှ စတင်လောင်ကျွမ်းသည်ကိုလည်း ဈေးသူဈေးသားများအနေက သိပြီးဖြစ်ကြသည်။ ဖြစ်ဖြစ်ချင်း အဘယ်ကြောင့် ထိုမီးကို မငြိမ်းသတ်နိုင်သလဲဆိုသည့် အချက်ကမေးစရာ မေးခွန်းဖြစ်နေသည်။
မြန်မာနိုင်ငံမှ ဈေးများ ရုံးများမှာ မီးသတ်ပိုက်နှင့် ရေအဆင်သင့်ယူနိုင်အောင်၊ အထပ်တိုင်း အထပ်တိုင်းတွင် မီးသတ်ပိုက်များထားပြီး မီးလောင်သည်နှင့် ငြိမ်းသတ်နိုင်အောင် စီစဉ်ထားသည့်စနစ် ယခုတိုင် မရှိသေးပါ။ မီးလောင်လျင် ချက်ခြင်း ငြိမ်းသတ်မည့် မီးသတ်ဗူးများလည်း နေရာတိုင်းတွင် ဆောင်ထားလေ့မရှိသေးပေ။ တက္ကစီများ၊ ဘတ်စ်ကားများတွင်  ပါရှိရမည်ဟု ဆိုသော်လည်း လက်တွေ့တွင် တခါမျှ အသုံးပြုသည်ကို မတွေ့ခဲ့ရဘူးပေ။
ထိုနေ့က မင်္ဂလာဈေး မီးစတင်လောင်သည့် အဖြစ်မှာ လျှပ်စစ်မီးကြောင့်ဖြစ်ရာ ဈေး၏ လျှပ်စစ်မီးပိတ်ချဖို့ မီးခလုပ်ပိတ်ရန် တာဝန်ကျသူကို သွားရှာရာ မရှိသဖြင့် လျှပ်စစ်မီးလိုင်းကို ချက်ခြင်း မပိတ်နိုင်ခဲ့ပေ။ ထိုအချက်သည်လည်း မီးလောင်ကျွမ်းမှု ကြီးမားလာဖို့ ပံ့ပိုးပေးလိုက်သည့် အချက်တချက် ဖြစ်ခဲ့သည်။
မြန်မာနိုင်ငံမှ ဈေးများကံကြမ္မာမှာ မီးလောင်ကျွမ်း ဆိုင်ခန်းအားလုံးမကုန်မီ ငြိမ်းသတ်နိုင်ဖို့ အခွင့်အလမ်းနည်းပါးသည့် အဖြစ်ပင်။ လတ်တလော ဖြစ်ပျက်ခဲ့သည့် သင်္ဃန်းကျွန်းဈေးမီး၊ ၂၀၀၈ ခုနှစ်ကုန်ကလောင်ကျွမ်းခဲ့သည့် မော်လမြိုင် မြို့မဈေးမီးတို့ကိုကြည့်လျင် ဘာမဟုတ်သည့် အသေးအဖွဲမှ တဈေးလုံးကုန်အောင် လောင်ကျွမ်းခဲ့ရသည်ချည်း ဖြစ်သည်။

ထိခိုက်မှု အတိုင်းအတာ

ယခုမီးလောင်ကျွမ်းမှုတွင် ကံအားလျော်စွာ အသက်ဆုံးရှုံးမှု မရှိခဲ့သော်လည်း စီးပွားရေးအရ ဆုံးရှုံးမှု အကျိုးသက်ရောက်မှုက ကြီးမားလှသည်။ အလှကုန်၊ စာရေးကိရိယာ၊ မုန့်၊ အထည်အလိပ် နှင့် ထိုင်းနိုင်ငံမှ တင်သွင်းသည့် တိုလီမိုလီ ပစ္စည်းများအား မြန်မာပြည် တပြည်လုံး လက်လီ လက်ကား ရောင်းဝယ်ရေး ကွန်ရက်ဖြစ်သည့် မင်္ဂလာဈေးအား ကြီးမားသည့် ထိုးနှက်မှုကြီးဖြစ်သည်။ ဆေး၊ အထည်အလိပ်၊ အလှကုန် တင်သွင်းသည့် ကုမ္ပဏီများအနေဖြင့် မင်္ဂလာဈေးကို ဂိုဒေါင်အဖြစ် အသုံးမချသော်လည်း စတိုးဆိုင်များ နယ်မြို့များမှ အရောင်းဆိုင်များ အနေဖြင့် မင်္ဂလာဈေးနှင့် ဆက်သွယ်လုပ်ကိုင်ကာ လုပ်ကိုင်နေကြသည် ဖြစ်သည့် အတွက် အဆိုပါ ကွန်ရက်ကို ထိခိုက်စေမည်မှာ အသေအချာပင်ဖြစ်သည်။
သက်ဆိုင်ရာ မြို့တော်စည်ပင်နှင့် ရန်ကုန်တိုင်း အေးချမ်းသာယာရေး ကောင်စီတို့က ဈေးကွက်အား အကျိုးသက်ရောက်မှုနည်းအောင် ယာယီ ဈေးနေရာကို  မြန်မြန်ဆန်ဆန်စီစဉ် ပေးခဲ့လျင်တော့ ထိခိုက်မှု သက်သာမည်ဖြစ်သည်။ သို့မဟုတ်ပဲ ဆိုင်များအနေဖြင့် တဦးချင်းစီ နေရာရှာဖွေပြီး ဟိုတကွဲ သည်တကွဲ ဖြစ်လျင်တော့ ဈေးဝယ်သူများ အနေဖြင့်လည်း ထိခိုက်နစ်နာမည် အနေအထားဖြစ်သည်။
ယခုလောလောဆယ်ပင် မင်္ဂလာဈေးနှင့်နီးသည့် မင်္ဂလာတောင်ညွန့်နှင့် တာမွေမြို့နယ်များ၏ တိုက်ခန်းတန်ဖိုးနှင့်  ငှားခတွေ သိသာစွာ တိုးမြင့်လာနေပြီဖြစ်သည်။
Advertisements
 
Leave a comment

Posted by on May 31, 2010 in News Features

 

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

 
%d bloggers like this: