RSS

Than Win Hlaing – U Nu (1907 1995)

28 Feb

မြန်မာ့သမိုင်းတကွေ့မှ နိုင်ငံရေးခေါင်းဆောင်များ

ဦးနု (၁၉ဝ၇ – ၁၉၉၅)

သန်းဝင်းလှိုင်

ဖေဖော်ဝါရီ ၂၇၊ ၂၀၁၁

လွတ်လပ်သော ပြည်ထောင်စုမြန်မာနိုင်ငံ၏ ပထမဆုံးသော နိုင်ငံတော်ဝန်ကြီးချုပ်နှင့် စာရေးဆရာဦးနုကို ၁၉ဝ၇ခု၊ မေလ ၂၅ ရက်၊ စနေနေ့နံနက် (၈)နာရီ၊ ၃၉ မိနစ်၊ ၁၂ စက္ကန့်တွင် ဧရာဝတီတိုင်း မြောင်းမြခရိုင် ဝါးခယ်မမြို့၌ အဖဦးစံထွန်း၊ အမိ ဒေါ်စောခင်တို့မှ ဖွားမြင်ခဲ့သည်။ မွေးချင်းနှစ်ယောက်တွင် အကြီးဆုံးဖြစ်ပြီး၊ ညီငယ်အမည်မှာ မောင်ဥ ဖြစ်သည်။

၁၉၁၄ ခုနှစ်တွင် ဝါးခယ်မမြို့ အစိုးရအင်္ဂလိပ်မြန်မာနှစ်ဘာသာ စာသင်ကျောင်းတွင် သူငယ်တန်းမှပဉ္စမတန်းအထိ ပညာဆည်းပူးသင်ကြားခဲ့သည်။

ထို့နောက် ၁၉၂ဝ ပြည့်နှစ် ဒီဇင်ဘာလတွင် ရန်ကုန်တက္ကသိုလ်ကျောင်းသားသပိတ်ကြီး ပေါ်ပေါက်လာသောအခါ မောင်နုသည် သပိတ်ထဲ၌ ပါဝင်လှုပ်ရှားခဲ့သည်။ ထိုစဉ်ကမောင်နုသည် အသက် ၁၃ နှစ်ရှိပြီး (၇)တန်းကျောင်းသား ဖြစ်သည်။ သပိတ်ကြီးပြီးသွားပြီးနောက် အမျိုးသားပညာရေးစနစ်နှင့် အမျိုးသားကျောင်းများ ပေါ်ပေါက်လာသောအခါ အင်္ဂလိပ်အစိုးရ ဖွင့်လှစ်ခဲ့သော အစိုးရကျောင်းသို့ ပြန်မတက်တော့ဘဲ ဝါးခယ်မမြို့ဘုးရားတဆောင်များ၌ ပထမဆုံး အစိုးအထောက်အပံ့မယူဘဲ ဖွင့်လှစ်သော အမျိုးသားကျောင်းသို့ တက်ရောက်ပြီး ဆဋ္ဌမတန်းမှစ၍ ပညာဆက်လက် သင်ကြားဆည်းပူးခဲ့သည်။ ဆဋ္ဌမတန်း၌ ပညာသင်ကြားနေစဉ် ဝါးခယ်မအမျိုးသားကျောင်းတွင်ဆရာအခက်အခဲရှိနေ၍ ဆရာတဖက်၊ ကျောင်းသားတဖက် ဆောင်ရွက်ခဲ့သည်။

၁၉၂၄ ခုတွင် မြို့မအထက်တန်းကျောင်းမှ (၁ဝ)တန်းအောင်မြင်၍ ရန်ကုန်တက္ကသိုလ်သို့ ဆက်လက် ပညာသင်ကြားခဲ့သည်။ ၁၉၂၅ တွင် အိုင်အေအထက်တန်းကို နှစ်ချင်းပေါက်အောင်မြင်၍ အထက်တန်းသို့တက်ခဲ့သည်။

၁၉၂၉ ခုမတ်လတွင် ရန်ကုန်တက္ကသိုလ်မှ အင်္ဂလိပ်စား၊ မြန်မာစာ၊ ဒဿနဗေဒဘာသာတွဲဖြင့် ဝိဇ္ဇာဘွဲ့ (B.A) ရရှိခဲ့သည်။ တက္ကသိုလ်တွင်ပညာသင်ကြားနေစဉ်အတွင်း မြန်မာနိုင်ငံလုံးဆိုင်ရာလူငယ်များအစည်းအရုံး တည်ထောင်ရာတွင် ကမကထလုပ်၍ ပါဝင်ခဲ့သည်။

ထို့နောက်ဦးသန့် (နောင်ကုလသမဂ္ဂ အထွေထွေအတွင်းရေးမှူးချုပ် ဖြစ်လာသူ)၏ တိုက်တွန်းချက်အရ ပန်းတနော်မြို့ အမျိုးသားအထက်တန်းကျောင်းတွင် ကျောင်းဆရာအဖြစ်တာဝန်ယူထမ်းရွက်ခဲ့သည်။

၁၉၃ဝ ပြည့်နှစ်တွင်မောင်နုသည် တက္ကသိုလ်သို့ပြန်သွား၍ ဘီအယ်လ်ဥပဒေတန်းတက်ခဲ့သည်။ ဥပဒေသင်တန်းမပြီး ဆုံးမီ သုံးခွမြို့အမျိုးသားကျောင်းသို့ ပြောင်းရွှေ့၍ကျောင်းအုပ်အဖြစ်လုပ်ကိုင်ခဲ့သည်။ ထို့နောက် ၁၉၃၁ ခုနှစ်တွင် ပန်းတနော်မြို့ အမျိုးသားကျောင်းကော်မတီဥက္ကဌ ဦးအောင်ငြိမ်း၊ ဒေါ်ညီမတို့၏ တတိယသမီးမမြရီနှင့် အိမ်ထောင်ကျခဲ့သည်။ အိမ်ထောင်ကျ ပြီးနောက် ၁၉၃၃ ခုနှစ်တွင် သုံးခွအမျိုးသားကျောင်းမှ ပန်းတနော် အမျိုးသားကျောင်းသို့ ပြန်လည်၍ ကျောင်းအုပ် အဖြစ်ထမ်းရွက်သည်။ ၁၉၃၄ ခု ကျောင်းပြန်ဖွင့်သောအခါ မောင်နုသည် ကျောင်းအုပ်အဖြစ်မှနှုတ်ထွက်၍ ဘီအယ်လ်ခေါ် ဥပဒေတန်းတက်ရန်အတွက်၊ ရန်ကုန်တက္ကသိုလ်သို့ပြန်လည်ရောက်ရှိခဲ့သည်။ ရန်ကုန်တက္ကသိုလ်တွင် ဥပဒေတန်းတက် ရောက်နေစဉ်  တက္ကသိုလ်သမဂ္ဂအမှုဆောင်အဖြစ် ရွေးချယ်ခံရသည်။ ထို့နောက် ၁၉၃၅ ခုတွင် ရန်ကုန်တက္ကသိုလ် ကျောင်း သားသမဂ္ဂဥက္ကဌအဖြစ်ရွေးချယ်ခံရသည်။ ထိုနှစ်မှာပင် ဘီအယ်လ်(ဥပဒေဝိဇ္ဇာဘွဲ့)ရရှိခဲ့သည်။

https://lh5.googleusercontent.com/-TcEG57hh42g/TWnTp6MIOcI/AAAAAAAAVSw/TiNYS3bztw8/s1600/_51.gif

၁၉၃၆ ခုဖေဖော်ဝါရီ ၂၅ ရက်တွင် ဒုတိယတက္ကသိုလ်ကျောင်းသားသပိတ် ပေါ်ပေါက်လာသောအခါ ဦးဆောင် ပါဝင်လှုပ်ရှားခဲ့သည်။ ကိုနုသည် ကျွန်ပညာကို အလိုမရှိဟူသောသဘောဖြင့်ဘီအေ(BA)ဘွဲ့ကိုပြန်အပ်ခဲ့သည်။

၁၉၃၇ တွင်ကိုနုသည် သတင်းစာဆရာဦးဘခိုင်၊ ဒီးဒုတ်ဦးဘချိုတို့ ဖွဲ့စည်းထားသော ဖေဘီယံနိုင်ငံရေးပါတီတွင် ဝင် ရောက်ကူညီသည်။ ထို့နောက်တို့ဗမာအစည်းအရုံးသို့ ဝင်ရောက်ခဲ့ရာ ကိုနု အမည် မှ သခင်နုဖြစ်လာသည်။ ထိုနှစ် ၁၉၃၇ မှပင် သခင်နုနှင့်တိုးတက်သော နိုင်ငံရေးအမြင်ရှိသည့်လူငယ်များစုပေါင်း၍ အင်္ဂလန်ပြည်ရှိ လက်ဝဲစာအုပ်ကလပ်ကို အတု ယူကာ ၁၉၃၇ ခု၊ နိုဝင်ဘာ ၄ ရက်နေ့တွင် နဂါးနီစာအုပ်အသင်းကြီးကို တည်ထောင်ခဲ့သည်။ ဒီးဒုတ်ဦးဘချို ဦးစီး ထုတ်ဝေလျှက်ရှိသော “ဒီးဒုတ်ဂျာနယ်”တွင်လည်းကမ္ဘာကျော် ရှိတ်စပီးယားပြဇာတ်များကို ၁၉၃၆ မှ ၁၉၃၈ ထိအခန်း ဆက်ရေးသားနေခဲ့သည်။ နောင်တွင်အဆိုပါပြဇာတ်များကိုစုပေါင်း၍ ၁၉၅၃ ခုမတ်လတွင် “ကမ္ဘာကျော်ရှိတ်စပီးယားပြဇာတ်များ”အမည်ဖြင့် စာအုပ် ထုတ်ဝေခဲ့သည်။

https://lh3.googleusercontent.com/-sRPks0RKUC8/TWnTiti_eiI/AAAAAAAAVSo/Ku1J8jGuoyQ/s1600/_22.gif

၁၉၃၉ တွင် သခင်နုသည် တရုတ်ပြည်သို့ ချစ်ကြည်ရေးသွားသောအဖွဲ့( Goodwill Mission)တွင် အဖွဲ့ ဝင်အဖြစ်လိုက်ပါသွားခဲ့သည်။

၁၉၄၁ ခုတွင် ဗမာ့ထွက်ရပ်ဂိုဏ်းခေါင်းဆောင်တဦးအဖြစ် သယာဝတီညီလာခံတွင် အစိုးရဆန့်ကျင်ရေးအဆို တင် သွင်းမှုနှင့် ဂျူဗလီဟောတွင် အစိုးရအကြည်အညိုပျက်စေရန်တရားဟောမှုကြောင့် အင်္ဂလိပ်အစိုးရကသခင်နုအား ဖမ်းဆီး၍ ရုံးတင်စစ်ဆေးပြီး ထောင်ဒဏ် ၂ နှစ် အပြစ်ပေးခဲ့သည်။

အကျဉ်းထောင်မှလွတ်မြောက်ခဲ့ပြီးနောက် ၁၉၄၃ ခု၊ သြဂုတ်လ(၁)၊ ဂျပန်ခေတ်ဒေါက်တာဘမော်အစိုးရအဖွဲ့တွင် နိုင်ငံရေးဝန်ကြီးအဖြစ်ဆောင်ရွက်ခဲ့သည်။

၁၉၄၄ တွင် ပြန်ကြားရေးဝန်ကြီးအဖြစ် တာဝန်ထမ်းဆောင်သည်။ ထိုနှစ်မှာပင် ဖက်ဆစ်ဆန့်ကျင်ရေး၊ ပြည်သူ့ လွတ်လပ်ရေးအဖွဲ့တွင် ဥက္ကဌအဖြစ်ဆောင်ရွက်သည်။

၁၉၄၅ ခု၊ဇန်နဝါရီလ(၂ဝ)ရက်နေ့တွင် ဖဆပလ လူထုညီလာခံမှရွေးချယ်သော ဗဟိုအမှုဆောင်(၁ဝ)ဦးတွင်ပါဝင် သည်။ ထို့နောက်ဖဆပလအဖွဲ့တွင် ဒုတိယ ဥက္ကဌဖြစ်လာသည်။

၁၉၄၇ ခု၊ဇွန်လ(၁၃)ရက်နေ့တွင် တိုင်းပြုပြည်ပြုလွှတ်တော်ဥက္ကဌအဖြစ် တင်မြောက်ခြင်းခံရသည်။ ထိုနှစ်ဇွန်လ (၂၃)ရက်နေ့တွင် မြန်မာ့လွတ်လပ်ရေးအတွက် ဗြိတိန်နိုင်ငံသို့ ထွက်ခွာ၍ ဇူလိုင်လ(၁၂)ရက်နေ့တွင်ပြန်လည်ရောက်ရှိလာသည်။

https://lh3.googleusercontent.com/-1e4n9t3qTiA/TWnTJV-ABSI/AAAAAAAAVSM/7vwXb6ntRx4/s1600/2.gif

ထို့နောက် ဗိုလ်ချုပ်အောင်ဆန်းနှင့်ခေါင်းဆောင်ကြီးများ လုပ်ကြံခံရပြီးနောက် ၁၉၄၇ ဇူလိုင်လ(၁၉)ရက်နေ့တွင် ယာယီအစိုးရအဖွဲ့၏ ဝန်ကြီးချုပ်ဖြစ်လာခဲ့သည်။ ဇူလိုင်လ(၂၆)ရက်နေ့တွင် တိုင်းပြုပြည်ပြုလွှတ်တော်ဥက္ကဌအဖြစ်မှ နှုတ် ထွက်ခဲ့သည်။

၁၉၄၇ ခု၊ သြဂုတ်လ(၂၆)ရက်နေ့တွင် ဘာသာပြန်စာပေအသင်းကြီးတည်ထောင်ရန် ဆုံးဖြတ်ခဲ့သည်။ ၁၉၄၇ ခု၊ အောက်တိုဘာ(၁၇)ရက်နေ့တွင် အင်္ဂလန်ပြည်၊ လန်ဒန်မြို့၌ နန်းရင်းဝန်ရစ်ချတ်အက်တလီနှင့် မြန်မာနိုင်ငံယာယီအစိုးရ အဖွဲ့ဝန်ကြီးသခင်နုတို့သည် မြန်မာနိုင်ငံလွတ်လပ်ရေးအတွက် “နု -အက်တလီ”စာချုပ်ကိုလန်ဒန်မြို့၌ သဘောတူလက်မှတ် ရေးထိုးခဲ့သည်။

https://lh6.googleusercontent.com/-Aa8Orkrn83o/TWnTVmWCl4I/AAAAAAAAVSc/-qpEyIOlzHQ/s1600/1994__OC.gif

ငံ၏ပထမဆုံး ဝန်ကြီးချုပ်အဖြစ် အမည်တင်သွင်းခံရသည်။ ထို့နောက် ဇန်နဝါရီလ(၄)ရက်နေ့နံနက် ၄နာရီ ၂ဝ တွင် လွတ်လပ်သော ပြည်ထောင်စုသမ္မတနိုင်ငံ ပေါ်ထွန်းလာခဲ့ပြီးနောက် လွတ်လပ်သောမြန်မာနိုင်ငံ၏ ပထမဆုံးသောနိုင်ငံတော်ဝန်ကြီးချုပ် ခန့်အပ်ခြင်းခံရသည်။

ထိုနှစ်ဇန်နဝါရီလ ၁၅ ရက်နေ့တွင် ဂျပ်ဆင်ကောလိပ်ကျောင်းဝင်းအတွင်း ယာယီအသင်းတိုက်၌ ဘာသာပြန်စာပေ အသင်းကို ဖွင့်လှစ်ခဲ့သည်။ ထိုမှတဖန်အမှတ်(၃၆၁)၊ ပြည်လမ်းပေါ်ရှိဆိုရန်တိုဗီလာအဆောက်အအုံ(ယခုမြန်မာစာတိုက်နှင့် ကြေးနန်းဆက်သွယ်ရေး ဌာန)သို့ပြောင်းရွှေ့ပြီးနောက် “စာပေဗိမာန်”ဟုအမည်ပြောင်းခဲ့သည်။

၁၉၅၁ ခုနှစ်တွင် ဘာသာပြန်စာပေအသင်း အုပ်ချုပ်မှုကောင်စီကိုဖွဲ့စည်း၍ ဥက္ကဌအဖြစ်ဆောင်ရွက်ခဲ့သည်။

၁၉၅၃ ခု၊ ဇန်နဝါရီလ(၁၅)ရက်တွင် ရန်ကုန်မြို့၊ ကမ္ဘာအေးစေတီတော်အနီးတွင် မဟာပါသဏလိုဏ်ဂူတော်ကြီးကို ပန္နက်ရိုက်အုတ်မြစ်ချပေးခဲ့သည်။

၁၉၅၄ ခုမေလ(၁၇)ရက်နေ့တွင် ဆဋ္ဌသင်္ဂါယနာတင်ပွဲတော်ကို ရန်ကုန်မြို့ရေကူးရပ်သီရိမင်္ဂလာကုန်းမြေရှိ မဟာ ပါသဏလိုဏ်ဂူတော်ကြီးတွင် ကျင်းပရာဥပသကာအဖွဲ့ ဥက္ကဌအဖြစ်ဆောင်ရွက်ခဲ့သည်။

၁၉၅၆ ခု၊ ဇွန်လ ၁၂ ရက်နေ့တွင် နိုင်ငံတော်ဝန်ကြီးချုပ်ရာထူးမှ ခေတ္တနှုတ်ထွက်သည်။ ထိုနှစ်မှာပင် ရန်ကုန် အရှေ့ပိုင်းခရိုင် ပါလီမန်အမတ်အဖြစ် ရွေးချယ်ခံရသည်။

https://lh5.googleusercontent.com/-vj3jJ6MF4ys/TWnTlxH4cgI/AAAAAAAAVSs/fCT99VZKnSs/s1600/_23.gif

၁၉၅၇ ခုတွင် ဇနီးဒေါ်မြရီ၊ ဦးသန့်၊ ဗိုလ်မှူးလွင်၊ ဗိုလ်မှူးပြည်စိုးတို့နှင့်အတူ ကမ္ဘာတပတ်ချစ်ကြည်ရေးခရီးလှည့်လည်ခဲ့သည်။

၁၉၅၈ ခုဇွန်လ(၉)ရက်နေ့တွင် သန့်ရှင်းဖဆပလအဖွဲ့ကိုတည်ထောင်ခဲ့သည်။ ထိုနှစ်အောက်တိုဘာလ(၂၈)ရက် နေ့တွင် အိမ်စောင့်အစိုးရသို့ အာဏာလွှဲပြောင်းခဲ့သည်။

၁၉၆ဝ ပြည့်နှစ်တွင် ရန်ကုန်အရှေ့ပိုင်းခရိုင်ပါလီမန်အမတ်အဖြစ်ထပ်မံရွေးချယ်ခံရသည်။ ၁၉၆ဝ ပြည့်နှစ်၊ မတ်လ ၁၈ ရက်နေ့တွင် သန့်ရှင်းဖဆပလအဖွဲ့ကို ပြည်ထောင်စုပါတီ(ပထစ)အဖြစ်အမည်ပြောင်းခဲ့ပြီး ပါတီဥက္ကဌအဖြစ်တာဝန်ထမ်းခဲ သည်။ ဧပြီလ ၄ ရက်နေ့တွင်ကာကွယ်ရေးဝန်ကြီး၊ ပြန်ကြားရေးဝန်ကြီး၊ ပြည်ထဲရေးဝန်ကြီး၊ ကယ်ဆယ်ရေးနှင့် ပြန်လည်နေရာချ ထားရေးဝန်ကြီး၊ တာဝန်များကိုစတင်ထမ်းဆောင်ခဲ့သည်။

၁၉၆ဝ ပြည့်၊ အောက်တိုဘာ ၁ ရက်နေ့တွင် တရုတ်-မြန်မာနယ်စပ်ကိစ္စကို လက်မှတ်ရေးထိုးသည်။

https://lh3.googleusercontent.com/-vKUNULknfiU/TWnTZmFPL6I/AAAAAAAAVSg/pTBewkxuJFY/s1600/_2.gif

၁၉၆၁ ခု၊မတ်လ ၁၄ ရက်နေ့တွင် ပါတီဥက္ကဌမှ နုတ်ထွက်ခဲ့သည်။ ၁၉၆ဝပြည့်နှစ်မှ ၁၉၆၂ မတ်လ ၂ ရက်နေ့အထိ နိုင်ငံတော်ဝန်ကြီးချုပ်နှင့်ပထစပါတီဝင်အဖြစ် ထမ်းဆောင်ခဲ့သည်။ ၁၉၆၂ မတ်လ ၂ ရက် နေ့တွင် ဗိုလ်ချုပ်ကြီး နေဝင်းဦးဆောင်သော စစ်တပ်၏အာဏာသိမ်းခြင်းခံရပြီးနောက် ၁၉၆၂ မှ ၆၆ ခုနှစ်အထိ ခေတ္တထိန်းသိမ်းခြင်းခံရသည်။ လွတ်မြောက်လာသောအခါ ရဟန်းဝတ်ပြီးမြန်မာပြည်အနှံ ဗုဒ္ဓွဘာသာတရားတော်များဟောကြားခဲ့သည်။ ၁၉၆၉ ခုတွင် မိသားစုနှင့်အတူ အိန္ဒိယသို့ထွက်ခွာသွားခဲ့သည်။

https://lh5.googleusercontent.com/-Zy4eLjZsYWU/TWnTPVEKcWI/AAAAAAAAVSU/0Z-R0tn77oo/s1600/38.gif

ထို့နောက် ၁၉၆၉ ခုသြဂုတ် ၂၉ ရက်နေ့တွင် ထိုင်းနိုင်ငံ၌ပါလီမန် ဒီမိုကရေစီပါတီ (PDP)ကို ဦးဆောင်ဖွဲ့စည်းကာ ဥက္ကဌအဖြစ်တာဝန်ယူခဲ့သည်။ ဦးနုသည် ပါလီမန်ဒီမိုကရေစီပါတီမှ ၁၉၇၂ တွင်နှုတ်ထွက်၍ အိန္ဒိယနိုင်ငံ၌ပြောင်းရွှေ့ခိုလှုံခဲ့သည်။ ၁၉၈ဝ တွင် စစ်အစိုးရက အထွေထွေလွတ်ငြိမ်းချမ်းသာခွင့် အမိန့် ၂/၈ဝ ထုတ်ပြန်ကြေငြာလိုက်သောအခါ မြန်မာနိုင်ငံသို့ပြန်လည်ဝင်ရောက်ခဲ့သည်။

https://lh4.googleusercontent.com/-U33_XpUNRuk/TWnTfWy5JUI/AAAAAAAAVSk/zh9izxb5Fh0/s1600/_3.gif

ဦးနုသည် စာရေးဆရာလည်းဖြစ်ရာ ပထမဆုံးပုံနှိပ်စာမူဖြစ်သည့် “အချစ်လော အမုန်းလော”ပြဇာတ်ကိုဓူဝံမဂ္ဂဇင်း တွင်ပုံနှိပ်ဖေါ်ပြခြင်းခံရသည်။

၁၉၃၆ ခု၊ တက္ကသိုလ်ကျောင်းသားသပိတ်ပြီးသောအခါ “သပိတ်မှောက်ကျောင်းသား”အမည်ဖြင့်ဇာတ်ညွှန်းရေး၍ ဗြိတိသျှဘားမားရုပ်ရှင်ကုမ္ပဏီက ရုပ်ရှင်အဖြစ်ရိုက်ကူးခဲ့သည်။ ထိုနှစ်မှာပင် “ဒီးဒုတ်”ဂျာနယ်၌ “ကမ္ဘာကျော်ရှိတ်စပီးယား ပြဇာတ်”များကိုရေးသားခဲ့သည်။

၁၉၃၇ ခုတွင်ပြဇာတ်တိုများထဲမှ ကောင်းနိုးရာရာများကိုရွေးချယ်၍ “ခေတ်မှီပြဇာတ်တိုများ”အမည်ပေး၍ နဂါးနီစာအုပ်အသင်းမှ ထုတ်ဝေခဲ့သည်။

ဦးနု၏ ထင်ရှားခဲသည့်စာအုပ်များမှာ “ဗမာ့သတ္တိ”၊ “လူပေါ်လူဇော်လုပ်နည်း”(ပ၊ ဒုတွဲ)၊ (နောင်တွင်အဆိုပါ စာအုပ်ကို ‘မိတ္တဗလဋီကာ’ အမည်သစ်သို့ပြောင်း၍ ထုတ်ဝေရာ၊ ကျောင်းသုံးစာအုပ်အဖြစ်ပညာရေးဌာနမှ ကျောင်းများတွင် သင်ကြားရန် ပြဋ္ဌာန်းခြင်းခံရသည်။)

“နိုင်ငံရေးအဘိဓာန်”၊ (သခင်လှဖေခေါ်ဗိုလ်လင်္ကျာနှင့်တွဲဖက်၍ရေးသည်)

“နွားသိုးကြိုးပြတ်”(ပြဇာတ်)၊

“ပုထုဇနော် ဥမ္မတကော”(ပြဇာတ်)၊

“ရက်စက်ပါပေ့ကွယ်”(အဆိုပါစာအုပ်ကို အင်းစိန်ထောင်တွင် အကျဉ်းချခံနေရစဉ်က ရေးသားခဲ့သည်။)

“ဦးသောင်းဒန်” (အင်းစိန်ထောင်ထဲတွင် ရေးသားခဲ့ပြီး ယခုတိုင် ပုံမနှိပ်ရသေးချေ။)၊

“အာဇာနည်ဆိုတာ ဘာလဲ”၊

“မာ့ခ်ဆဇ္ဇင်းဆိုတာ ဘာလဲ”(ဗမာတွေ ဘာလုပ်ရမလဲ)၊

“ငါးနှစ်ရာသီဗမာပြည်” (အဆိုပါ စာအုပ်ကို မြန်မာနိုင်ငံအစိုးရ အမျိုးသားစီမံကိန်းဌာန၊ အတိုင်ပင်ခံအရာရှိကြီး မစ္စတာဂျေအက်ဖ်ဖာနီဗဲလ်နှင့် ဦးခန့်တို့က အင်္ဂလိပ်ဘာသာသို့ပြန်ဆိုခဲ့သည်။)

“လူမွဲတို့ထွက်ရပ်လမ်း”(ပ၊ ဒုတွဲ)၊

“စာရိတ္တမိဏ္ဍိုင်”၊

“လူထုအောင်သံပြဇာတ်” (အဆိုပါပြဇာတ်ကို မြန်မာနိုင်ငံရှိ စာသင်ကျောင်း များ၌ သင်ကြားရန်ပညာရေးဌာနမှပြဋ္ဌာန်းသည်။) အမေရိကန်ရုပ်ရှင် ကုမ္ပဏီတခုနှင့်ညှိနှိုင်း၍ မြန်မာနိုင်ငံ ဒီမိုကရေစီ ပညာ ပြန့်ပွားရေးအသင်းမှ ကြီးမှူး၍ရုပ်ရှင်ရိုက်ကူးခဲ့သည်။ ထိုပြင်အမေရိကန် ပြည်ထောင်စုတွင် ပြဇာတ်ဖြစ်လည်း စင်တင်ကပြခဲ့ သည်။)

“နိုင်ငံတော်ပန်းတိုင်”၊

“ပြည်ထောင်စုပန်းတိုင်”

“ပြည်တော်သာပန်းတိုင်”

“အသားထဲကလောက်ထွက်”(ပြဇာတ်)၊

“ငါးပါးသီလ”(မြတ်စွာဘုရား၊ သံဃာတော်၊ ဓမ္မအကြောင်း)၊

“ ဗုဒ္ဓဘာသာသနာအရေးတော်ပုံ”၊

“ ဖိနှိပ်မှုတိုက်ပွဲအဆင့်ဆင့်”၊

“ဒီမိုကရေစီကာကွယ်ကြ”’(အင်္ဂလိပ်-မြန်မာနှစ်ဘာသာ)၊

“ရှေ့တန်းခေါင်းဆောင်ဖြစ်လိုသော်”၊

“အိန္ဒိယပြည်၌ဟောပြောသော ဗုဒ္ဓတရားတော်များ”၊

“ကာမတဏှာ”၊

“ရုပ်စုံအခြေခံသမိုင်းအတွဲ(၁)”၊ (ကမ္ဘာနှင့်သတ္တဝါအစ၊ ယဉ်ကျေးမှုအစ)၊

“ညောင်ကန်အေး ဝိပသာသနာတရားတော်”၊

“ကျေးဇူးရှင်”၊

“ဓမ္မာစင်္ကြာတရားတော်”၊

“အနုတ္တရလက္ခဏာသုတ် တရားတော်”၊

“ငရဲဆိုဂျိုနဲ့လားဗျို့”၊

“တြိရတနာ သဗ္ဗဇေယျ မင်္ဂလာဂါထာတော်များ”၊

“တာတေစနေသား”(နယူးဒေလီမြို့ ဧရာဝတီစာပေတိုက်မှ ၁၉၉၁ နိုဝင်ဘာလတွင်ထုတ်ဝေသည်။)

“မြတ်တရားကိုရှာဖွေတွေ့ရှိသူ”(ဂေါတမမြတ်စွာဘုရား) တို့ ဖြစ်ပြီး၊ အင်္ဂလိပ်ဘာသာဖြင့် ရေးသားထားသောစာအုပ်များမှာ –

“Towards Peace & Democracy”,

“From Peace to Stability”,

“The People win through”,

“Burma Looks Ahead”,

Burma under the Japan”,

“Picture and Portraits”,

Forward with the People”,

We Must Defent Democracy”,

“Wages of Sin စသည်တို့ဖြစ် သည်။

ဦးနုရေးသားခဲ့သော ဘဝတဏှာ၊ သမုဒ္ဒယတဏှာ၊ “ကမ္ဘာတစ်ပတ်” စာအုပ်တို့မှာယနေ့တိုင် မထုတ်ဝေရသေးချေ။

https://lh3.googleusercontent.com/-_RS2U6Gh8Gw/TWnTEyJypwI/AAAAAAAAVSI/uUJAkVn59s8/s1600/1.gif

ထိုနောက် ၁၉၉၅ ခု၊ ဖေဖော်ဝါရီလ ၁၄ ရက်၊ အင်္ဂါနေ့နံနက်(၁၁)နာရီ(၂၅) မိနစ်တွင် ဆဋ္ဌသင်္ဂါယနာပဓါန သာသနာ့ ဒါယကာကြီး နိုင်ငံတော်ဝန်ကြီးချုပ်(ငြိမ်း)၊ စာရေးဆရာကြီးဦးနုသည် အသက် (၈၈)နှစ်အရွယ်တွင်(၉၆)ပါးရောဂါဖြင့် အမှတ် (၄၂)ပြည်ထောင်စုလမ်းသွယ် ဆရာစံလမ်းမကြီး၊ ဗဟန်းမြို့နယ်နေအိမ်တွင် ကွယ်လွန်ခဲ့သည်။ ကွယ်လွန်ချိန်တွင် သမီး ဒေါ်စန်းစန်းနု(ဦးသက်တင်)၊ ဦးအောင်ရဲမြင့်။ ဒေါ်မြမြအေး၊ ဦးသောင်းထိုက်၊ ဒေါက်တာမေသဇင်သန်းထိုက်၊ ဦးအောင်၊ ဒေါ်စန်းစန်းနွဲ့၊ ဦးအောင်ငြိမ်း၊ ဒေါ်သန်းသန်းနု၊ ဒေါက်တာခင်အေးသက်တင်(ခ)ဒေါ်ခင်အေးနုတို့ ကျန်ရစ်ခဲ့သည်။ ဇနီး ဒေါ်မြရီသည် ဦးနုမကွယ်လွန်မီ လွန်ခဲ့သော ၂ နှစ်ခန့်(၁၉၉၃ ခု၊ဖေဖော်ဝါရီလ(၇)ရက်နေ့တွင် ကွယ်လွန်သွားပြီးဖြစ်သည်။)

https://lh5.googleusercontent.com/-_CZ4mDZub3o/TWnTL7Gsr-I/AAAAAAAAVSQ/pb5ViCmua3g/s1600/30.gif

ဦးနု၏ ကြွင်းကျန်သောရုပ်ကလာပ်ကို ကြံတောသုဿန်၌ ဂူသွင်းသင်္ဂြိုလ်ခဲ့သည်။ ၃ဝ/၁၂/ ၉၆ ရက်နေ့တွင် ကြံတော သုဿန်ဖျက်သိမ်းလိုက်သောကြောင့် မြောက်ဥက္ကလာပမြို့နယ်ရှိ ရေဝေးသုဿန်သို့ ဇနီးဖြစ်သူရုပ်ကလာပ်နှင့်အတူ ပြောင်းရွှေ့ ဂူသွင်းထားခဲ့သည်။

 
Leave a comment

Posted by on February 28, 2011 in For the record, Than Win Hlaing

 

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: