RSS

future PM for Thailand is Daw Yin Hla

04 Jul


ဒေါ်ရင်လှ ထိုင်းဝန်ကြီးချုပ် ဖြစ်လာမည်
လူချစ်လူခင်
ဇူလိုင် ၅၊ ၂၀၁၁


ဒေါ်ရင်လှအကြောင်း မပြောမီ ကျနော်တို့အကြောင်း ပြောမည်။


ဂျာနယ်တိုက်အသီးသီးတွင် ရာထူးကိုယ်စီရှိကြကုန်သော ကျနော်တို့ ဇူလိုင် ၄ ရက်နေ့တွင် အရက်ဆိုင် ထိုင်ကြသည်။
ဇူလိုင် ၄ ဟူသည်ကား အမေရိကန်တို့ လွတ်လပ်ရေးနေ့ ဖြစ်သည်။ အိမ်နီးချင်း ထိုင်းနိုင်ငံတွင် ချစ်ခင်စရာကောင်းသော အမျိုးသမီးတဦးကို ပြည်သူ အများအပြားက ထောက်ခံမဲ ပေးလိုက်သော နေ့လည်း ဖြစ်သည်။
သူတို့၏ ပျော်ရွှင်မှု ကျနော်တို့ထံ ကူးစက်ပြီး အရက်ဝိုင်းဖွဲ့ခြင်း မဟုတ်ပေ။ လခထုတ်ထားသည်မှာ မကြာသေးသောကြောင့် ၀ိုင်းဖွဲ့ကြခြင်းတည်း။
သတင်းသမားတို့၏ အရက်သောက်ခြင်းကိစ္စ ဘဇာကြောင့် စာချဲ့နေရသနည်းဟု အပြစ်တင်လျှင်လည်း ခံရပေမည်။ ပြောမည်ဆိုလျှင် ပြောစရာ များစွာ ရှိပါ၏။ ထိုအထဲမှ တခုသာ ပြောတော့မည်။

ဂျာနယ်တိုက်တခုက တချက်လွှတ်အမိန့် များစွာထုတ်ထားသည့်အနက် အမိန့်တခုက ဤသို့ ဖြစ်လေ၏။
တခြားဂျာနယ်တိုက်မှသတင်းသမားနှင့် လက်ဘက်ရည်ဆိုင် အတူမထိုင်ရ ဟူသတတ်။ ကျွန်ုပ်၏ ချစ်လှစွာသော သယ်ရင်းက စည်းကမ်းပြည့်ဝသော စာနယ်ဇင်းသမား ဖြစ်သည်နှင့်အညီ လက်ဘက်ရည်ဆိုင်သို့ ခေါ်၍မရချေ။
သို့သော် အရက်ဆိုင်သို့ကား ချိန်းထားသည့်အတိုင်း ဆိုက်ဆိုက်မြိုက်မြိုက် ရောက်လာပေသည်။ စည်းကမ်းချက်ထဲတွင် အရက်ဆိုင်မပါ ဟု သူက ဆိုပါသည်။ တိကျသော သတင်းသမားပင်တည်း။ ကြီးပွားမည့် ရာထူးတက်မည့် လခ တိုးမည့် သတင်းသမားပင်တည်း။

ဒေါ်ရင်လှအကြောင်း လာပါတော့မည်။ အရက်ဝိုင်းတွင် ပြောမိသော သူ့အကြောင်း အနည်းငယ်ကို ယူပြီး ရေးရသည် ရှိသော် –

ထိုင်းအတိုက်အခံ ပါတီ Puea Thai က ရွေးကောက်ပွဲ နိုင်သည်။ တခြား ပါတီလေးငါးခုနှင့် ပေါင်းပြီး အစိုးရဖွဲ့မည်၊ ၀န်ကြီးချုပ်ကတော့
Yingluck Shinawatra ဖြစ်သည်။ စာဖတ်သူများ သိပြီးသားကို လေရှည်မိသဖြင့် တောင်းပန်ပါသည်။


ဂျာနယ်သတင်းတပုဒ်ထဲတွင် နာမည်ကို ရေလဲအမျိုးမျိုး သုံး၏။


ထိုအမျိုးသမီး၏ အမည်က ခေါ်ရ မခက်ပါချေ။ ထိုင်းရေဒီယို သို့မဟုတ် ရုပ်မြင်သံကြား တနာရီခန့် ဖွင့်လိုက်လျှင် သူ့နာမည်ကို ဆယ်ကြိမ်ခန့် ကြားရမည်။ ထိုအသံထွက်အတိုင်း ချရေးလိုက်ပါက အိုကေမည်။
သို့သော်လည်း မည်သူက ထို တနာရီကို အချိန်ကုန်ခံမည်နည်း။ ကိုယ်က အိုကေမည်ဟု ယူဆသလို စာလုံးပေါင်းလိုက်ကြလေ၏။ ကျွန်ုပ်လုပ်ကိုင်သော သတင်းဂျာနယ်တိုက်တွင်လည်း ထိုနည်းလည်းကောင်းတည်း။

မဟာရန်ကုန်အခြေစိုက်တော်မူသော ဂျာနယ်များစွာထဲမှ ထိပ်သီးဂျာနယ်တချို့၏ ထိုင်းအမျိုးသမီးဝန်ကြီးချုပ်လောင်းလျာ Yingluck Shinawatra ၏ အမည်ကို မြန်မာဘာသာဖြင့် ရှုလော့။

ယင်လပ်ခ်ရှင်နာဝပ်ထရာ – ရန်ကုန်တိုင်းမ်

ရင်လပ် ရှင်နာဝပ် – မြန်မာတိုင်းမ်
ယင်ဂလပ် ရှင်နာဝပ်
ယင်းလပ်
ယင်လာ့ခ်ရှင်နာဝပ်

ချစ်စရာကောင်းသော ကျနော့်သူငယ်ချင်း သတင်းထောက်မလေး လုပ်ကိုင်သည့် မြန်မာတိုင်းမ်ဂျာနယ်၏ ထိုင်းရွေးကောက်ပွဲ သတင်း ၃ ပုဒ်တွင် ထိုသို့ သတ်ပုံ ၄ မျိုး ရှိလေသည်။

ရင်းလတ် ရှင်နာဝပ်ထရာ – Voice ဂျာနယ်

ယင်လက်ခ် ရှင်နာဝပ်ထရာ – Eleven ဂျာနယ်

ယင်လက် ရှင်နာဝပ် – BBC
ယင့်လတ် ရှင်နာဝတ်
ယဉ်လပ် ရှင်နာဝက်

ကျနော့် အစ်ကိုကြီး မျိုးသာထက် လုပ်ကိုင်သည့် BBC က လည်း အထက်ပါအတိုင်း ရေလဲ သုံးလေ၏။
သူတို့၏ အင်တာနက်စာမျက်နှာတွင် ထိုသုိ့ တွေ့ရ၏ ဟု အင်တာနက်မြန်သော ဒေသမှ ဘော်ဒါ သတင်းသမားတဦး၏ ကော်ပီကူးပေးပို့မှုကြောင့် သိရခြင်းဖြစ်သည်။
ရန်ကုန်မှ ကျနော်တယောက် အင်တာနက်မြန်လှချည့် လွတ်လပ်လှချည့်ဟု မထင်လေနှင့်။

ယင်းလတ် ရှင်နာဝပ် – VOA
ယင်လပ် ရှင်နာဝပ်

ယင်လတ်ရှင်နာဝပ် – DVB
ယင့်လပ် ရှင်နာဝပ် – ဧရာဝတီ
ယင်လတ်ခ် ရှင်နာဝပ်ထရာ – မဇ္ဈိမ
ယင်လပ် – နေ့သစ်.

ထိုင်းအမျိုးသမီးမမ၏ အမည်ကို ထိုသို့ များစွာ တွေ့ရသည်။ မည်သည့်အရာက အနီးစပ်ဆုံး ဖြစ်မည်နည်း။
ကိုယ့်နည်းကိုယ်ဟန် ကိုယ့်တိုက်၏ ပုံသေစကားလုံးကို ကိုယ်ကြိုက်သလို ဖန်တီးကြခြင်းပင်။ ကောင်း၏။
ရင်လှ သို့မဟုတ် ယဉ်လှ ဟု စာလုံးပေါင်းက သင့်ချေ၏ မြန်မာဆန်ချေ၏ဟု ကျနော် အတွေးရောက်မိသည်။
ဝန်ကြီးချုပ် ဒေါ်ရင်လှ ဟု ဆိုလျှင် သူလည်း ကြိုက်မည်ပင်။ မည်မျှ လှပသည့် နာမည်နည်း။

အောက်ပါ အမည်တို့ကိုလည်း ရှုလော့။ Puea Thai ပါတီဟူသည်ကို အသံလှယ်ထားခြင်းတည်း။
ဤနေရာတွင် ထိုင်းအခြေစိုက် ဧရာဝတီ နှင့် မဇ္ဈိမတို့ အသံဖလှယ်မှု တူညီသည်ကို မြင်ရသည်။
ထိုပါတီ၏ အမည် လာမည့် သတင်းများတွင် အဆက်မပြတ် ပါလာတော့မည် ဖြစ်သောကြောင့် မည်သို့မည်ပုံ အသံဖလှယ်ကြဦးမည်ဆိုသည်က စိတ်ဝင်စားဖွယ် ကောင်းလှချေ၏ဟု ဆိုရချေတော့မည်။

ဖွေ – VOA
ဖုယာ့ – ဧရာဝတီ
ဖူးရာ့ – မဇ္ဈိမ
ဖွေ့ – နေ့သစ်.
ဖေ့ – DVB
ဖူရက် – BBC
ဖုအ
ပြူအာ – မြန်မာတိုင်းမ်
ပွေ – Voice ဂျာနယ်

ယဉ်လပ် ဟု စာလုံးပေါင်းသူလည်း ရှိသည်။ ကောင်း၏။ ယဉ်ကျေးသော ယဉ်ယဉ်လေး လှသောဟု ဘာသာပြန်နိုင်၏။ သို့သော်ငြားလည်း နောက်ထပ်နာမည်တလုံးမှာတော့ ၀က် ဟု ဆိုလိုက်သည်ကတော့ ၀န်ကြီးချုပ်ကို အားနာစရာ မဟုတ်လော။
 
Leave a comment

Posted by on July 4, 2011 in Satire

 

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: