Quotes for May 2009

မေလ စာကိုး စကားကိုး
မေ ၃၀၊ ၂၀၀၉

“ကုမ်ရာသီဖွားမိန်းမတစ်ယောက် ဆိုတာကို သူတို့ရဲ့ ၀တ်စား ဆင်ယင်ပုံ ကြည့်တာနဲ့ကို သိနိုင်တယ်။ ခေတ်ရေစီးကြောင်းနဲ့အညီ ၀တ်ချင်မှဝတ်မယ်။ ကိုယ်နဲ့အဆင်ပြေတယ်ထင်ရင် ၀တ်လိုက်တာပဲတဲ့။ (အဲဒါတော့မှန်တယ်။ ဥပမာ… ဖက်ရှင်ဖြစ်နေတဲ့ ဒေါက်ကြီးစီးပြီး အရမ်းတော့ လှနေပါရဲ့၊ ခြေနာလို့ ထော့နဲ့နဲ့ကြီးဖြစ်နေတာမျိုး၊ Paris Hilton လို လှချင်လို့ လှည်းဘီးမျက်မှန်ကြီးဝတ်ပြီး မမြင်မစမ်းဖြစ်နေတာမျိုးတော့ မဖြစ်လိုဘူး၊ ကိုယ်နဲ့အဆင်ပြေပြီး လွတ်လပ်ပေါ့ပါးတဲ့ ၀တ်စားဆင်ယင်ပုံကို နှစ်သက်တာတော့ အမှန်ပဲ)”
အိမ့်ချမ်းမြေ့၊ ဘလော်ဂါ
ainchannmyay.com၊ မေ ၂၈

 

quote for april 2009

ဧပြီလ စာကိုး စကားကိုး
ဧပြီ ၃ဝ၊ ၂ဝဝ၉

“အလွန် စိတ်မ၀င်စားလှသေးဘူးဗျ။ ဒါပေမဲ့ အထိုက်အလျောက်တော့ သိစ ပြုလာပြီပေါ့၊ ၀က်တုပ်ကွေး ဆိုတဲ့ရောဂါ ရှိနေပြီ ဆိုတာလောက်တော့ သိတယ်။ ဒါပေမဲ့ အဲဒီအပေါ်မှာ သတိထားဖို့တို့၊ ဆင်ခြင်ဖို့တို့ အဲဒါမျိုးတော့ ဘာမှ သိပ် မတွေ့ရသေး ဘူးဗျ။ နိုင်ငံခြား ရေဒီယိုတွေ နားထောင်တဲ့ လူလောက်ပဲ သိပြီး စိတ်ဝင်စားမယ် ထင်တယ်။ ပြည်တွင်းက လူတွေကတော့ ပွင့်ပွင့် လင်းလင်း ပြောရရင် သတင်းစာလည်း သိပ် မဖတ်ဖြစ်ဘူးဗျ။ ဖတ်ဖြစ်တဲ့လူ နည်းတယ်ပေါ့နော်။ နောက်တခုက တီဗွီ ဆိုရင်လည်း ဇာတ်လမ်းတွဲလောက်ပဲ ကြည့်တာကိုး”
ဒေါက်တာမြင့်ဇော်၊ မြန်မာနိုင်ငံ ဆရာဝန်များအသင်း ပြောခွင့်ရပုဂ္ဂိုလ်
ဗွီအိုအေ အသံလွှင့်ဌာန၊ ဧပြီ ၃၀

 

Quotes for March 2009

မတ်လ စာကိုး စကားကိုး

မတ် ၃၁၊ ၂၀၀၉

 

Aung San Suu Kyin on Poem

အောင်ဆန်းစုကြည်နဲ့ ကဗျာ

အောင်ဆန်းစုကြည်

မတ် ၂၀၊ ၂၀၀၉

(စာ ကောက်နုတ်ချက် တခုဖြစ်ပါတယ်)

လူတို့ရဲ့အတွေးအခေါ် ပညာဉာဏ် သဘောတရားကို

ဖွံ့ဖြိုးမှုကို စာပေအရေးအသားများက ရောင်ပြန်ဟပ်ပါတယ်။

 

Quotes for Feb 2009

ဖေဖော်ဝါရီ စာကိုး၊ စကားကိုး

ဖေဖော်ဝါရီ ၂၇၊ ၂ဝဝ၉

“အလုပ်ဖြုတ်ခံရတဲ့ အထဲမှာ ဒါရိုက်တာကစလို့ အဆင့်ပေါင်းစုံသော ဝန်ထမ်းတွေ ပါပါတယ်။ လေယာဉ်လက်မှတ်ကလွဲလို့ သူတို့မှာ ဘာအကျိုးခံစားမှုမှ မရှိပါဘူး။ ရင်နာစရာပါ။ – - မြန်မာ ဝန်ထမ်းတွေကို မြန်မာပြည်ကို ပြန်လွှတ်မယ်ဆိုရင် လေယာဉ်လက်မှတ် ဈေးနူန်းတွေက အခြားနိုင်ငံတွေနဲ့ယှဉ်ရင် ၂ဆကျော်ကျော်လောက် ပိုများလို့ပါ။ – – - ဒါ့ကြောင့် အတ္တလန်တစ် ဟိုတယ်က ဖြုတ်ပစ်ခဲ့တဲ့အထဲမှာ မြန်မာဝန်ထမ်း တစ်ယောက်စ နှစ်ယောက်စပဲ ပါပါတယ်။ မြန်မာပြည်ရဲ့ ဆင်းရဲလွန်းလှတဲ့ ပို့ဆောင် ဆက်သွယ်ရေးစနစ်ကို ဒီအချိန်မှာ ကျေးဇူးတင်သင့်ပါတယ်”

နှင်းနဲ့မာယာ၊ ဘလော်ဂါ

mysterysnow.blogspot.com ဖေဖော်ဝါရီ ၁

 

Maung Yin Aung – Art is not for sale

“အနုပညာကို ရောင်းမစားနဲ့ …”

ဦးသုခ ဆုံးမစကားကို ပြောကြားသူ မောင်ယဉ်အောင်

မိုင်အကယ်ဒမီစိန်

ဖေဖော်ဝါရီ ၁၁၊ ၂၀၀၉

”အနုပညာသမားကောင်းတယောက်ဟာ ကိုယ့်အနုပညာကို ငွေတစ်မျက်နှာပဲ ကြည့်ပြီး ဟင်းရွက်၊ ကန်စွန်းရွက်လို ရောင်းမစားရဘူး။ အနုပညာကို သစ္စာမဲ့တာဟာ ကိုယ့်အမျိူးသားယဉ်ကျေးမူရဲ့ဂုဏ်သိက္ခာကို နင်းချေပစ်တာနဲ့ အတူတူပဲ။ အနုပညာ သာမှ လူမျိူး သာ မယ်။ အနုပညာ ချာရင် လူမျိူး ချာ တယ်။ အနုပညာနဲ့ပတ်သက်သူတိုင်းဟာ ခေတ်ကို ဦးဆောင်နိုင်သူ ဖြစ်ပါစေ။ ခေတ်ကို ဖျက်ဆီးတဲ့သူ မဖြစ်ပါစေနဲ့။ အနုပညာမျက်လုံးနဲ့ ကမ္ဘာကို လှမ်းမျှော်ကြည့်ပါ။ မင်းဟာ မြန်မာဆိုတာကိုလည်း မင်းကိုယ် မင်း မမေ့ပါနဲ့။ မင်းရဲ့ အနုပညာဟာ မင်းမရှိတဲ့နောက် အမှိုက် တစ မြေကြီးဝမ်းစာအဖြစ် မချန်ခဲ့ပါနဲ့။ သမိုင်း အဖြစ် ချန်ခဲ့ပါ။ ဒါဆိုရင် ငါပြောတဲ့စကားအရ အနုပညာသမားကောင်းတယောက်ဟာ တိုင်းပြည်နဲ့လူမျိူးအတွက် ဘယ်လောက် တာဝန်ကြီးတယ် ဆိုတာ မင်းနားလည်မှာပါ”

 

Quotes for Jan 2009

ဇန်နဝါရီ စာကိုး၊ စကားကိုး

ဇန်နဝါရီ ၃၁၊ ၂၀၀၉

“သားစိုးနှင့် ငယ်ငယ်တို့သည် စေ့စပ်ပွဲဖိတ်စာအား ယွန်းပန်းကန်ပေါ်တွင် စာသားရေးသား၍ ဖိတ်ကြားခဲ့ပြီး၊ သူတို့၏ စေ့စပ်မင်္ဂလာ ဧည့်ခံပွဲအားလည်း ထူးခြားသော တင်ဆင်မှုများဖြစ်သည့် ယိမ်းအက၊ ဇာတ်မင်းသားအက နှင့် ရုပ်သေးရုပ်အကများဖြင့် ဖျော်ဖြေ တင်ဆက်ခဲ့ပါသည်”

7 DAY NEWS ဂျာနယ်၊ ဇန်နဝါရီ ၁၅

သားစိုး (ကိုစိုးမွန်အောင်) နှင့် ငယ်ငယ် (မထက်ထက်ခိုင်)